السلام عليكم اخواتي
وعليكم السلام ورحمة الله وبركاته
لماذا نحب؟
لانها بكل بساطة طبيعة البشر التي فطر الله عليها عباده فالمحبة هي الاساس بين البشر
اما بين الذكر والانثى فالحب بين الجنسين هو عامل اساسي ليحصل الزواج الذي معه نعمل على عمارة الارض وخلافتها
هذة الأيام لايوجد اي فتاة لاتحب شخص؟
طبعا يوجد وانا اكبر مثال
انا درست في جامعه مختلطة وتخصصي كان اغلبه شباب صحيح كنت اتعاطى معهم لضرورات الدراسة
وما بنكر انه كان في اعجاب ببعض الزملاء
بس انا كنت اقطع الطريق من اوله واحاول اتجنب هاد الاعجاب لانه رح يتطور الى حب وانا ما بدي احب قبل الزواج
وكنت دائما احكم عقلي واقول من ترك شيئا لله فالله سيعوضه باحسن منه
وهيك كنت بتجنب الوقوع في الحرام من نظرات وكلام وغيره وبختصر على حالي كلام الناس ووجع الراس من تفكير بتصرفات الشخص الآخر
والى الآن لازلت بدون حب وهيني مو ناقصني شي الحمد لله
هل الحب حرام؟
انا ما بفتي ما عندي معلومات كافية لافتي
بس الحب كحب اتوقع مو حرام لانه هاد شي ربنا فطر الذكر والانثى عليه بس يكون حب شريف بدون توابعه الي بنشوفها الايام هادي بين الشباب والبنات باماكن الاختلاط
وهي الخلوة المحرمة والكلام المعسول والتلفونات وغيره
وهل للحب اضرار وما نوافعها ؟
اضراره بتكون ازا البنت تهاونت بحالها وما حافظت على الجوهرة الي ربنا اعطاها اياها وهي حيائها
وقعدت تعبر للشخص الآخر عن مشاعرها وشعورها تجاهه وبادلته النظرات واللمسات والكلام المعسول
وحصل شي فرقهم
اذا الشاب ما استغل هالامور ضدها وهاد شيء نادر
فهي رح تخسر شي بنفسها رح تضل تحس حالها انكسرت لانه البنت اضعف من الشاب
رح تخسر برائتها وحياءها لانه البنت الي بتحكي مع شاب اول مرة مو متل البنت الي بتحكي مع الشباب دائما
اما اذا الشاب استغل الي كان بينهم ضدها رح تخسر حالها وسمعتها واهلها
فوائد الحب بتكون لما الحب يكون بالنور وتحت مرضاة الله سبحانه وتعالى
يعني بنت ارتاحت لشاب واجا خطبها وتطورت علاقتهم ومشاعرهم امام اهلها واما الناس كلهم برباط شرعي
هون فوائد الحب بتكون بالقرب والتقارب والتفاهم والمودة من بعد الزواج
فتاة احبت شخص وهو لا يعلم وتزوجها هل سوف تسعد في حياتها؟
كل حياة بتختلف عن الاخرى
بس اتوقع رح تكون مبسوطة انها اخدت الشخص الي بتحبه كشخص اما امور الحياة بتحكمها امور اكبر من انها حبته قبل الزواج او بعده
فتاة تعرفت على شاب في الهاتف أو النت وتزوجها هل ستسعد؟
برايي لا لن تسعد
هو ما رح يكون مرتاح من ناحيتها دائما واول فرصة رح يضل يذكرها انه تعرف عليها عن هاد الطريق
وممكن يكون رايي غلط هاد بيعتمد على نفسية الشاب وتربيته وانفتاحه وتقبله لمجتمع الانترنت او الهاتف
وما ننسى كمان انه الهاتف والانترنت ما رح تعكس شخصية الشخص الآخر 100% دائما بكون في نوع من تزييف او تجميل الحقيقة من وراء الهاتف والانترنت
الانسان ما فيكِ تعرفيه الا اذا نظرت بعيونه وتعاملتِ معه شخصيا
مامعنى الحب؟
بالزمن هاد اختلفت وكثرت معانيه
واغلبها طابعها المصلحه
بس الحب الحقيقي هو المحبة المتبادلة الممزوجة بنوع من البراءة البعيدة كل البعد عن المصلحة وهي قليلة بالزمن هاد تكاد تكون معدومة
تقول احدى الفتيات انا أحب أحد من أقربائي وهو يحبني ولاكن لاأراه فقط حصل مواقف
وهو شكله يريد الزواج مني هل أقبل؟
اذا كانت مواصفاته منيحة ومناسب الها تقبل اما اذا غير مناسب فما تقبل اكيد
لانه الحب مو كل شي بالحياة المهم المودة والاستمرار بعد الزواج
والعشرة الطيبة احسن من الحب الي بيتبعه برود بعد الزواج
أعذروني على الاطالة فقط اريد منكن الرد على الاسئلة والنقاش عن الموضوع
أختكن في الله
فروشة
موضوع كتير حلو فروشة تشكري على طرحه
بتمنى تقبلي رايي وردي بكل صدر رحب
رد مع الاستدلال
قوية الارادة
.
الروابط المفضلة