اخواتي وحبيباتي هذا اول موضوع اكتبه رغم اني مشتركه من مده

لاني امر بمشكله واتمنى تساعدوني وتنصحوني انا متزوجه من اربع سنوات
والحمد لله حياتي ماشيه صحيح فيه مشاكل ىكن نجي وتروح
زوجي من النوع العصبي واللي فاهم بس ان الحرمه لازم تطيع زوجها في كل
شي حتى اذا غلط علي يقول لاتزعلين لانه من واجبك كزوجه انك تتحملين
وانا الان مغتربه خارج المملكه لانه يدرس ومتحمله انشغاله عني لاني اقول حرام اصلا
ماتغربنا الا للدراسه وكل مذاكرته تكون على الكمبيوتر وتعود انه يطول الليوم على جهازه
لكن المشكله ان له اسبوع معطل وبرضه من يوم مايصحى من النوم الا الليل وهو عاى النت
وفي الليل يطلع يسهر ويرجع ويكمل على النت لين ينام في البدايه لمحت اني متضايقه
وبعدين قلت بصراحه ان الوضع ماهو عاجبني وقالي انتي بس مكبره الموضوع
وامس كان طول الليوم برى وانا زارتني بنت سعوديه اول مره تزورني تاخر عليها زوجها
واتصلت عليه وهاوشته قدامي يوم جا زوجي سالته بكل براءه عن صاحبه وان زوجته
مستقويه عليه وقلت له السالفه كل ذا وهو على الجهاز ونمت وهو عليه وصحيت الظهر وصحى
هو بعدي وطلع من الحمام وعلى طول للغرفه انتظرته في الصاله ماجاني رحت اشوفه الا
هو على الكمبيوتر طالعت فيه وطلعت وخليته قلت يمكن يحس على دمه ويلحقني
الا هو مسنتر مهب يمي سويت فطوره وحطيته عنده ولا على باله صبرت لين العصر
وهو لاحياة لمن تنادي جيته العصر قلت ودني السوق قال خلاص امي جايه الاسبوع الجاي
خلي الروحه مره وحده لاني مشغول الي فاضي قلت خلاص بكيفك طبعا وانا معصبه
سوق مع اهلك تمشيه مع اهلك واعيش انا على فضل غيري زعل وقالي ادلعي برى الغرفه
وقام يسب ويشتم وانا اسمع ويوم سمعني ابكي قال لو ارسلك لاهلك ابركلي وصك علي الباب ويقول
عارف انك تقلدين اللي جتك البارح تحسبين وسكت بعدن قال تستاهلين خليها تنقلب على راسك
ورجع لوكره جلست ساعه ونص ولدي جاني قومني يبي ياكل وطلعت معه في الصاله يمكن ساعه الا
هو طالع يبي يجيب اغراض ناقصه في البيت وانتبه اني ماطبخت يوم طلع كلمني قال سويتي اكل
ولا اجيب قلت اللي يريحك قال سوي وسويت الاكل يوم جا من برى دخل على جهازه على طول
الين ماجهز الاكل اكل ولبس وطلع
والله يابنات اكتب لكم وانا في قمة الحزن ساعدوني الله يسخر لكم ازواجكم


ملاحظه ترى المواقع اللي يفتحها كلها عادية مافيها شي يخوف يعني انا مالي شاكه فيه
بس تعبانه من الهوس الزايد للكمبيوتر


عارفه ان كلامي مهو مرتب بس اعذروني مره تعبانه

الله يصلح حالكم

والله اختي اذا في بيناتكم اطفال اصبري بتنولي جزاتك عند رب العالمين

واذا لا كلمي اهلك واحكيلهم يمكن يطلع معهم شغلة تريحيك

لا حول ولا قوة الا بالله

عزيزتي الوضع يمكن حاصل لأنكم مغتربين..يمكن هو مو لاقيلوا احد يتسلى معاه من الشباب واللي يثيرون اهتمامه وترا الرجال مو زي المرة يطفش ويعوض عن طفشه وهو ساكت .. لا تزيدين عليه حاولي انك تتقربين منه وتجلسين معه في نفس الغرفة انتي وولدك وانتي ساكتة وعندك قهوتك وشاهيك وكل شيء طيب معاها لكن بدون ماتضيقين عليه وبعدين حاولي انك تبدي إهتمامك بالكمبيوتر
واللي هو يسويه واسمعي لكلامه وخليه يحس انه ماحد فاهم قده على شان يشوف اللي هو يسويه لكي
وماعليكي هو ترا متشوق للوطن والا ماسوا كذا على العموم الله يصلح الحال..

اختي العزيزة
فتح الله عليكِ بالخير وسخر لكِ زوجك...
المسألة ليست معقدة كثيرا...انما تحتاج الى صبر في معالجتها...
زوجك تأسس على ان المرأ’ تصبر على زوجها كيفما كان...ولن تستطيعين
التغيير بين يوم وليلة..
انما تحتاجين الى ايام وربما شهور... وكل ما عليكِ الآن هو ان تتحاوري معه بجلسات
هادئة وجدية تعرضين عليه ما يضايقك...وأن تذكري امامه وصايا الرسول بالنساء...
وتذكريه بعقاب الله... بعد ذلك اصمتي تماما عن الموضوع واتركي له فسحة للتفكر
ومراجعة نفسه...لعل الله يرشده الى الصواب...
وعادة الكمبيوتر عند الكثير من الرجال موجودة بسبب اشغالهم عليه
وربما التعود اكبر عامل..

لذلك لا تستائي اختي واستعيني بالله اولا واخيرا...واستغفري الله وعليك بالدعاء..

وربنا يوفقك لمرضاته.

أنا أؤيد كلام الأخت أم طلال
صدقيني يا أختي إنه الرجال حسب ما بتعود عند أهله وهادي مشكلة لكن ما عليكي إلا أن تدعي الله أولاً وتشتكين له أمرك وأن تدعيه بالفرج ثم أن تقومي باللازم أي أن تعتني بزوجك وتؤدي كل حقوقه واصبري فإن الله مع الصابرين
هناك كتيبات دينية عن حق الزوجة وحسن معاملتها وهناك أشرطة فلم لا تستغليها وتسمعيها إليه بطريقتك.
كان الله في عونك ويسر لك امرك

الله يكون في عونك ,, حاولي لمن هو يخرج برا البيت انت تفتحي الكمبيوتر وتدوري مواقع مفيدة تعجبه ولما يرجع اجلسي معاه وبينيله انك انت مهتمة بالشي يلي هو يحبه ,, حاولي تغيري جوكم , سوي حفلة , سوي مسابقات معاه , البنات في المنتدى ما قصروا ,, الله يألف قلوبكم ,,

انصحك حبيبتى ان تجننيه في نفسك يعنى كل يوم وانت بشكل جديد وكونى صديقة له ودققى السمع لكلامه وركزى معاه وشوفي ايه يحب وايه يكره حبيبتى صدقينى مضمون بإذن الله
ولا تنسي الدعاء
الله يسخر لك زوجك ويسخرك له
واي سؤال انا حاضرة وطمنيني عليكى


تمنياتى لك

السلام عليكم ورحمة الله وبركاته
الله يفرجك عليك وعلى جميع المسلمين
اللهم قرب بينها وبين زوجها
اختي اريد ان انصحك
حاولي ان تشغلي نفسك
باعمال كثيرة منها التطريز القرأة
وتعليم ابنك القران العربي
اوان تقومي بمساعدته وابدي اهتمامك للكمبيوتر
وسوف اقول لك تجربتي الشخصية
لاني في فترة من حياتي مررت بهذه الحالة
ابديت اهتمامي بالكمبيوتر
وبدأت اتعلم عليه واحاول ادرس عن طريق النت يكف يمكن ااتعامل مع البرامج
وكان يساعدني
الان اصبح يكبت ويترك كثير من التعديلات في الشكل والنمط والرسومات لي
بس عليه يراجع و يتاكد انه صح ولا
ارجوا لك التوفيق

أخيتي عليكي بقيام الليل
فإن سهام الليل لاتخطئ لها أمد وللأمد انقضاء
واكثري من الاستغفار.