السلام عليكم ورحمة الله
شموخ نزلت عندكم مره ثانيه بس هالمره ودها بمشورتكم !!
في هالدنيا تصادفين ناس غريبين عجيبين
اشكال والوان
أحيان يسهل عليك اكتسابهم والتعامل معهم
واحيان تكسبينهم لكن يصعب عليك التعامل معهم
واحيان ماتكسبينهم لكن برضه صعب عليك التعامل معهم
صادفت في هالترم مجموعة بنات
في منهم من استطعت اعرف شخصياتهم وسهل علي التعامل معهم وعلى قلبي زي العسل
وفهمتهم وتغيرت نظرتي لهم بعد ماحكمت عليهم بمواقف سطحيه حدثت في قاعة المحاضرة
ولكن هناك اخت من الاخوات متزوجه
في نفس سننا تقريبا
حين كانت معرفتي بها سطحيه كانت بالنسبة لي ذات اخلاق
ومن جد كانت تعجبني اخلاقها كنت احسها انسانة محترمه نفسها
حبوبه عاقله واعيه
حتى كنت امدح اخلاقها لصديقاتي
ولكن يوم تقربت منها شوي
مااقول انصدمت لاني تعودت على البنات واختلافهم
لكن ماتقبلت الوضع وتضايقت
هالانسانه أحسها مبالغه في كلامها بعض الشئ
يعني تكذب .....
تبالغ في وصفها للشئ ... وكل شئ عندها روعة وايجابي ونادرا مااحسها تتكلم عن سلبيات شئ معيّن
اوقات تسولف لي انا ومجموعة من البنات احس كلامها فيه مبالغه
في وصفها مبالغه
كل شئ يجنن وروعة ويهبل وانا وانا
اشتريت كذا ... لدرجة اني اليوم سألتها عن غرض معها عجبني انا وزميلتي اشترينا مثله تقريبا
وكان سعره عادي لان هذا السعر المتوقع فيه
ان زاد عن السعر اللي اشتريناه فيه فراح تكون الزيادة قليله جدا ماتوصل للحد اللي ذكرته هي
لما سألتها عن غرضها زادت على السعر اللي احنا اشتريناه فيه الضعفين
هالشئ مايستاهل والله مايستاهل كل هالسعر
لكن سبحان الله كان مع وحده من البنات نفس الغرض اللي معها اللي معها بالضبط مع وجود اختلاف بسيييييييط يمكن في اللون وشئ زي كذا
لما سألتها عن سعره بس ودي اعرف حقيقة كلام هالانسانه
قالت لي البنت انه على مااظن بالسعر الفلاني ... طلع السعر مماثل للسعر اللي انا وزميلتي اشترينا فيه
سبحان الله ومو في هالشئ بس
لا في اشياء كثيييييره احسها تبالغ
احيان اتضايق
وبصراحة ماودي اجرحها
ولا ودي احسسها بتضايقي من كلامها
تبغون الجد كلامها صار يضايقني وصرت اشك هي صادقه فيه والا كذابه ؟؟!!
ليش هالمبالغه ... اكثر المبالغه في المبالغ الماديه
وفي وصف فلانه وفلانه وكلامها عن اغرضها ومواقفها فيها شئ كبير من المبالغه
الكلام الصادق والصحيح يطلع من القلب ويدخل للقلب
لكن الكلام اللي فيه تلفيق تحسين انتي انك ماتتقبلينه
احترت معها ولا ودي اجيب طاريها عند البنات ابد
لكن انتم افيدوني شلون اتعامل معها
ودي افهمها بلاااش كذب ودي اقول لها يافلانه احسك تبالغين
ماعاد صرت احب اجلس معها
كلامها ودي اصدقه بس احسه مايدخل قلبي
مدري من جد تحتارين في التعامل مع هالناس
فوش رايكم انتم
اللي مجربه تفيدني وهم بعد اللي مي مجربه ودي بوجهة نظركم
ودمتن بهناء
الروابط المفضلة