السلام عليكم ورحمة الله وبركاته


كيفكم ياصبايا

الصراحة شي بكون الامور ملخبطة معي بدور علىشي مهضوم
وببعد عن هموم الحياة لغير جوا ودورت وبحشت
ولكيت لكن غزل شامي على اصوله وهو ملطوشه من بنوت حبيبة البي
طبوشه فانقلته متل ماهوا بدون رتوش

الصراحة وبما أني شامية...حبيت ..تاخدوا فكرة عن الغزل الشامي..
يلا مالح طول عليكم ...خليه الغزل لحاله يحكي....






غزل شامي

بحبك حب الشباك للبرداية

بحبك حب الأرنبيط للكوساية

بحبك حب الشلمونة للكولاية

لك بحبك حب الطشت للكبجاية

يا ريت تكوني شخبرة... وكون أنا المحاية

يا ريت تكوني بريات... وكون أنا البراية

يا ريت ما تحطيلي زء... لما كون أنا جاية

بحب ضحكتك يللي متل صوت المعزاية

بحبك حب الدؤونية لللهاية

بحبك حب المألمة للشنتاية

يا ريت تكوني عوجا وكون أنا العرباية

يا ريت تكوني طربيزة... وكون أنا كنباية

يا مدلوئة حياتي وشعيبيات عمري ووربات بئشطة روحي ... يا أحلى زبدية

محلاية

بحبك حب الريموت للتلفزيون

بحبك حب درفة الباب للمندلون

بحبك حب بنت اختي الفصعونة لسبيس تون

بحبك حب أبو السوم للطابة

بحبك إذا كنتي متنحة أو حبابة

بحبك حتى لو كان صوتك متل موتور الدبابة...



سمعيني شوي لحتى احكيلك الأصة

يا ريت تكوني حنفية مي عم تشرشر ... وأنا بعصها

نشالله ما يبلا هلطول ... متل عرئ الفصة

لك يا ريت تكون معي هيكة كمشة بزر وأعطيكي نصا

بحبك حب منير الجبان لكلمة صباح الخير

بحبك حب جهاد سعد لبرنامج خبرني يا طير



لك بتسدئي ؟؟

بحبك حب جورج بوش لتوني بلير

شه

بحبك حب الآرمة للعامود

بحبك حب الزلائط للمعؤوود

بحبك حب السعادين للقرود

بحبك إذا كنتي ساكتة أو عم تحاكينا...

بحبك حب ابن اختي الفصعون لبوظة كارينا

بحبك حب البردآن .. للكرمنتينا

حاجة بأة

جننتينا...
حلي عنا وفارقينا...

طبوشة....


علىفكرةطبوشتي مسافرة على بلدهاالحبيب سوريا واشتئتلها يارب ترجعلى سالمه
وغاانمة وكل الغياب يرجولنابالف سلامة

على اصوله00تشكري

الله يفرح قلبك ماما حميدة

دمه خفيف طبعا

السلام عليكم ورحمة الله وبركاته

ياهلا فيكم عجبكم الغزل
السوري,,
ام نور هاتي ماعندك

علىفكرة مافي احلى واهضم منالحكي السوري وخفت دمه
والمصري دمهم شربات والله يباركلنا بكل
اللهجات لان لكل بلد نكهه خاصة تميزه وتضيف
له جمال باسلوبه المرح ,,
وصدقوني نحنا بحاجه لتغير شوية روتين
لا تحرمونا فيض اقلامكن

انا قبل ماسجل كنت انطر مواضيع حبيبتة الكل ام بدر
وبذكر منهم نيال الي يبيتزوج سوريه
منقلها للغايه ام بدر يارب طمنى عنها وتفرح لهابالحدث السعيد
لنهني ونبارك ,,,ويارب يتمم بالخير ونفرحلك بزغنطوط
يملي عليكم البيت ان شاء الله

ام بدورة ناطرين جديدك ماتحرمينا طلتك
الحلوة ومواضيعك خفيفة الدم

وعلىمحبه الله ورسوله نلتقي

ما كل هذا العشق يا ماما حميدة ....صحيح بعض الكلمات لم أفهمها لكن حاولت ...ربنا يبارك لك

كتبت بواسطة اريج الزهر

ما كل هذا العشق يا ماما حميدة ....صحيح بعض الكلمات لم أفهمها لكن حاولت ...ربنا يبارك لك

ياهلا وغلا اريج الزهر


كيفك حبيبتى انا بفهم اللهجة السورية لانهاقريبه من لهجتنا اللبنانييه ورغم هالشي بعض الكلمات
مافهمتها لاختلاف باللكنه من بلد لبلد ومنطقة لمنطقة علىكل حال هو غزل هزلي

حبيبتي اريج ومن اي بلد انتى لنتعرف اكتر ؟؟وميت اهلا بمشاركتك

أنا من مصر يا ماما حميدة .....أنا قلت لك قبل ذلك ولكنك يا جميل نسيت

هههههههههههههههههههههههههههههههه
و الله اني ضحكت من كل ألبي
بس هل الشعر بدي واحد شامي مأصل لحتى يفهمو كلو
يعني بظن مو كل الاخوات رح يفموه







على كل مشكورة كتير
و الله يضحك سنك ويفرح ايامك يارب

كتبت بواسطة اريج الزهر

أنا من مصر يا ماما حميدة .....أنا قلت لك قبل ذلك ولكنك يا جميل نسيت

ياهلا وغلا باريج الزهر
صحيح والعتي علىالذاكرة,,يااااااااااااااااااامورة زياميت
ويامرحبا بيكي وكل الشعب المصري باعسل انتي
وللمرةالتانيه فرصة سعيده ياحبيبتى

مشكورة ماما حميدة حلو الغزل