مساء الخير ياحلوات
اليوم ضايق صدري مرررررررررره لان زوجي لة فترة متوقف عن العمل ويدور حاليا على عمل ولا وجد
طبعا انا اشتغل واروح واجي مع سواق اهلي ولانشغال السواق صار يوديني بس خمسة ايام ولما جا اليوم السادس وهو اليوم قال خذي اجاز يومين لاني ارجع للبيت ماانام وطبعا قلت طيب وانا يشهد الله مو مقصرة معة ابدا
ولان والدتي بتدخل المستشفى قلت لة برافق معها دام انا بتغيب عن العمل لمدة يومين واتصل علي قبل شوي وقالت لة تعال اخذني قال والسواق قلت مشغول قال لايكون متفقين انتي واهلك علي لان قاعد تشغلوني
هذي احس غيرت مشاعري من تجاهه واحس بديت اكرهه وانة مستغلني مره
مااعرف احس اني معصبة مره وعلما بأني ادفع لاهلي لاني استحي منهم واحس امة تحرشة واختة بس ماقلت لة
وش اسوي معة ؟؟

بسم عليك من القهر والموت
مع اني مافهمت كثير الا اني راح ارد وابرد قلبك
اولا / تحملي زوجك ومزاجه لان بعض الرجال اذا صار عاطل يحس بالنقص ومايحب يبين للمرة انه في حاجة قروشها ( عشان كذا طلب منك الجلسة )
او انه متضايق من الجلسة وحاب انه ينبسط مع حبيبته ( وهذا الاقرب )
وبعد كذا تقولين ترافقين عند امك
صح لامك حق لكن حق زوجك اكبر
وانت تقدرين تقنعينه بأسلوب حلو انك ترافقين
( اذكر لما امي تنومت في المستشفى مع ان المرض مو شديد طلبت من زوجي برفق وموده اني ارافق مع امي خاصة انها كبيرة حيل في السن واني والله ماراح انسى له هالجميل ـ مساعدتي على بر أمي )

وفعلا انا الان حاطته على راسي من فوق ومايوم بنسى انه سمح لي ارافق مع امي .

ثانيا/ انتي اعرفي نفسية زوجك ولا تضغطين عليه وطولي بالك على مزاجه
لان والله مو سهل ان الرجال يجلس والمرة تشتغل
وان شاء الله اذا لقى عمل راح يتعدل ويذكر صبرك
مثل وحد عاشت 4سنين وزوجها بلا عمل وهي بعد بدون عمل ( يعني قولي الحمد لله)
قاعدين على خير اهله والهدايا
بس بعد ما اشتغل طيرها فوق ( بيت لحالها وجوال وشغاله وسفريات .....).

ثالثا/اصبري ولا تحسسينه بشي ولا تتمننين عليه وعلى اهله انتبهي هذا يولد الكره الانتقام
الله يوسع صدرك وصدره ويفرجها عليكم وعلينا وجميع المسلمين.

مشكورة يالمثابرة ماقصرتي بردتي علي الله يبرد عليكي بالجنة
بس حبيبتي بقولك شي انا مااحسسة بشي وارفع معنوياتة واخرها البارح اشتريت له هدية ولخالتي بعد
يقوم يمن علي بسالفة السواق وانة صار يوديني والله شي يرفع الضغط
اليوم بروح وبسكت عنة ولاكان شي صاير يمكن يحس انة غلط بحقي
تحياتي لك وللجميع

اهلا اختي كويمسي

هوني عليك ياغالية ...
نفسية زوجك ومزاجيته طبيعية جدا...
لزوج عاطل عن العمل وزوجته هي من تعمل وتنفق ...
لا وبل تجلب له الهدايا.....
عليك تفهم زوجك وتحمله لآخر درجة....
ضعي امه واخته على جنب فهذا ليس وقته...
حين طلب زوجك ان تتغيبي عن العمل ....
منى نفسه بقضاء بعض الوقت معك .....
والفضفضة لك وشعوره انك بجانبه ....
خاصة انك طول الاسبوع تعملين وهو يكون لوحده....
لذا عندما قلت له انك سترافقين امك شعر ببعض الاحباط...
لذا كان جاف معك حين طلبت منه توصيلك .....
هذا غير انه يشعر انه -فاضي اشغال- لذا طلبت منه التوصيل...
لو انك سألتيه بهدوء ان السائق مشغول كيف اتصرف ....
ربما لكان عرض عليك من نفسه توصيلك....

عزيزتي لا تؤاخذي زوجك بتصرفاته هذه الايام.....
فهو احوج مايكون لك في هذه الفترة...
فاشعريه انك تتفهمينه وانك شاعرة بما يشعربه ....
ولا تكثري له الهدايا فتقديمك الهدايا له قد يزيد احساسه بالنقص...
هو ليس بحاجة للهدايا في هذا الوقت .......
بل هو في حاجتك انت لتدعميه معنويا ..
وتساعديه على تخطي تلك المرحلة...
اسأل الله ان يفرج عنكم ويرزقكم ويوفق زوجك بالعمل الصالح.......

الله يفرج عليكم ..

والصبر مفتاح الفرج ..

بصى يا ستى انا اتعرضت لنفس موقفك ده قبل كده والصراحه الراجل لما بيكون من غير شغل بيكون ارفان من نفسه ومن كل الى حوليه فملش استحليه وفوتى وعدى اليومين دول . انا مجربه وعرفه انك تعبانه بس اومه وتعدى ان شاء الله وما تنسى تدعيلو بالهدايه وبالعمل الصالح. وحاولى تكونى انتى الى تصبريه وتفرحيه مش تلوميه وتعاتبه.... والله يرزقك السعاده يارب