السلام عليكم ورحمة الله00
اول شي احلف لكم بالله العظيم القصــه حقيقيه 00لانها تصلح تكون فيلم اكثر من انها واقعيــه
شي لايصدق
المفروض يابنات الوحده فينا بعد الزواج تضع لكل شي حــد00حتى للصداقه
بحكي لكم قصـة المرأه هذي وانتو احكمــوو00
القصه لوحده معرفتي بها عاديه اشوفها في المناسبات وكذا لكن ماعمري جلست معها او كلمتها ..بصراحه كانت جميله ماشاءالله
متزوجه وماعندها عيال....وكانت معها صديقه يقولون اكثر من خوات مع بعض على طووول ولكن الظاهر الله يصلحها ماعرفت تختار البنت المناسبــه.....يحكون ان صداقتهم من سنوات طووويلــه
يطلعون مع بعض كثير ويتكلمون مع بعض كثير وطبعاً الصديقــه الوفيــه ماكانت متزوجه
الزوج بدأ يتضايق من صديقة زوجته اللي صارت زوجته تجلس معها اكثر منـــه......ووصل لقرار انه يخير زوجته اما انا ولاا صديقتــك؟؟؟ طبعاً هوه حاول اكثر من مره انها تخفف العلاقه شوي ولكن الزوجه كانت ترفض رفض قاطع
وش تتوقعون اختارت الزوجـــه
قالت صديقتي....اختار صديقتي مااقدر استغني عنها هذي مثل اختي واكثر..
وتطلقت منـــه..
ولكن الزوج كان اذكى من انها تبيعـــه كذا...راح وخطب صديقتها
وصار المصيبــــــــــــــه....
الصديقــه وافقت بدوووون اي تردد
طبعاً انا حضرت الزواج وكانت زوجته الاولى حلفت ان ترقص لها وحضرت وتشتغل يابنات وتبخر الموجودين والله انها كانت غااايه في الروعه من حيث الشكل ولكن عيونها فيها الانكسار
في الزفـــه.......والعروس في نص الممـــــر شافت صديقتهــا وبكت على طووول والزوجه الاولى ترقص ولا كأن شي صــار.....
اي صديقـــه هذي اللي ابيع زوجي واشتريها وتروح تخوووووني
يعني خسرت بيتها وصديقتهاا
اش رايكم يابنات في اللي صار؟؟
كل وحده تقولي رأيها..
تحياتي لكم
الروابط المفضلة