السلام عليكم ورحمة الله وبركاته
ياهلا وغلا بالصبايا
كيف اصبحتم يتمنى تكونوا كلكن باحلى حال رغم الغربه ,ومتل ماالنا ماغربه الاغربه النفس والحمد لله تنحنوا احسن من غيرنا ,والي بيشوف مشكلة غيرهه بتهون عليه مشاكله
انتوا اسمعوا نشرة الاخبار واللهي حال بلادنا بيزعل وغربه الوطن اصعب ,وماعاد في لا امن ولاا مان الا من رحمهم ربي ,,وكل يوم منقول الوضع بيتحسن برك منشوف بصيص امل
حسبي الله وكان الوطن العربي بحال كتب عليه ان يعاني داخليا ,ورغم الزهق بالغربه منقول الحمد لله قضاء
ارحم من قضا ويمكن الله يفرجها ويعود كل مغترب على بلاده مين عارف بكرا شو الله مخبالنا يارب يبعت الخير
واسمع اخباركن الحلوة ,,شئنا ام ابينا بدنا نتاقلم بغربتنا
والحقيقة كتير مبسوطة فيكن وبجمعتكن الحلوة تفضفضوا لبعض وتاخدوا بحس بعض ,,وجربوا تشوفوا الحياة حلوة
رغم كل شي , وهي النت قرب المسافات اكيد بلحظة بممكن تحكوا نع اهلكن واحبابكن الله يخلي المسنجر
الحمد لله ماعدت قول لزوجي زهقاته صار الي احوات وبنات حلوات بعدة بلاد بكبسة موس بحكيهم وبطمن عنهم
ونتبادل اطراف الحديث يعني بتعملواالصبحيه ان منكن موظفات وانتوا عبتشربواالقهوة
واخر النهار بعد انهاء الواجبات الله يخلي منتدى لك بيجمعنا على طاعةوحب الله ,وهلق ببدايه فصل الربيع صارت
الضهرة حلوة والمشي مفيد شو رائكن بالمشي بتعرفوا ان بالغربه الي صديقتين بعتبرهم متل اخوتى تعرفت
عليهم صدفة فتحيه مصريه ونعم الاخت الوفيه تقابلنا بحديقة عامه قرب البيت انا ضهت حفيدي ليلعب بالمراجيح
وهي عندها طفله عاملتلها بيبي ستنر المهم وتعرفنا وصرنا مانفترق كل يوم نتمشي للحديقة ومن بعدها نلتقى ببيت
نحضر ش ي علىالسريع للولاد ياكلوا ونحنا نشرب القهوة ونرجع كل واحدة منا عللى بيتها
وتعرفت علىمنال صبيه عندها بنتين كمان انضمت النا وصرنا متل الاهل وبعدها بكم سنه غيرت الشقة وما كان عندي ولاد بنتي ففكرت روح مدرسه لاتعلم وقوي الانكلش لان بتعرفوا ضرورى بالغربه اللغه وهنا صدفة بيوم بتقلي التتشر
وهي عجوز انا حدها صبيه ,,بدك تتعرفي على صديقة عربيه؟؟
واخدتني من ايدي وعرفتني على انجيل ست كبيرة طيوبه ولمحاسن الصدف ..طلعت ساكنه بنفس البنايه رب
صدفة ياسبحان الله ولليوم صداقتى المتين مع فتحيه وانجيل متينه لان مافي مصالح محبه في الله
ومنطمن تقريبا يوميا عن بعض وان تاخرنا منفتقد لبعضنا غالبا علىالتلفون لان صار في مسافة بعيدة بالسكن
لانني غيت شقتي ,,وعبخبركن المشي مفيد ويمكن تعرفوا متلي علىرفيقة تكون الكن الاخت الوفيه
مين عارف فبالله عليكن الي ضايقها خلقها ,,تصلي علىالنبى وتشغل حالها بيمر الوقت
اسفه علىالاطاله بس حبيت شجعكن وقنع حالي
ومرات بسئل حالي صحيح تعدت ولا للضرورة احكام
وهلق بترككن بالف خير ويارب تضلوا بالف خير
عضو جديد
أعضاء قرؤوا هذا الموضوع: 0
رد مع الاستدلال
الروابط المفضلة