[SIZE=5] بسم الله الرحمن الرحيم السلام عليكم ورحمة الله وبركاته
يا بنات كما تعرفون إن الصيف بدأ (حتقولولى أخش فى الموضوع حاضر)
الصيف بيحب الفسحة يا بنات وأنا أحب التغيير دائما ً
وأنا محتارة أروح فين وآجى منين، معظم الأماكن مخصصة للشباب،
وما أدراكم ما الشباب، أخلاقيات غريبة ودخيلة وإزعاج من كل النواحى. أما العائلات فقلما تجدى الأماكن المناسبة

وفى لحظة قلت لنفسى عليكى وعلى بنات المنتدى المصريات الشهمات أكيد هيدلونى بالنصيحة المناسبة عن أماكن عائلية وحلوة. يارب تفيدونى عن نوادى، مطاعم، أى شىء بيخطر ببالكم ويكون يناسب. وربنا يكرمكم.
وياريت لو كمان عندكم معلومات عن الندوات الدينية وأماكنها يعنى عاوزة برنامج كامل متكامل. وجزاكم الله خيرا مستنياكم هاتكسفونى؟؟؟؟ : [/SIZE]

بسم الله الرحمن الرحيم
الحبيبة محبة النبي
ينفع واحدة فلسطينية كانت عايشة في مصر أكثر من 30سنة تدلك ؟؟؟؟؟؟؟
يا حبيبتي أنتو كل بلدكم فسح و مطاعم .... حتى لو اتمشيتي في الشارع و شربتي عصير قصب من أي محل و اتفرجتي على فترينات المحلات راح ترجعي البيت و أنت مجددة نشاطك
بالنسبة لآماكن الدروس الدينية اسألي في أي مسجد و هم سوف يدلوكي
أرجو أن أكون قد أفدتك و لة افادة بسيطة جدا
أتمنى لك أجازة سعيدة ان شاء الله

والله يا اختى كان نفسي اساعدك بس انا عايشه خارج مصرمنذ 4 سنوات
لكن لو عايزه تروحى بلدى بورسعيد هناك المصايف والشاليهات والقرى السياحيه كتيره وللعائلات اكتر.ولو بس اتمشيتى على طرح البحر وديلسيبس والممشى الجديد وركبتى المعديه لبورفؤاد هتحسي انك اتفسحتى بما فيه الكفايه من غير ماتغرمى ولا مليم.اصل المشى دا كان فسحتى المفضله.يلا ربنا يعودها ايام
اما بالنسبه للدروس الدينيه فهناك جوامع كتيره تابعه لانصار السنه المحمديه مثال جامع عمر بن الخطاب وجوامع اخرى كتيره وتلاقى الدروس يوميا وبعد كل صلاه.ما شاء الله
والله الاسلام الحقيقى تلاقيه فى مصر بس تقولى ايه فى اعلامنا اللى مشوه صورتنا .منهم لله.

انا قلتلك كل اللى اعرفه عن بلدى احتمال انتى تكونى من محافظه تانيه فياريت تحددى المكان وان شاء الله الاخوات يفيدوكوا اكتر

وحشتنا مصر وفكرتينا بالعيله ةالحبايب عندك اماكن كتير قوى قوى ولو مش لقيه روحى اى دار ايتام العابى مع الاطفال وحتخدى ثواب شوفى رحله مع العيله لمده يوم للاسكندريه او اى مصيف يومى وفى النهايه الفسحه اللى يحددها ميزانيتك وربنا يوفقك

وعليكم السلام ورحمة الله وبركاته

اهلا بيك اختى فى الله محبة .... وان شاء الله تنورى مصر كلها
اختى .... عملية ايجاد اماكن عائلية فى مصر كثيرة بس الشباب موجود فى كل مكان لايخلو مكان منهم واعتقد ان هذا سائد فى العالم كله ...... المهم نوعية الشباب تختلف حسب الاماكن فكلما كانت الاماكن راقية كلما كانت تخلو من الشباب الترفهيى الصاخب المزعج لأن مثل هذه الاماكن تفضل الهدوء عموما وهذا يشمل المطاعم والفنادق

بخصوص الفسح فى النهار فالديك محافظات كثيرة مثل الاسكندرية .. جمصة .. مرسى مطروح .. شرم الشيخ .. الساحل الشمالى ...... الخ وهذة ستجدى فيها جميع الاجناس من شباب وعائلات وعرب واجانب لأنها مناطق سياحية شهيرة فلك عزيزتى ان تستقلى بعائلتك جانبا بعيدا عن الضوضاء سواء على البلاج او فى المطاعم او اماكن الجلوس المنتشره بها
انا انصحك ان تحجزى فى القرى السياحية الموجودة فى الاماكن الهادئة الجديدة مثل جمصة او الساحل الشمالى ايضا مرسى مطرح فيها شواطىء كثيرة جميلة مثل شاطىء عجيبة و شاطىء الابيض وشاطى الغرام

عموما اعتقد ان فى قسم السياحة والسفر هيفيدوك اكثر من هنا
اتمنى ان اكون افدتك فعلا
دمتى فى حفظ الله

حبيبتى الغااااااااااااااااااااااااااليه



مصر منوره بيكى بس صدقينى مفيش اماكن للعائلات نهااااااااااااااااااااااااااااائى
للاسف عندنا فى مصر مفيش اهتمام بالامور دى



امال لو جيتى اسكندريه وشوفتى الشوارع والمحلااااااااااااااااات


ربنا يعافينا


والله انا بحب اقعد فى البيت ومخرجش بسبب كده

بسم الله الرحمن الرحيم
أختى نوران:
أولاً: شكراً ليكى أختى على الرد عمرك ماكسفتينى فى أى موضوع ربنا يخليكى ليه
- سبحان الله كنت أتساءل عن السر وراء لهجتك المصرية بعض الشىء فى الحوار واكتشفت بس النهاردة السبب .

كلامك كله صح أختى نوران
بس أنا دايماً بالنسبة للفسح أفضل الأماكن العائلية الهادية جداً جداً تقولى إيه بقى أختك روماااااااااانسية، أنا دايماً أحب الخصوصية. وكمان أكره الأماكن المختلطة جداً تقدرى تقولى اتعقدت لو خرجنا فى يوم لازم نرجع بمشكلة. أخلاق الناس أصبحت غريبة أوىىىىىىىىىى.
جزاكى الله عنى خيرا.

الأخت المهاجرة: يارب عن قريب تبقى "العائدة إلى وطنها" اسم حلو مش كده؟؟؟ ترجعى بالسلامة يارب
طلعنا بلديات وأنا ماعرفش لى بعض أقربائىمن بورسعيد وهى فعلاً كما أقول دائماً أحلى مدينة بمصر كفاية هدوئها وجمال جوها لكن للأسف إحنا عايشين فى القاهرة ويمكن ده اللى مخلينى متوترة على طول بسبب الزحام الرهيييييييييب اللى فيها.
شكراً حبيبتى على مشاركتك.إدعى لى ربنا يهدينى للخير.

الأخت نونيا والله فكرة دار الأيتام دى فكرة هايلة جزاك الله كل خير .

الأخت شذى:

إسمك جميل بل رائع والله،
أكيد عرفتى من ردودى إنى مصرية، لكن أنا محدودة الخبرة فى مجال الفسح ده.
"فكلما كانت الاماكن راقية كلما كانت تخلو من الشباب الترفهيى الصاخب المزعج لأن مثل هذه الاماكن تفضل الهدوء عموما وهذا يشمل المطاعم والفنادق "
عين الصواب والله. أنا أساس سؤالى ليكم صراحة هوه إنى نفسى ألاقى مكان ترتاح نفسيتى فيه لاأن أخرج بنفسية متعبة وأرجع بنفسية أشد تعباً.
جزاك الله خيراً

ومازال البحث مستمراً.