السلام عليكم
مابعرف وين ممكن اكتب هاد الموضوع بالموقع
بس بدي رأيكم ضروري
كيف بتتصرف الفتاة مع خطيبها يلي بيعصب بسرعة من اقل كلمة بضوج وبيحكي حكي مو معقول
بس بعد شوي بيرجع بيعتذر
برأيكم كيف لازم تتصرف معه لحتى تخفف من هي الحالة يلي عنده وخاصة انه هو قلها انا بعرف هي الصفة السيئة يلي فيي وبتمنى غيرها مشانك


الرجاء التجاوب مع الموضوع بسرعة وشكرا لارائكم

أولاً السلام عليكم و رحمة الله و بركاته أختي حب وعذاب
يمكنك المشاركة في هذا الموضوع في ركن الحوار العام
أما بالنسبة لخطيبك طولي بالك عليه شوي فربما عصبيته من ضغوط الحياة
أما أنت حاولي دائماً تذكيره بالصحابي الذي جاء إلى الرسول صلى الله عليه و سلم
وهو يقول له دلني على عمل إدخل به الجنة فقال له لا تغضب
وأرجوا التوفيق لكي وله
ولكم شوق و حنين

هلا والله ومرحبا فيكِ اختي
صيحة لك قبل ما ترتبطي بة لازم يعرض نفسة على دكتور نفسي ليحل مشكلة التوتر العصبي

لانة اذا لم تنحل المشكلة راح تعيشي معاه طول عمرك في شقاء وتعب
اذا كان بيحبك اقنعية ...




حبيبتي الموضوع من الأنسب طرحة في ركن النافذة الاجتماعية
فتعالى معي بارك الله فيكِ إلى هناك ...

صباح الورد يا حب و عذاب
انا بدي اسميك ورد و عذوبة
شوفي يا ستي
انا عندي أخي بنفس المواصفات اللي ذكرتيها و كانت زوجته بأيام الخطبة متلك تعاني الامرين بس تعالي شوفيها هلأ بعد الزواج مخليته زي الخاتم بأصبعها
احزري كيف؟؟؟؟؟؟!!!
بالحناااااااااااااااااااااااااان
بجد مرت أخوي بتكون بنت خالتي و إحنا بنعرفها من صغرها أديش هيه حنونة و هادية مع انها مو حلوة كتير و حلاوتها وسط بس قدرت بحنانها و هدوءها و طولة بالها تعطيه الروقان اللي بيدور عليه
عنجد
شوفي كل ما ييجي ينرفز او يعصب خطيبك امسكي ايده ...او حطي ايدك على كتفه و امسحي بحنان كأنك بتهديه بس بطريقة غير مباشرة
و بعدين إزا شفتي الشر بدو يطلع من عينه اتطلعي في عينيه نظرة حب و حاولي ابتسمي و هوني عليه الامور و إزا عصب و حكا كلام بيزعلك لا تردي مباشرة استني بس يخلص و ردي بهدوووووووووووووووووء تااام و إحكيه حبيبي مافي شي بيستاهل زعلك والدنيا بتكون حلوة بنظري لما أشوفك مبسوط و بتتضحك وأي اشي مزعلك انا رح اتركه وانا بهمني انت و سعادتك انت
شوفي هادا الكلام ممكن يكون زيادة بس الرجال العصبي ما بتتصوري كم بتأثر فيه قصة الحنان و الهدوء و انه اللي قدامه بيهون عليه الامور و بيكون معه بالسراء والضراء
ممكن يكون خطيبط كلامه غلط وهوه مخطئ وانتي الصح بس لما تفرجيه انه هوه الصح و انك ماشية معه و مو معارضيته هيك رح تمتصي غضبه وتهديه ولما يروق مزاجه ساعتها بطريقة ودية او بمزحة خفيفة ممكن انك تلمحيله لخطؤه و تفرجيه انك لأنك بتحبيه بتصارحيه و بتحاولي تتخلصي من كل اسباب زعله
حب و عذاب
بتمنى اكون افدتك و لول بقدر بسيط بس انا بحكيلك من واقع تجربة أخوي اللي نا بعرف واحد عصبي اكتر منه و لما يعصب بيصسير يخبص بالحكي و لما يهدا بيصير زي الطفل يعتذر لأمي قبل ما يخطب أو إلي انا أخته إذا عصب علي و أ:يد هوه هلأ لما يعصب على مرته بيعتذرلها إذا عصب عليها

شكرا بسبوسة شامية
على ردك الحلو كتيييييييييييييير على فكرة هو مو خطيبي يعني السؤال مو إلي هو السؤال لاختي والمشكلة انه هي ماعم تشوف خطيبها لانه مسافر بس بيحكوا على التلفون او النت بقى شو العمل كيف بدها تغيره من غير ما تشوفه والشب كتير منيح معها وبحبها وماعنده غير هي المشكلة