ماذا تريد الزوجه؟
اخواتي
اجتهدت كثير من الاخوات في عرض فنونها وفنون غيرها من الاساليب لكسب رضا الزوج وتوفير سبل الراحه له
وازاي ندلعهم وازاي نريحهم قبل الشغل وبعد الشغل ؟
ومشفتش الا قله قليله من الرجال اللي بتحاول تطرح الموضوع ولو مجرد فكره ولو حتي علي سبيل الدعابه ؟
أكيد لانهم مشغولين ومش فاضيين كالعاده !
انما احنا بقي يا ستات محتاجين ايه من ازواجنا ؟؟؟؟؟؟؟؟؟؟؟؟؟؟؟؟؟
كل واحده تكتب هي محتاجه ايه من زوجها لتكون الحياه سهله وسلسه بين الطرفين ؟ والبنات كمان يشاركوا يا تري ايه هي تخيلاتكم لشريك الحياه ؟
*ممكن الست تطمع في بعض الاوقات ان جوزها يشاركها في بعض اشغال البيت ولو مره في العمر تحلف انها حصلت .
*ممكن تحتاج انه يفهم مشاعرها وقت ضيقها ومع تقلبات مزاجها المعروفه للتغيرات الفسيولوجيه المعروف للمرأه
*ممكن تحتاج ايد حنينه تطبطب عليها وهي تعبانه حتي لو مش هتساعدها
*ممكن تكون محتاجه هدية بسيطه ولو ورده بس تحس انه فاكرها والهديه دي لها هي لوحدها
مش فاكهه واكل للبيت وما الي ذلك
*ممكن تحتاج لكلمه طيبه من اهل جوزها ( صحيح ده مش في ايده بس اهو )
*ممكن تحتاج روح حلوه في البيت مليانه مرح ودعابات
*ممكن تحتاج ابتسامه بسيطه تخلي يومها كله مشرق وتعمل شغل بيتها وهي سعيده
* ممكن تحتاج كلمه شكر بسيطه ( تسلم ايدك ) ( ربنا يخليكي ) هتسعدها اوي
اعتقد ان اغلبها حاجات معنويه لان كان الله في عون الرجاله كفايه عليهم اشغالهم وحرقة دمهم
في الشغل وفي الاخر هو كله متبادل ما بين الاتنين
وفاقد الشئ لا يعطيه
قولوا لنا بقي كل واحده محتاجه ايه؟؟؟؟
رد مع الاستدلال
الروابط المفضلة