انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
عرض النتائج 1 الى 7 من 7

عملت ايه يخليها تكرهنى؟؟

(نافذة إجتماعية - منتديات لكِ النسائية - الأرشيف)
انا محتاجة افضفض اوى...وده اغلى منتدى عندى وماليش اصحاب حقيقيين...ونفسى اتكلم مع حد ومش لاقية................ عمرى ماحسيت ان ليا هدف فى الدنيا دايما ماشية كده ...
  1. #1
    eman_for_allah's صورة
    eman_for_allah غير متواجد الفتاة الواعية
    تاريخ التسجيل
    Jul 2006
    الموقع
    جوايا
    الردود
    3,080
    الجنس
    أنثى

    flower2 عملت ايه يخليها تكرهنى؟؟



    انا محتاجة افضفض اوى...وده اغلى منتدى عندى
    وماليش اصحاب حقيقيين...ونفسى اتكلم مع حد ومش لاقية................





    عمرى ماحسيت ان ليا هدف فى الدنيا

    دايما ماشية كده زى ماالدنيا بتودينى

    فى كل حاجة بقى

    مااختارتش أهلى..ولا أصحابى ولا تعليمى

    ولو كان بإيدى أختار كنت هاختار برده أهلى

    بس كنت هاغيّر فيهم كل اللى مضايقنى منهم

    لو كان بإيدى كنت ممكن اختار نفس تعليمى

    بس كنت أختاره لانى عايزاه مش لان مجموعى عايز كده

    كان نفسى ألاقى كل اللى نفسى فيه

    اهل بيسمعونى..اصحاب يفهمونى..حبيب أكمّل معاه حياتى كلها

    لكن لا الأهل بيسمعوا..ولا الاصحاب بيفهموا..ولا الحبيب بيكمل معايا حياتى

    هو مين السبب فى اللخبطة دى؟؟انا اللى غلط؟؟ولا اهلى؟؟ولا الدنيا؟؟

    انا تعبانة اوى..الضحكة اللى من القلب بجد معرفش طعمها

    كل ضحكى مزيف وكداب..بضحك علشان مااعيّطش

    وليه اضحك من قلبى وانا عارفة النهاية الطبيعية لضحكتى؟؟

    النهاية الطبيعية هى ان هايحصل حاجة اقوى مليون مرة من اللى

    خلتنى أضحك هاتخلينى اعيط

    بقيت بخاف افرح

    بقيت بخاف اغنى

    بقيت بخاف احب

    بقيت بخاف اعيش

    الخوف ده بقى هو كل حياتى

    مش مرتاحة فى الدنيا دى وشكلها كده مش ناوية تريحنى

    ياريتنى كنت جيت فى دنيا تانية..مع ناس تانيين

    ياريتنى ماكنت اتولدت اصلا

    ياريتنى فضلت فى بطنك ياماما

    ياريتنى فضلت جوه اتفرج على الناس واحمد ربنا انى مش معاهم

    كنت هاعيط برده من اللى الدنيا بتعمله فيهم

    لكن ده هايبقى احسن على اى حال من انى افضل اعيط على نفسى

    مش حاسة بطعم اى حاجة فيكى يا دنيا

    اشمعنى بس بتحسسينى بطعم الحزن اوى؟؟

    ليه الدموع بس هى اللى بتقربيهالى؟؟

    ليه بتخلى الجرح بس هو اللى يعرفنى؟؟

    ليه نهاية كل حاجة حلوة دموع؟؟

    ليه خليتينى أشوف غدر الاصحاب بعينى؟؟؟

    ليه خليتينى أحس بإهمال اهلى ليا؟؟؟؟

    ليه خليتينى أتأكد انى مش فارقة مع اى حد

    سيبينى فى حالى بقى يادنيا

    والله لو نسيتينى هاترتاحى منّى

    انسينى شوية ده انا لسه صغيرة اوى على اللى بتعمليه فيا ده

    والله صغيرة اوى يا دنيا

    يارب

    انا عارفة ان كل ده غضب منك عليا

    طيب سامحنى

    ادينى فرصة تانية

    خلينى حد غيرى

    ريحنى

    ساعدنى

    انا تعبانة

    وخلاص مش فاضل لى غيرك

    عارفة انى مش بادعيك غير لما الدنيا تضيق بيا

    بس انت اللى خلقتنى

    وانت اللى خلقت الدنيا

    وانت دايما مع المظلوم على الظالم

    خليك معايا عليها يارب

    انا مش هاعمل فيها حاجة وحشة

    انا بس مش عايزاك تقويها عليا

    مش عايزاك تخليها تجرحنى

    قول لها انى طيّبة

    لأ..لأ يارب مش طيبة انا عارفة

    بس على الاقل قول لها انى حد نفسه يبقى طيب

    قول لها سيبيها هى شافت منك كفاية

    قول لها انى بتمنى اموت لانى خايفة اعيش ويحصل لى

    اكتر من اللى حصل لى لحد دلوقتى مع انها لسه ماكملتش 20 سنة

    قول لها انى نفسى احبها

    قول لها والله ماهاعمل حاجة وحشة فى حد

    قول لها نفسى اعرف معنى الفرحة الحقيقية

    قول لها نفسى اضحك من قلبى

    قول لها انك قادر على كل حاجة

    وانك قادر تنصفنى عليها

    قول لها انى تعباااااااااااااااااااااااااااااااااااااانة

    واسألها انا عملتلها ايه يخليها تكرهنى اوى كده

    شكرا اوى يادنيا.....بجد شكرا على كل حاجة

    انا مش قادرة اكتب حاجة تانى لانى بعيط اوى وتعبت اوى
    آخر مرة عدل بواسطة eman_for_allah : 15-04-2007 في 01:30 AM

  2. #2
    ع ــبير }~'s صورة
    ع ــبير }~ غير متواجد كبار الشخصيات
    تاريخ التسجيل
    Dec 2005
    الموقع
    جدة
    الردود
    5,753
    الجنس
    أنثى
    استهدي بالله اختي الحبيبة
    عندي لك نصيحة وحدة راح تخليك تعيشي سعادة عمرك ما عشتيها

    اكثري من قراءة القران الكريم
    كل يوم
    خصصي عدد معين من الصفحات وإقرئيه بعد كل صلاة
    صدقيني راح تحسي بسعادة لا توصف
    اكثري من الدعاء والتوسل لله عز وجل والإستغفار
    واطلبي من الله عز وجل يرزقك وينعم عليك بالطمأنينة وراحة البال

    الا بذكر الله تطمئن القلوب

    انا كمان ومن كم شهر كنت احس أحيانا بحالة قلق وكابة ما كنت اعرف سببها
    كانت فجأة تتغير حالتي من غير سبب
    لكن الحمد لله لجأت لله عز وجل وارتحت
    وتخلصت من الحالة اللي كانت تزورني احيانا

    فالله يوفقك اختي ويرزقك الطمئنينة والسعادة
    ع ــــدنـا ... }

  3. #3
    eman_for_allah's صورة
    eman_for_allah غير متواجد الفتاة الواعية
    تاريخ التسجيل
    Jul 2006
    الموقع
    جوايا
    الردود
    3,080
    الجنس
    أنثى
    ربنا يخليكى يا حبيبتى
    انتى ماتعرفيش كلامك ده ريحنى اد ايه
    جزاكى الله كل خير

  4. #4
    دينا عادل's صورة
    دينا عادل غير متواجد النجم البرونزي
    تاريخ التسجيل
    Feb 2006
    الموقع
    على ارض مصرالتاريخ يقدر يقول ما شاء..انا مصر عندى احب واجمل الاشياء
    الردود
    824
    الجنس
    أنثى
    تعرفى يا ايمان والله حسه بكلامك اوى...يا حبيبتى انتى صغيرة اوى على الكلام الكبير ده

    بالنسبة لعدم تفهم الاهل...اعذريهم فى فارق كبير فى الزمان والتواصل ومشاغلهم

    بالنسبة للاصدقاء ..... اختارى الاصدقاء الاوفياء اللى يعرفو ربنا ...واتعلمى درس من خيانة الاصدقاء كونى قوية وعندك تحدى فى انك تكملى حياتك صح بدون اى انكسار ابدا

    بالنسبة للحبيب ..... فده نصيب ومكتوب مفيش حاجة فى ايدينا غير الدعاء بالزوج الصالح

    ربنا يوفقك ويبارك فيكى حبيبتى

  5. #5
    eman_for_allah's صورة
    eman_for_allah غير متواجد الفتاة الواعية
    تاريخ التسجيل
    Jul 2006
    الموقع
    جوايا
    الردود
    3,080
    الجنس
    أنثى
    شكرا يا دينا على اهتمامك
    وانا بجد نفسى فعلا حد يحس بيا
    بس مااعتقدش ان كل الاهالى بعيد عن اولادهم بسبب الفارق الزمنى
    انا مش لاقية لهم اى عذر
    وشكرا كمان على دعواتك

  6. #6
    دينا عادل's صورة
    دينا عادل غير متواجد النجم البرونزي
    تاريخ التسجيل
    Feb 2006
    الموقع
    على ارض مصرالتاريخ يقدر يقول ما شاء..انا مصر عندى احب واجمل الاشياء
    الردود
    824
    الجنس
    أنثى
    يا حبيبتى انا مش برر للاهل انا بس بديلهم عذر عشان ترتاحى شوية واخفف عنك

    واقولك مهما كان انتى وضعك افضل تخيلى لو كنتى يتيمة لا قدر الله

    مهما كان تخيلى لو جالك عريس مين اللى هيقعد معاه مش اهلك؟ مين اللى هيقف جمبك فى الفرح ؟ مين؟

    والله وضعك حلو اوى بس سعات الشيطان بيشوف نقط ضعف الانسان

    خليكى قوية بالله واتحدى الدنيا دى مالهاش اى قيمة والله

    ربنا يحميكى حبيبتى

  7. #7
    eman_for_allah's صورة
    eman_for_allah غير متواجد الفتاة الواعية
    تاريخ التسجيل
    Jul 2006
    الموقع
    جوايا
    الردود
    3,080
    الجنس
    أنثى
    عارفة يا دينا؟؟؟؟
    انا ممكن مااشوفش اهلى فى اليوم غير ساعة 1 واحدة بس تخيلى؟؟؟؟؟؟
    مع انهم مش مشغولين اوى يعنى
    بس اخواتى المتجوزين ليهم نصيب كبييييييييييييييييير اوى من اهتمامهم
    انا مش بطلب حاجة غير ان بس ماما مرة تسألنى فيه حاجة مزعلانى
    نفسى بابا يقول لى احكيلى يومك كان عامل ازاى
    همّا مايعرفوش ان البنات بيختاروا اصدقاء السوء وممكن يعملوا اى حاجة غلط
    بسبب غياب الاهل
    وعمرى ماقلتلهم ولا هاقول لهم انى محتاجالهم..لانى لو قلتلهم واهتموا فعلا بيا
    مش هاحس منهم بأى حاجة...لان الحاجات دى مش بتتطلب
    وشكرا لاهتمامك يا دينا وربنا يوفقك يارب

مواضيع مشابهه

  1. لا تكرهنى
    بواسطة النهر الأزرق في ركن المواضيع المكررة
    الردود: 1
    اخر موضوع: 14-05-2010, 01:13 PM
  2. لا تكرهنى
    بواسطة النهر الأزرق في فيض القلم
    الردود: 6
    اخر موضوع: 13-05-2010, 10:47 PM
  3. لييييييييييييييش تكرهني كذا؟
    بواسطة لياد في نافذة إجتماعية
    الردود: 15
    اخر موضوع: 19-05-2009, 09:13 AM
  4. حتى لو تكرهني ياخالد
    بواسطة جالس دايم واقف في نافذة إجتماعية
    الردود: 29
    اخر موضوع: 30-03-2005, 04:54 PM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ | جمالكِ | طفلكِ | تحميل صور | تكرات | المجموعة البريدية | لكِ أطباق لاتقاوم

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96