وأنا يومي كان كالتالي
صحيت الساعة 12 وقومت زوجي للصلاة
رجع الاانا ملبسه العيال ومتجهزين عشان نروح الملاهي الاسبوعية
بعد الملاهي رحنا نقضي
وقلت لزوجي ما ابغى بنده ابغى اروح جيان ممراتهم واسعه وتشرح الصدر قال ولا يهمك وفجأة ما الاقي نفسنا الا قدام وطني (( وأنا أكره وطني كرهي للعمى )) ليتني راضية ببنده طبعا من يوم شفت وطني ولولت وصرخت وبنتي تهدي فيه
(( 3 سنوات ونص )) وما بقيت دعوة حلوة الا دعيتها لأبو لشباب عشان يوديني جيان
وهو مصعوق من نفسه
يقول ماادري اش جابني هنا الظاهر الخير هنا وانا ادعي وفي النهاية رحمني،، صلى العصر عند وطني وبعدين لمن ركب السيارة قال خلاص بنروح جيان مني مضيع الدعوات اللي دعيتيها لأنها بعد العصر ويوم الجمعة
مع انه مسكين مستعجل الله يجزاه خير
المهم قضينا الى ما اذن المغرب وصلنا البيت وركض على شغله
وأنا ركض عالنت
وإلا افاجأ ان نوران وراجية رجعو بعد غيبة كم يوم حسيت فيها ان المنتدى من غيرهم ما يسوى بصلة ولا يهونو الباقيين
طبعا انبسطت
وهللت وزمرت
بعدين قعدت مع بناتي ودي تضرب دي
والكبيرة طلباتها ما تخلص كل ما شافتني قاعدة على النت طلبت طلب
بعدين على الساعة 11 شغلتلهم اناشيد وقعدت ارقص معاهم زي المجنونة يا زعم رياضة
عشيتهم
وقبل ما انيمهم تضاربت مع الكبيرة (( 3 ونص )) لأنها قطعت القصص حقتها ونامت وانا زعلانة عليها وقلتلها اليوم ما فيه لا بوس ولا حضون (( حضن ))
ونامت بس دحين ضميري مأنبني بس هذي ثاني مرة تسويها
أف يا كثر قرقتي
بس ودحين قاعدة استنى زوجي يرجع اسحره وننام
والى يوم جديد بإذن الله
الروابط المفضلة