انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
عرض النتائج 1 الى 6 من 6

الموضوع: المعايير المزدوجه

  1. #1
    تاريخ التسجيل
    May 2007
    الموقع
    في بيتنا
    الردود
    454
    الجنس
    أنثى

    flower1 المعايير المزدوجه

    المعايير المزدوجة

    هيا إيه دي ؟؟؟؟

    مش فاهمين ؟؟؟؟؟

    اتكلم بقى ياعم وقول ؟؟؟؟



    حاضر حاضر

    المعايير المزدوجة هي :

    لما تكون انت واقف في طابور وييجي حد يقف أدامك وتقول له الطابور يا أستاذ؟؟؟؟ يقولك : والله أصل أنا ورايا مشوار مهم معلش !! وتقوله انت لأ لأ !!! ما احنا كلنا ورانا مشاوير



    وبعد يومين

    تروح نفس الطابور وتكون انت متأخر وتروح تقف أدام واحد تاني فيقولك الطابور يا أستاذ ؟؟

    وانت تقول معلش أصل أنا ورايا قطر لازم ألحقه أو ورايا مشوار مهم !!!! فهو يرد ويقول : ما احنا كمان ورانا مشاوير مهمة



    يا ترى عرفتم أنا قصدي إية ولا لسه

    طيب أقول تاني :

    آنسة اتخطبت وأثناء الخطوبة أمها تقول دا وليد (اسم العريس ) مفيش حد في الدنيا دي زية ، دا أحسن شاب في المنطقة ، دا احنا بنشتري راجل ، ياة دا أنا لو أطول أوديها بشنطة هدومها بس لحد باب شقته متأخرش أبدااااا



    وفي يوم يختلف وليد وخطيبته على أي شيء ( جزمة ، لون العربية ، الفرح هيكون فين ، مامتك عصبية أوي يا وليد ، يا سلام لأ أنتي اللي والدتك إيه .....ملاك ) وفجأة يفسخ وليد الخطوبة وييجي أهل العروسة ( قصدي اللي المفروض كانت تبقى عروسة ) ويقولوا إية إية اللي حصل

    خير ، كفن الشر

    وترد الأم وتقول : وليد ( اسم العريس فاكرينه ) وليد!!! دا إنسان مش محترم ، دا احنا ما صدقنا وخلصنا منه ، يا ستار يارب دا كان إيه تلقيحة ، ويرد القرايب: أيوة والله دا انتي عندك حق احنا بصراحة مكناش موافقين علية خالص من الأول بس مكناش قادرين نقول لا تفتكروا أن احنا يعني.....

    المهم يا أصدقائي :

    يا ترى فهمتم هيا ايه المعايير المزدوجة ولا لسة

    طيب .... لو تسمحولي بكمان مثال يوضح الموضوع وهو الحقيقة في كل بيت وبيحصل لكل شاب وشابة

    هقول .........حاضر ..............من عنيه

    بس ركزوا شوية بقه

    انت يا أستاذ ياللي بتتكلم مع صاحبك أيوة أنت أرجوك ركز شوية معايا ممكن الموضوع يكون حصلك أو حصل لأختك أو لسة هيحصلك



    الموضوع باختصار

    أنه أنا اتخرجت من كلية كويسة جداا واشتغلت كمان وبعدين وضبت شقتي المهم كان نفسي أرتبط عشان أكون أسرة إسلامية سعيدة

    قلت لوالدي عاوز أخطب فلانة (بنت كويسة مؤدبة متدينة) ، قاللي : هيرضوا بيك ؟؟؟؟؟ ولا هتحرجنا مع الناس

    قلت : والله لو انت شايف أنه أنا وحش بلاش ، قاللي طيب سيبك من حلو ووحش المهم التفاصيل هيرضوا بشبكة كام ( كام ألف طبعا ) قلتله والله هما مش هيرضوا بأقل من 12 ألف قاللي : إيه 12 ألف ليه هتتجوز مين يعني ، قلت : لأ ما هو دا الطبيعي واللي ماشي اليومين دول ، قاللي : لا أنا دا أنا كل جوازتي اتكلفت 12 جنية ونص أنا اللي أقدر عليه 8 بس ، قلتله بس كدا هنبان وحشين أوي أدام الناس وأكيد هيرفضوا لأن بنتهم غاليه عليهم قاللي والله دا الموجود عاجبك .......عاجبك ، مش عاجبك ........روح اشتغل وهات فلوس



    المهم

    تمر الأيام والشهور

    وييجي وليد ( فاكرينه ولا نسيتوه ) عشان يتقدم لأختي وييجي وليد ( اللي كليته أحسن من كليتي ، ووظيفته أحسن من وظيفتي ، ومرتبه أحسن من مرتبي ) ويقول لوالدي : أنا يا عمي جاي أتقدم عشان أخطب المصونه كريمتكم

    قاله يا بني انت انسان كويس ..........(والكلام اللي انتم عارفينه دة )

    وشوية بدأ الكلام في التفاصيل

    وقال العريس : والله احنا هنجيب شبكة بــ 11 ألف والشقة هتجهز بعد سنه وهخش بعد سنة وشهرين

    وفجأة يقول الوالد : إيه 11 ألف ، ليه يابني ، دا اللي ماشي اليومين دول 14 ألف وأكثر

    طبعا أنا كنت قاعد ومكنتش عارف أضحك ولا أبكي أكيد فاهمين ليه؟؟؟؟؟؟؟؟؟

    ومن غير ما أكمل إيه اللي حصل لوليد أو لوالدي أو ليا أنا



    أكيد أنتم عرفتم يعني إيه

    المعايير المزدوجة ؟

    ياريت كل احد عنده امثله للمعايير المختلفه يعرضها علينا

  2. #2
    تاريخ التسجيل
    May 2007
    الموقع
    في بيتنا
    الردود
    454
    الجنس
    أنثى
    فين تعليقاتكم يا شباب
    محدش مر بموقف يحمل المعايير المزدوجه

  3. #3
    تاريخ التسجيل
    Apr 2007
    الموقع
    في دنيتي الصغيرة
    الردود
    110
    الجنس
    امرأة
    السلام عليكم يا ميروووو
    انا عندي مثال مجنني من المعاير المزدوجة(زوج صديقة لي)واعتقد في رجالة كتير زيه
    هو راجل يعمل اللي هو عايزه..... طبعا طبعا محدش حيختلف معايا في كدة بس ايه المشكلة
    المشكلة في رد الفعل لاي حاجة غلط (او صح بس مش عجباه)ممكن زوجته تعملها......يثور ويغضب ويزعل ويخاصم......عادي .
    بس لو نفس الشئ بالضبط هو عمله معاها هي متقدرش تعمل 1على10من اللي هو بيعمله. ولو عملت دة كرد فعل لحاجة دايقتها هو عملها بردة هو اللي يثور ويزعل ويقولها انا مش فاهم انتي زعلانه ليه...
    ترد عليه وتقوله: يا سبحان الله ما انت لس عامل معايا كدة من كام يوم .
    يقوم يقولها: هو انتي زيي حتعقبيني حتعملي راسك براسي .
    مع ان دة ممكن يكون رد فعل طبيعي منها لحاجة هو عملها دايقتها.
    مش دة يبقى نوع من العاير المزدوجة.
    ايه رائيك مش حاجة تجنن

  4. #4
    تاريخ التسجيل
    May 2007
    الموقع
    في بيتنا
    الردود
    454
    الجنس
    أنثى
    دي حاجه تخنق مش تجنن صعب اوي لما يكون انسان بيفكر التفكير الغريب ده
    علي العموم ميرسي يا كوكي علي مرورك

  5. #5
    تاريخ التسجيل
    Oct 2006
    الموقع
    kjjjk
    الردود
    112
    الجنس
    ذكر
    المعايير المزدوجة
    للأسف انا تعرضت لهذا الموقف وهزني وجرحني المعايير المزدوجة
    خطبت لانسان احبه ويحبني ونناسب بعضنا البعض ماديا واجتماعيا وثقافيا وروحانيا وفكريا ومن كل النواحي واحبه ويحبني
    ورفض والده ان يخطبني واصر على فسخ الخطبة لا لشيء الا لانه يريد الاختيار لاينه عروسه
    وتحجج بان ابنه غير جاهز للجواز
    أهانني وكسر قلبي واطفأ فرحتي بعد اسبوعين من خطوبتي وكسر نفس اهلي وفرحتهم بابنتهم
    لا سامحه الله فانا وبعد مرور سنة لم ولن اسامحه
    المعيار المزدوج انه وافق على خطبة ابنتيه لعريس صديق خطيبي واختارها بنفسه ومش جاهز لسة ادامه وقت
    واخت خطيبي التانية كمان مخطوبة وخيبها اكبر من خطيبي بسنتين ولسة مش جاهز
    ماذا اقول
    بجد انا مش مسامحاه لانه ظلمني وظلم ابنه وكسر قلبي وخلى صورتي وحشة ادام الناس وكلامهم اللي مبيرحمش
    ربنا ما يسامحه

  6. #6
    تاريخ التسجيل
    May 2007
    الموقع
    في بيتنا
    الردود
    454
    الجنس
    أنثى
    احتسبي عند الله يا انج
    وان شاء الله ربنا يرزقك باللي احسن منه ويرفع راسك قصاد اهلك وقصاد الدنيا كلها

مواضيع مشابهه

  1. قصة القطعه المشدوده؟؟؟
    بواسطة moon noof في ركن الكروشيه والتريكو
    الردود: 16
    اخر موضوع: 16-04-2011, 10:34 PM
  2. ازدواجية المعايير ..شارك برايك
    بواسطة اهل القران في الملتقى الحواري
    الردود: 2
    اخر موضوع: 13-07-2010, 02:43 PM
  3. المعايير بالجرام
    بواسطة nhnh في الأطباق الرئيسة
    الردود: 2
    اخر موضوع: 19-10-2006, 03:07 PM
  4. ســـــــــــــــــربطون الاندونسيات المشدوده
    بواسطة سهر الليالى في ركن التغذية والصحة والرجيم
    الردود: 16
    اخر موضوع: 29-07-2005, 01:40 AM
  5. ســـــــــــــــــربطون الاندونسيات المشدوده
    بواسطة سهر الليالى في جمالكِ سيدتي وأناقتك حواء
    الردود: 8
    اخر موضوع: 13-07-2005, 10:49 AM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ