السلام عليكم

كنت فى احدى المنتديات .. وقرات هذه القصة .. ودمعت عيناي لقصة الفتاة المسكينة

حتى اني رسلت لها ايميل .. احاول ان اساعدها .. وانصحها .. ومابيدي الا الدعاء لها

القصة .. واقعية

بالنص

مرحبا بالجميع من بالمنتدى .. ماابغى اضحك عليكم .. انااشتركت بالمنتدى .. عشان بس اعرض مشكلتي ..(حكايتي)..

اتمنى انكم ما تحذوفوا الموضوع .. انا نشرته .. لانى ابغى الحل من بعد اليأس .. اسفه .. مانى عارفة اكتب بايت منتدى

مااطلب انك انكم تسمحولي اكتب .. ايميلي فقط لارسال الحلول

من لديه حل لمشكلتي .. وماابي اكون طماعه وانانية

بس ابي الموضوع يكون بمكانه الصحيح .. ويكون ثابت لو بس كم يوم

انا اتمنى .. اطول فتره ممكنة .. عشان الجميع يقرأ حكايتي

حط نفسكم بمكانى .. انا في اشد الحاجه للحل

بسم الله الرحمن الرحيم

السلام عليكم ورحمه الله وبركاته

بالبداية .. قبل لا أبدا بحكايتي

أعرفكم بنفسي

أنا نورا .. طالبة بالجامعة .. 20 سنة

من جده

عايشة مع اهلي المكونة من بابا وماما وفيصل وعبدالعزيز (عزيز)

انا اخر العنقود بالبيت

اولنا

فيصل 23 سنة

عزيز 21 سنة

وانا 20 سنة

وبابا داخل على الـ 60

وماما بنهاية الـ 30

سااشرح لكم شخصية كلاً منا .. لكي تفهموا ماهي حكايتي



الوالد

رجل اعمال معروف .. يتميز بطيبة القلب .. وانسان حنون وعطوف

قلبه خفيف .. يحبنا لحد الجنون

يعشق الوالدة .. ولا يرفض لها طلب

يحب جو العائلة .. ويحب ان يجمعنا معه

انسان رائع .. رائع من كل النواحى ..

عيبه

انه .. انسان بارد .. حياته عمله .. بس مو مقصر معانا بولا شئ .. وحتى بجلسة العيله مو حارمنا

بس معطي لشغله اكبر من طاقته وكل هذا عشاننا

انسان حااااارم نفسه من الحياة الحلوة .. عشاننا

بحاول اعطيكم فكرة عن الوالد لو بسيطة .. ومع ذلك مقصرة فى وصفه


الوالدة

صاحبة شخصية قوية .. طيبه القلب .. وحنونه لكن لا يظهر هذا كله الا باوقات

عصبية .. جامدة .. جميلة جدا جدا الشكل

وهي برضوا تحبنا كثير .. لكن الاكثر لى انا لانى البنت الوحيدة واخر العنقود

ودايم تقول انا مستحملة الهم عشانك انتي بس

عيبها

عصبيتها الزايدة .. عكس بابا انسانة حاره الطباع

شخصيتها مسيطرة على بابا

لطيبه قلبه الجنونية و لعشقه لها

هذي امي


فيصل

مشابة للوالدة

عصبي .. قوي الشخصية .. حنون .. كتوم

ولد بار لـ الوالد والوالدة

وبالفتره الاخيره ملتزم بدينه .. عاقل


عزيز

انسان عنيد .. بايع الدنيا .. دمه خفيف .. غامض .. همه نفسه
انسان حنون وطيب القلب

كل اللى يشغل باله .. اللى تشغل الشباب

المراهقين


جميعا نمتلك الطيبة .. والحنان

امممممم

باقي انا ماعرفتكم بنفسي

انا مررره طيبة .. رومنسية .. حنونه .. نياتيه

يعنى كل تصرفاتي خارجة بنيتي

كتوممممممه مرررره

همي .. هموم الناس

يعنى احب الناس اللى يضايقهم .. يضايقني

كثير اخذ مقالب بسبب طيبتي

اسامح كثير

كلام الناس عن شخصيتى

اني من اصحاب الشخصيات المميزة
الحمدلله

عموما انا اقول المادح نفسه كداب .. يلا مشي حالك



حكايتي .. كثير ماافشل فى كتابة حكايتي

بس بحاول هالمره .. لانى ابي المساعده والحل

لانى مانى عارفة افكر لحالي

وكل حلولي .. غلط

احس نفسي مااحب اتصرف .. بس لازم افك حاجز الخجل اللى فينى واتصرف

ان كان على نهاية حياتي .. انا راضية بس اكون انسانه قويه وقادرة اقلها امام نفسي

واخلص من اهانات نفسي ليا

عذاب الضمير

ابدا .. بسم الله

الوالد والوالدة .. وحنا .. عايشين بيبت واحد

بس هما هاجرين الفراش

يعني
كل واحد بغرفة

وهذا الكلام من انا بالصف ثالثه ابدائي وطبعا على بناء على طلب الوالدة

والوالد همه رضى الوالدة .. وسعادتها

الجميع عارف بحال الوالد والوالدة

وكثير حاولوو اصلاح الوضع لكن الرفض ياتي من قبل الوالدة

الحمدلله على كل حال

مشكلتي ..

الوالدة .. ماهي مخلصة

يعنى لها علاقة برجل ثاني غير بابا

وانا اكتشفت هذي الحكايا بالصف الثالث الابتدائي .. يعنى اول مافهمت انو مايصير وحرام

كنت طفلة

ومنها وانا اتحرمت من طعم الراحه والابتسامة اللى من القلب لهذا اليوم

ماابغى اسبق الحدث .. المهم

لمن اكتشفت .. او بالضبط لمن بديت افهم

لانى من وانا طفلة كانت تاخذني معاها اليه كنت اعرفه وهو يعرفني
وهو مطلق زوجته .. وعنده بنت برضو قدي واسمها نورا

احس انها لها علاقة بيه من قبل لا انولد

المهم

كانت تاخذني معاها .. لمن ترحله

وهو مرره يحبني ودايم يجيب ليا الهدايا

واتذكر .. قبل لا افهم الوضع .. كنت احبه

والعب معاه .. وكانت ماما فرحانة لانو يعاملني زي بنته

كان دايم يجيب بنته .. تلعب معايا

اتذكر الاحداث كنها صايرة امس

اممم

مااذكر متى فهمت وايش اللى خلاني اقلب عليه

بس اذكر انى كنت بالابتدائي .. ثالثة

كرهته .. وكنت دايما ابكي .. وكنت احاول افهم بابا بطريقة غامضة شوي .. عشان ماما تعقل

لكن لا حياة لمن تنادي

على فكره فيصل كان عارف .. كل شئ
وبالعكس راضي وكان بصف ماما

نسيت اضيف .. ماما انسانة روعه فى الاقناع

المهم

من وقت ماكرهته وانا صرت دايم اضارب مع ماما واسوي لها مشاكل وكنت اقول راي في وجهه

فصارت ماما تسوي كل شئ من ورايا

بس فيصل عارف

عزيز .. كلنا نحس انو عارف .. هو ما يدخل نفسه فى شئ

يعنى كانو مو عارف

المهم

للاسف كانت تخرج معاه .. والسواق عارف

استمرت على هذا الوضع

لين صرت سنه اولى متوسط .. وانا عارفة وكاتمة واحيانا انفجرعلى ماما

وكنت تقولي:

انا اتزوجت وانا عمري 15 سنة .. كنت طفلة .. وابوكي دايما يسافر ويشتغل ليل ونهار ومايهتم فيا

واهلك ما يحبوني ..((( وهذا صح لانها اجمل وحدة باهلها واهلي )))

وانها اتبهدلت كتير ((وصابت بالعين الحاره))

وراحت لشيخ وقالها .. اهل زوجك هما اللى عملموا لكي السحر

وعرفنا من اللى عملتها .)(الله سامحها)

وانها هي و الوالد ما يتفقوا كثير

هيا حارة وهو بارد

ويحب اهله

بس كانت دايم تمدح فى بابا لدرجة اننا نحبه اكثر منها

عمرها ما ذمت فيه

عارفين هي انسانة رائعه وانا اعشقها طيبه وتجنن ومافي احد ما يحبها

بس للاسف انها استسلمت لانوثتها .. وبدات تعوض مراهقتها اللى ما عاشتها

استغرب فى الوالدة انها كانت تقول (انا حارمة نفسي من كل شئ عشانكم)

تصدقوا انا السبب ياما الوالدة تحاول فيا انها تتزوج واحد ثاني

وانا غبية اقول لا وانى حسيب البيت

وماما كل اللى يهمها راي انا

وبسبب غبائي .. بطلت من فكرة الزواج الثاني

وصارت عايشه حياتها .. انها لها علاقة

لو كنت رضيت وخليتها تتزوج اللى تحبه .. ماكان حالنا صار كده

المهم

الخيرة فيما اختار الله

اللى كانت تحبه .. خلينا نسميه (سعود)

سعود وماما بلفتره الاخيره صارو يتضاربو كثير

وكثير سعود ضرب ماما

لان مااما ماتقبل بتحكم الرجل

وسعود عكس بابا شخصيتو قوية

وكان دايم يبهدلها اليييين سابو بعض

ماتتصور قدي ايه كانت فرحتي

خلاص خلصنا

حسبت ان الدنيا ابتسمت لي

وانى راح اخلص من بكاء كل يوم قبل لا انام

وعدم الراحه النفسية

والاهتزاز اللى بشخصيتي

ومرت سنتين الحمدلله كلها تمام

وصار عمري 16 سنة

الوالدة لها خط خاص بغرفتها

بيوم رديت على التلفون

واللى متصل واحد

قلي نورا كيفك

قلت : هلا مين

قلي : انا ابغى اقولك انتبهي لامك .. لانها كانت صحبتي

وهي الحين سابتني وصارت مع غيري

وانا سكت واستمعت له وصدقت كلامو

بس قدامه .. كذبته وسكرت السماعه بوجهه

وجات ماما وحكتها ومن طريقة كلامي كان باين انى مصدقته الرجال المتصل

كذبته .. وصرخت عليا ... المهم صدقتها وبهدلت نفسي لانى كيف شكيت فى ماما

بيوم كنت جالسه بغرفتها

فكيت درج لها ولقيت رساله لها

منه (المتصل .. اسمه (محمد) ..)

وحاطط صورته

وعرفت انو لسه ماما ربي ماهداها

وانى كنت فى غيبوبة مانى داريه عن الدنيا

المهم رجعت لهمومي ثاني ودموعي جفت من كثر ما تنزل

والانطواء

صرت اجلس لحالي كثير

اكيد بتقولو .. وين فيصل وعزيز والوالد

انا لو ما كنت منتبها ومركزه على تصرفاتها ماكان عرفت لان الوالدة حريصة جدا

وتحسب لهذا اليوم اننا محنا عارفين

انا وفيصل اللى عارفين .. بس فيصل عارف حكايا (سعود)

وانها عقلت .. وكلهم .. مشغولين بحياتهم

وانا جالسه للوالدة
اللى بعد (محمد) انا مااعرفهم

مدري هو واحد ولا كم

المهم .. صرت باردة .. وصرت احس انو مافي فايدة

وصرت متوكله على ربي

وطنشت

بس العذاب اللى جوتي .. جالس وكل يوم يذكرني

اليين .. عرفت واحد منهم

(اسامه)

اصغر من الوالدة بـ 4 سنين

لكن صاحب شخصية رجولية فظيعة .. وانسان رهيب

جميل الملامح

اسامه كان صديق صديقة الوالدة

ولمن نخرج كنا نشوفه .. شاف الوالدة

والوالدة تبان انها صغيرة .. وجميلة

اعجب بها

وهي عجبها كثيييييييييييييييير

.. واي بنت راح تعجب فيه

لان رجل بالملامح .. وبصرفاته

المهم

عرفته اكثر من صحبت ماما كانت تحكينها عنه كثير

المهم .. ما يجي يوم الا لقيت صورة لها فى درج ماما

ورقمه بجوالها

وعرفت انو له علاقة مع ماما

وحبيت اتاكد سالت صحبت ماما عنو

قالت انهم سابوا بعض

واتاكدت انو في علاقة بينهم

وكثير كنت قدام ماما ابين كرهي له .. هي تحاول تحنني عليه وانه مسكين وحياته كانت عذاب

وانو يبغى يخطبها


وانا هبلة ارفض .. بس انا ماكنت ابغى واحد غير بابا

ومااحب ازواج الامهات

كنت ابغى اكون زي صحباتي متهنية مع بابا وماما

لكن

حكمة ربي .. وانا راضية فيها

المهم

فضلت مع اسامه الين وانا بالثانوية العامه

وتخرجت

(انا كنت فاشله دراسيا.. وبحياتي وبكل شئ )

كل همي اهلي

وصرت زي أي بنت

بهتم باامور الجامعه وانى ابس اخذ دورات زي كده

وكنا بالاجازة .. سافرت الوالدة على عادتها ولحالها

الى بلد بره المملكة

وكنت احس انو اسامه يسافر معاها

ان شاء الله لا

المهم

وبيوم اتصل عليا اسامه

دق على البيت وانا رديت .. وعرفته من صوته

وجلسنا نتكلم ساااااعات

وهو عارف رقم جوالي

وهو صاحب شخصية جبااااااااااارة

وعنده اسلوب اقناع

رائع

وانا انسانة مهزوزة من كل النواحي

ومرره طيبة

مهما قلت هذا مو مبرر للي انا سويته

وصار يكلمني ويحلف انو يعرف انو ماما عندها بس بنت
وانها مطلقة

وانو بابا خالها

وفيصل .. وعزيز اخوانها

حسيت انها جات الفرصه لعندي اني انتقم

وابهدل فيه .. لكن طلع هو اشطر مني وعارف كل شئ عني ونقاط ضعفي

ومسكني من الوتر الحساس ماما وانها تكلم

وطلع عارف على حكايه (سعود .. وكلهم)

وحكاني عن غيرهم

وعطف عليا

وحول كل الكره .. لمحبه

وصرت اعطف عليه وقسيت على امي

ويقول انو حبني

وانا مااصدقه لاني احيانا احسه عنده حاله نفسية

وماخذ بنفسه مقلب بس ماكنت ابين

المهم استمرينا شهوووور

ويحكينى عليه وعلى امي

وانا اكتشف اشياء تقطع قلبي

ومع الشهور مكالمتنا تغيرت صارنا

مثل كل واحد ووحدة .. صار بيننا علاقة
وماما مع غيره

وكنت اقوله

واعطيه الرقم وهو يطيرهم

وهو يعشق الوالدة .. يمووووت فيها

ويحاول يدورها فيا انا

وانا طحت فيه .. انبسطت معاها وتعلقت فيه

لانو حببني بالدنيا

ويرفع من معنوياتي

ويحس فيا .. واصرت لمن اواجه مشكله اجي اقوله

بعدين حسيت نفسي مالي حق الوم الوالدة

لانها حبته

وانا جات عليه فتره .. تعلقت فيه .. بس كنت اقااااوم

الين انتصرت .. وصار بالنسبه ليا عادى

وهو حس بكدا

فرجع لامي

لانها ماما كانت دايم تتصل عليه واسمعها تصرخ من غرفتها وتنسى نفسها وتناديه باسمه ومااحد يسمعها غيري

واكتشفت انو فيصل عارف

وقلي واعترف له

بس اكتشفت انو فيصل محطم نفسيا من ماما

وكاتم

عزيز ولا كنو هنا .. مو داري عن شئ احيانا اشك انو موعارف من جد

الله يعلم

صرت اشوف بجوال ماما

رسايله لها

وبيوم كلمته وقولتلو وقلي طيب خلاص حبطل وانا اسف وزى كدا

هذي المكالمة بالفتره الاخير من الان

بس وو اكتشفت انو طنشني وبرضو بيراسلها

وما بتكلمو بس لا فى غيره

وماصرت اكلمه .. وضحكت عليه وقلتلو فيصل شاكك فيا

واحنا الحين على هذا الحال

اهلي مطنشين امي .. بيتقوا شرها

انا صرت مااقدر اقول شئ لصحباتي على اهلي لاننا عايشين غلط

بابا وماما متزوجين .. بس عايشين اصحاب

فيصل .. عزيز .. عايشين بحياتهم

المشكله انو دايم فيصل ينطرد من البيت لانو بيواجها كثير

ويقولها هذا غلط

وما بياخذ غير الطرد لانو بيتكلم بالحق

ومره انا شحنته وقلتلو لازم تقولها انك عارف كل شئ وتوريها الاثبات

ودخل لامي .. وقفلو الباب

وسمعت صريخ .. وما اشوف الامي قالت بسيب البيت ولمت عفشها

وحلفت ماتدخل البيت الا لمن فيصل يخرج من البيت

وخرجت ماما من البيت

وانا وعزيز ندور عليها وما بترد على جوالها و انا عارفة انها عند اسامه

وحكاني اسامه لمن كنت اكلمه انها جاته وهو هداها وقلها بيتك اولى فيكي

طبعا من مصلحتو .. شوف انا متاكد على قد ما يعشقها اسامه بس لو ماما اطلقت

ما حيتزوجها .. وهو من مصلحته .. انو ماما تكون معنا لانو لو ماما اطلقت وقالتلو تعال اتزوجني

ماراح يجي وهيا حتبطل تكون معاه

المهم

اتمنى تكونوا فهمتنوا شئ من كلامي كلو .. عارفة انى ملخبطه وانى ماني منسقة الاحداث

بس اصعب شئ لمن تكون تتكلم عن امك

المهم نكمل الاحداث

وردت على جوالها وقالت انها بالبحر

ورحنا جبناها

ورجعت البيت وبابا طبعا شك

ودخلها مدري ايش الفت له بس طلبت انو فيصل يترك البيت

وطلعت وقلت لفيصل .. ولم ملابسه

وساب البيت

3 شهور ما دخل بيتنا

وبيوم اتصالحوا ورجع البيت
الحمدلله

امممممممممم

افكر احيانا انى استشير دكتور نفسي لانى من كثر مااكتم بنفجر

ومااابغى انفجر على ماما لانو فيها مشاكل كبيرة

وكل خوفي بابا .. اللى مو داري عن شئ

وعنده الضغط والسكر

وانا الحين مااعرف ايش اسوي انا واسامه تركنا بعض

ورجع لماما ولما واجهته قا ل مالك شغل من كثر قهري دعيت عليه

وهددته وهو باااااااارد

وانا عارفه كل تهديدي فى الهواء وهو عارف اني مااقدر اسوي شئ

عشان بابا وانى ممكن اخسرها كلنا نخسرها

انا كتبت علو عسى الاقي حل .. لانو مو معقول حنفضل كدا

ترى بموت من القهر .. فيصل التحطيم باين من عينه كلو بيخبي فى نفسه

وصارت ماما عيني عينك يعني اللى ما يشك يشك ويتاكد

نفسي اقولها كل ده ماعوضتي السنين اللى راحت من عمرك

طيب ليش جبتينا

ليش ما اطلقتي وطنشتي كلامي وعشتي حياتك

عشيها بالحلال

ولا تغضبي ربنا

رغم كل ده ماما مثلي الاعلى بكل شئ .. ماعدا اشياء

بس اللى انا فيه منها

انا بحياتي الخاصه ماصرت اعرف اتصرف .. صرت شايفه نفسي قدام عيني

بتحطم .. وتبغاني اتزوج .. انا ماابغى اتزوج اللى سكت بابا واخواني

ماحيسكت زوجي

ماابغى يشوف حياتنا

انتو عارفين كل الناس تحسدنا على كل شئ

اننا متفاهمين وكويسين وماعندنا مشاكل

لكن كلو كاتم فى نفسه

انا عن نفسي مااعرف حاسه نفسي انى ولا شئ

لاني ساكته وكاتمه

ومطنشة

انا عارفة يمكن اكون غلطانة باشياء بس اعذروني

مااعرف اسوي ولا شئ

ونفسي اصير قوية

افوز على نفسي

واثق بنفسي

حتى من كلامي باين انى عندي حالة نفسية

مرتبكه .. شخصيتي ماهي مستقرة .. مانى عارفى ايش ابغى

صرت كل مااوجه شئ على طول استشير

ماصرت اعرف احكم

حتى باابسط الاشياء

انا مش مهمه .. المهم .. ابغى الحل

ايش اسوي بنظركم

لا تحكموا على ماما بالسوء

انا عارفة انها السبب فى هدم بيتها وهدم نفوسنا

بس مع ذلك .. اسامحها

الحمدلله فى اخوانى ولا واحد مجرم ولا مدمن كلنا عاقلين ونخاف الله

وهذا من تربيتها

طلعتنا اولاد ناس والكل يحسدنا على حالنا وشخصيتنا

بس مع ذلك من جوه محطمين عايشين بوجه بره البيت

وجوه البيت كلاً بهمه

وبابا يجمعنا .. ويصالح بيننا

انا دحين مرتاحه شويه لانى احس انى بلاقي مين يرحيني بينكم

ويفهمنى ويفهم مشكلتى صح .. مو يحكم على طول

ويعطينى الحل الصح

اتمنى .. اتمنى .. مشكلتي توصل للجميع

واللى ما بيده شئ

يدعي .. يكفينى يدعي لنا

ارجوك

ارجوكي

ادعيلنا .. انا مالي الا ربي ثم دعائكم

هذي حكايتي

اسفه طولت

اسفه نكدت عليكم

بس فكره انى اكتب فى النت وانشر افكر فيها من 3 سنين من يوم ماعرفت الانترنت

واليوم قررت يمكن الاقي الراحة

واعرف اتصرف بمساعدتكم

الله لو ينتهي كل ده

والله

والله

ندر عليا ادعيلكم

كاني بدعي لنفسي

ادعي

ادعي

وادفع نص عمري
بس اعيش لو اخر ايام حياتي بفرحة زي البنات

مع اهلي وسط اهلي وافتخر باامي من قلبي مو بس قدام الناس

انا راح اكتب بكل المنتديات اللى اقدر اتوصل لها

راح اكتب ايميلي عشان ترسلو ردودكم

على ايميلي واتناقشوا بقضيتي لو تحبو بالرد بالمنتدى

أي رد ليا انا

ارسل لي ايميل

وماراح اقبل أي اضافه

مالي وجه اتكلم مع واحد او وحدة على امي

مهما كان هذي تاج راسي

بانتظار حلولكم

نورا


هذي هيا حكايتي ... معليش طويلة ومملة

بس نفسي ارتاح .. والله العظيم تعبت تعبت

تخيلو من انا طفلة 8 ولا 9 سنين وانا كاتمة .. وطول عمري بفكر

لو سمحتوا لو استحق الاتهزيئ هزئوا على راحتكم اهينو

بس ابي الحل .. الله يخليكم

انا حطيت ايميل عشان ترسلوا الحلول فقد وانا طبعا حقرأ تعلقاتكم في المنتدى... كل يوم حدخل اشوف الحلول الييييين الموضوع يروح وقته ويختفي .. اسفة


اااااااااااااسفة .. في حكايتي فقدت السيطرة على الكتابة باللغة الفصى

نسخت القصة .. احزنتني .. كان الله بعونها .. والله يهدي امها
ايميل الفتاه .. لمن يريد مساعدتها

الله يهدي امها
اكيد الام ما راح تسوي كذا الى لازم يكون فيها عيب يعني
وانا افضل انك تنقلين الموضوع لمنتدى النفساني وهناك الدكتور عبد الله السبيعي راح يجاوبك

لاحول ولاقوة إلا بالله
هذه ليست قصة والله.....
هي ضرب من الخيال.....
ولست اقول هذا غير بمعنى اني اكذب ما كتب....
لكن هو شيء يقشعر له البدن....
وتبكي له النفس ألما....
حبيبتي ايتها الفتاة يامن تعانين.....
تذكري ان كل ماحصل لك....
هو ابتلاء عظيم من الله تعالى.....
لن ينفع في مشكلتك حل واحد انها ليست مشكله انها جبل....
من المشاكل.....
لكن هو طريق واحد والله لاثاني ولاثالث له....
العودة إلى الله.....
لن ينفع الصراخ على امك ولا محاولة اخبار...
اباك بما يحدث فهو لاادري وكان على عينيه غشاوه....
ربما يعلم لكنه يتجاهل لاادري الله اعلم....
ابدئي بنفسك ومن هذه اللحظات....
حاولي الروج الى الله تقربي اليه بكل الطاعات....
اصلحي نفسك اولا.....
فلن ينصلح الحال والله وانتي تتفرجين....
ولايوجد حل سحري في يوم وليله يغير حالكم....
الا بالدعاء والتضرع لله.....
وبالدعاء واليقين سينصلح حالكم باذن الله.....
اسئل الله تعالى ان يفرج كربتي.....

اعتقد انها قصة من خيال وليست من الواقع



(( كأني اشوف فيلم هندي ))




اللهم لا شماتة

البيوت اسرار وهذه الدنيا كل شيء بها متوقع
انا اقول ان انشغال الأب له دور كبير فيما يحصل .......وثقته عمياء ....اعتبروا يا ايها الأزواج ويا مقبلين على الزواج .... ان انشغالكم بالعمل وعودتكم للنوم تقهر زوجاتكم
الزوجة تريد العاطفة تريد ان تشعر بانوثتها تريد من يهتم بها ويقضي شؤونها بنفسه
المال اللذي تجلبوه لا يغني عنكم..................... المال ليس هو البديل عنكم
بامكانكم جلب سائق لينوب عنكم في قضاء حوائج زوجاتكم ولكن الزوجة تشعر بمرارة هذا الوضع في هذا الزمن اللذي كثرت فيه الفتن !

ان مثل هذا البيت لا اتوقع ان يقرأ فيه قرآن وانما يستمع فيه الى الغناء
ان البيت اللذي لا يقرأ فيه القرآن نجد فيه المنكرات والسب والشتم والغيبة والفواحش والقطيعة
والسفور والطلاق والعقد النفسية .
في رأي ان تطلب هذه الأخت المعونة من الله وتدعوا لأمها بالهداية
وتدعوا لنفسها بالزوج الصالح اللذي ينتشلها من هذه البيئة قبل ان تنحرف هي الأخرى
والأفضل ان تطلب وتلح هي واخوانها ، من ابيهم ان يمكث في البيت وان يتابع بيته ويكثر من الأتصال ليطمئن على بيته قبل ان يعلم يوما ما من قبِل أحد الزناة او العابثين فتكون الكارثة او القتل والضرب الا اذا كان الأب ديوثا او يعمل مثل عمل الأم !!!!!!
الأخت صاحبة المشكلة اجلسي واخوانك بجانب امك ....... قبليها .......وقبلي يديها وقدميها ....اشعريها واخوانك بمعاناتكم النفسية من سنين .... اخبريها انك تحبيها .......واخبريها انك تخافين عليها من النار ...اخبريها عن عذاب الزناة في القبر ......اخبريها عن عذاب الزناة في جهنم .......اعرضي عليها ان تتزوج برجل مناسب يسترها بالحلال بدلا من ان تصاب بالأيدز ........ضميها احضنيها وترجيها لعل وعسى ترق من اجلكم....واخبريها انك واخوتك تدعون لها بالهداية مهما كان عذرها .....ذكريها بالموت ...اجعليها تعتبر من قصص المآسي .

ان مثل هذه الأم لا يأمن الناس ان يدخلوها بيوتهم لأن لهم ازواج يغارون عليهم وليس لأنها جميلة فقط !!!
إلتزمي انتي ولا تتحدثي بالهاتف مع اجانب لأن صوت المرأة عورة لعل اسلوبك يذكر امك بخطئها ! باختصار عودي الى الله اكثر و أكثر
وكان الله في عونكم وعون كل من يعانون من أهليهم وفرج الله كربات الجميع .

والله ما قدرت أكمل القصه .. أين نحن ... نحن في مجتمع إسلامي .. ما هذا الهراء ..
والله كما قالت الأخت فبرجو(فضيله) هذا فيلم هندي .. مو قصه من واقع الحياه ..
البنه والإبن يعرفون وساكتيين ... !!!! والله كلام فاضي ..
الغالبيه مننا تزوجنا في عمر مبكرة .. ولم نفكر حتي مجرد التفكير في الخيانه .. وهذه .ز الخيانه عندها مثل رشفه الماء ... وكل يوم مع رجل .. لا.. وكمان يضربها وتقول شخصيتها قويه .
هذه إنسانه مريضه .. وويجب أن يقام عليها الحد ... واي رساله نبعثها إليها ؟؟
إذا كان الله قد ستر عليها .. فهي فرصه لها لتتوب .. وإلا .. لا يأمن مكر الله إلا القوم الكافرون ..
أشعر بالغثيان لتصرف هذه الام ... كيف لا .. وهي قد خانت الامانه وخانت ثقه زوجها بها .. وسمحت لنفسها بن تقيم علاقه مع إنسان غريب ..
فليهديها الله إلي الصراط المستقيم .. أو لياخذها أخذ عزيز مقتدر ..

وليه يا أخواتي الحبيبات نستغرب....
فبيت خلى من ذكر الله جل علاه....
ليس بغريب أن يحدث فيه كل هذا....
لكن نقول بلمئ قلوبنا....
ياحي ياقيوم اشفهم وعافينا من ابتليتهم....

انا ايضا اعتقد انها قصه خياليه ولله الحمد هل من المعقول انسانه كذا الا ماتكون مريضه نفسيا والعياذ بالله اللهم استر علينا وعلى جميع المسلمين ولا حول ولا قوه الا بالله

لما هذا الهجوم .. من بعضكم

هذا جزاتي اني رسلت .. الله يسامحكم فليم هندي .

احمد الله ان البنت ما بتقرأ ردودكم

كان انتحرت .. هذا بدال ما تدعولها .. وترفعوا من معنوياتها

هذي المشكله شااااااااائعة وقرات الكثير منها وبالذات بالمجتمع السعودي .. لكن القليل من يتكلم

وانا اعتبر هذي البنت انها شجاعة لانها رسلت مشكلتها وتريد الحل .. تخيلو نفسكم مكانها وقراتو هذي الردود .. ايش حتكون رده فعلكم .. سامحكم الله


اخواتي .. ردك محسوب عليكم .. انا طلبت دعائكم ونصائحكم .. لا اريد رايكم

لا حول ولا قوة الا بالله .. الله بس لا يبالكم

شكرا