بسم الله الرحمن الرحيم
وبه نستعين

السلام عليكم ورحمة الله وبركاته
انا لدى مشكله واريد من اخواتى فى الله ان يساعدونى فيها
انا متقدم لى رجل طيب ومؤهله كويس واهله ميسورين الحال , لكن شكله مش عاجبنى وصدمت لما راته اول مره , لكن انا لايهمنى الشكل لكن هو قصير القامه اقصر منى ورفيع جدا , واخى اتكلم معه وقالى انه مش يشدك فى كلامه , لكن انا مش اتكلمت معه وانا مش عايزه اظلمه مارايكم اخوتى , ممكن تنصحونى اعمل ايه

نصيحتى ليكى حبيبتى أنك تقعدى معاه الأول قبل ما تاخدى أى قرارات متسرعة وبعد ما تقعدى معاه لازم تعملى إستخارة وتشوفى إذا كان الموضوع فيه خير ليكى ربنا حيسر الأمور إنشاء الله لكن ما تاخديش أى قرار دلوقتى بناءا على الشكل لأن فى ناس كتير شكلهم مش حلو لكن لما تقعدى معاهم تحسى ان روحهم حلوة وترتاحى ليهم والقبول ده من عند ربنا وربنا يوفقك للى فيه الخير إن شاء الله وإبقى طمنينا عليكى حبيبتى

أهلا بك أختى nora الأمورة

بداية أدعو الله لك بأن ييسر أمرك و يشرح صدرك بإبن الحلال اللى يسعدك...
ثانيا : أنا مع الأخت البنت المصرية
حيث أن الجلوس مع الشاب بحضرة الأهل و الحديث معه
ومعرفة مبادئه و بعض أفكاره جدا مهم...

ممكن فى البداية ما تحبيه ولكن بعد مجالسته ومعرفة مدى إلتزامه وخلقه
سيتغير رأيك...
وعليك بالإستخارة و الإستشارة

وربى يوفقك يارب.....

اشكركم اخوتى فى الله وانا هعمل بنصيحتكم لى وربنا يقدم الي فيه الخير , وارجو منكم ان تدعو لى بالخير وان يكون زوج صالح , يارب , امين

حبيبتي اولا اهلا بيك بيننا في المنتدى اخت غالية وعزيزة تانيا الله يقدملك اللي فيه الخير وانا مع الاخوات لازم تستخيري وتستشيري وبالنهاية لو نصيبك حتتزوجيه ولو لا ماتزعلي قسمة ونصيب كل شي بالدنيا المهم الرضا والله ييسر امورك ابقي طمنينا عليك ياعسل ماشي؟

حبيبتى
ان كن الرجل عنده دين
فلا تترددي اطلاقا
فالجمال جمال الافعال وليس جمال الاقوال

والله يقدم لك ايلي فيه الخير

اشكركم جدا على تعاونكم معى ونصائحكم الغاليه , وربنا يوفق يارب , ويوفق كل بنت للزوج الصالح يارب امين

انا كمان رايى من راى الاخوات يمكن لما تقعدى معاه من اول مره تتشدى ليه وترتاحى الراجل باخلاقه ودينه مش بشكله كتير ناس حلوين لكن اول ماتقعدى معاهم ما ترتاحيش ابدا وتحسى بالغموض وانشاء الله تتوفقى يارب

بسم الله الرحمن الرحيم
اختى فى الله " yehia2007 " انتى عندك حق فى الي بتقوليه , والاخوات الاخريات ايضا كلامهم جميل وريحينى كثير , ربنا يجزيكوا خيرا , لكن انا مش معترضه على شكله وانا دائما بقول لما يجيلى شخص يتقدم اهم شىء يكون عارف ربنا , وله مستقبل فى الحياه والمظهر ده مش وضعاه فى حسابتى , لكن الي مخلينى اكثر متردده امى مش مقتنعه ان هذا الشخص يصبح زوج لى وده الي مخلينى متحيره , لان مش عايزه تكون امى زعلانه وتاخذ موقف منه من الاول

حبيبتي انا اتكلم معاك من منطلق تجربتي الشخصية كان عندي نفس الموقف الشاب جميل لكن مش عاجبني ودعوت الله انه ادا كان هدا نصيبي ان يحببه الى قلبي ويحببني الى قلبه واستخرت وبعد ما حكيت معاه في اطار شرعي طبعاتغيرت نظرتي تعالي تشوفي دلوءتي جوزي احبه موت والله ولي التوفيق