شكرا ام هبة بس ممكن يكون صدقه باين وانها مقصرة ومش عارفة ليه حاسة انك بتردى عن تجربة شخصية حصلت لكى حسيت بكده وشرفتى يا ست الكل

يشرف مقدارك يا غالية على الرد الودوود

بصى الست دايما بتتعامل بعواطفها مع الراجل اللى أمامها

فى الأول يبدأ يتقرب من بعيد ثم يقرب شوية بشوية

ثم يحكيلك عن أم العيال وكيف أنها لا تعطيه حقه وأنها مهملة فى نفسها وساعات يقولك مع أنها بتحب واحد غيره

واحنا بنصدق وتتطور العلاقة فى داخلنا من علا قة انبهار بالمال والمركز المرموق إلى عطف وبعد ذلك حب

وبتتخيلى أن اللى قدامك هو كمان هيمان بيكى و أنت هتكونى المنقذ له

وما أن يتزوجك حتى تكتشفى أنك مجرد جسم وشكل جميل عجبه وأراده وبس

ويتضح لك أن أم العيال اللى كان بيقول عليها مهمله ومقصرة هى الكل فى الكل فى حياته

ويأتيك مرة أو ربما مرتين فى الأسبوع فقط لأنه الأن يريدك

بالنسبة للفلوس اه بيدفع وبيكون حلو لما يديكى مصروف البيت ( مصروف البيت وبس)

لكن مفيش هدايا غالية زى اللى كانت قبل الجواز ومفيش خروج ولا رحلات لأنه خايف حد يشوفه معاك ويبلغ أم العيال

ويبدأ قلبك يتقطع لما تلاقى صديقاتك يخرجن ويدخلن كيفما يريدون مع أزواجهم ويعيشون فى سعادة

وقلبك يتقطع...أكثر و أكثر... لما تلاقى الشخص اللى أنت كنت بتحبيه أنعم الله عليه وأسعده بمال وبزوجة غيرك صحيح هو مش بيكون فى نفس غنى الشخص اللى أنت تزوجتيه بس كفاية أنك تعرفى أنه سعيد جدا مع غيرك ولا ينظر لك الا بكل احتقار لأنك خنتى حبه لكى

يعنى فى النهاية أنت بتبقى معاك الفلوس اللى محدش يقدر ينكر أنها شىء مهم للغاية بس طبعا مش بتكون كتير زى ما أنت كنت متوقعة ولكنك تحتاجين ل رجل يكون جانبك فى كل الأوقات رجل يحبك لشخصك لا لجسدك أو جمالك فقط

رجل لا يخجل من الخروج معك فى أى مكان ولا يخجل أن يراه أحد وهو معاكى

وبعد لما تخلفى عيال منه ((( طبعا إذا سيادته وافق أصلا أنك تخلفى أطفال منه )))

تبدأ المعاناة الأكبر ويكون غصبا عنك تبقى أنت الأب والأم فى نفس الوقت

لأن جوزك سوف تكثر اعتذاراته(( معلش أنا مشغول........... كان عندى شغل كتير النهاردة.....إن شاء الله هجيلك بعد يومين..........أنا بعت لك الفلوس مع فلانه أبقى خديها))

وكلمات اعتذار كتيرة وأكتر من كده
اللى يجيب الضغط ويوصلك لدرجة الغليان أنه ساعات يتصل هو بالتليفون ((نادر أصلا لما بيتصل وهو لا يتصل الا إذا كان يريد شىء)) ويقولك عاوزك تلبسى الفستان الفلانى أو القميص الفلانى أنا جايلك دلوقتى...

ويشرف بسلامته وياخد اللى هو عاوزة منك ومتشفيش وشه الا بعد أسبوع أو يمكن 10 أيام

يعنى فى الأخر أنت بتكونى قطعة ديكور مركونة ع الرف يستعملها لما يحتاجها

حتى لو طلق مراته أو هى ماتت بتفتكرى أن الدنيا ضحكتلك وأنك الأن هتبقى الكل فى الكل لأنك الان زوجته الوحيده

بعدين تكتشفى أن بسلامته بيدور على واحدة تانيه من مستواه علشان يتزوجها ((طبعا هيقولك دى كلها مظاهر و أنا بحبك أنتى بس علشان المجتمع و أهلى أنا مضطر أتزوج ....)

وفعلا يتجوز التالته

وسلميلى على الحاج متولى

ههههههههههههههههههههه كنت لسة هقولك سلمى على الحاج متولى جت فى بالى ببص فى الاخر لقيتك كتباها

ولن تصدقى نفسك عندما يرفع يده عليكى لكى يصفعك على وجهك فقط لأنك تصرى على أن تنجبى منه أطفال

هذا الرجل المحترم الوسيم العاقل الحنون الغنى لن تتخيليه أبدا فى الصورة التى ذكرتها لك من قبل الا عندما تفيقى من حلمك على هذه الصفعة التى يمتد أثرها فى وجهك لأكثر من أسبوع

على فكرة هذه ليست قصتى أنا هى لو قصتى أنا هكنت أقول بس هى مش قصتى أنا

ربنا ما يكتبها عليكى ولا على اى حد يارب