السلام عليكم ورحمة الله وبركاته....
أنا عضو جديد في منتدى لك وأحببت المشاركة معكم في هذا المنتدى الرائع من خلال مشاركات
العضوات والمواضيع المفيدة ....
طبعاً طولت عليكم كتير أخواتي العزيزات بس معلش استحملوني شوي شو بدكم تسووا
المهم أنا عندي مشكلة أنا متزوجة وعندي بنوته صغيرة وأنا وزوجي عايشين حياة سعيدة ومستقرة من جميع النواحي والحمد لله .
المهم إنه زوجي ما بحب الحجاب بالمرة وما بدو اتحجب ومش مقتنع بالفكرة بالمرة
طبعاً هوه في بداية الزواج ما كان يصلي وكنت عارفه قبل الزواج قلت يمكن يتغير وضليت وراه لحد ما اقتنع بالصلاة والحمد لله بس بعد شو بعد ما تعبت كتير بالإقناع وهلأ والحمد لله صار يصلي صح بقطع مرات بس بقول لحالي أحسن من بلاش وطبعاً مش سايبته بالمرة وراه وراه عشان يلتزم مزبوط.
بس هلاً ضلت مشكلة الحجاب مش قادرة أقنعه فيها بالمرة.. حاولت جميع المحاولات وجميع الأساليب وما في فائدة ... بدي حل للمشكلة....

السلام عليكم ورحمة الله وبركاته
سبحان الله اختي ليش جوزك ما بدو ياكي تتحجبي
انتي سأليه هيك :
قوليله انت بدك كل الرجال يشوفو شعري و بعض جسمي و كل واحد ينظري بطريقة شكل و يشوف شو عجبه من جسمي و الله بدك ياني الك وحدك و صاينة جسمي من عيون الرجال
و شوفي شو بيرد عليكي
و انشالله الاخوات بيساعدوكي اكتر

بسم الله الرحمن الرحيم

شكراً إلك عزيزتي لندا.... والله حاولت وسألت بقلك خلص أنا ما بحب الحجاب بس ما تخافي علي عم بحاول وعم بزن عليه وإن شاء الله هيك الله يهديه...

بسم الله الرحمن الرحيم
أختي العزيزة شمس الدجى
أهلا و سهلا بك عضوة في المنتدى و ان شاء الله تستمتعي بصحبتنا
بالنسبة لمشكلتك ....بما أنك استطعت و الحمد لله أن تقتعيه بالصلاة
فان شاء الله سوف تستطيعي اقناعه بالحجاب
أختي ....لا مرضاة في معصية الله
يعني سواء أن تقبل أو لا فعليك أن تتحجبي و تطيعي ما أمرك به الله
ابدأي بالحجاب العصري كما يقولون يعني لبس الملابس العصرية و لكن تكون
فضفاضة مع غطاء الرأس .....و ممكن ترتدي قميص طويل الى الركبة
مع بنطلون واسع و بعد ما يتقبل الوضع و تدريجيا تلبسي لباس الاسلام الخمار و الجلباب
و الله يوفقك لما فيه الخير

وعليكم السلام ورحمة الله وبركاته
حللت أهلاً ... ووطنتِ سهلاً
ياهلا بيكِ بين أخوانك وأخواتك أختي شمس الدجى
إن شاء الله تستمتعي معنا و تفيدي وتستفيدي

المهم إنه زوجي ما بحب الحجاب بالمرة وما بدو اتحجب ومش مقتنع بالفكرة بالمرة

أختي الكريمة شمس الدجى من المعروف أن لا طاعتة لمخلوق في معصية الخالق
والله تعالى أمرنا بالحجاب الشرعي وهذا شئ مفروغ منه
تأتي هنا مشكلة عدم أقتناع زوجك بحجابك ...
غاليتي لدي حل لكِ ولكنة قد يكون صعب عليكِ قليلاً ولكن في سبيل مرضاة الله تعالي
يهون كل شئ غاليتي شمس امتنعي عن الخروج من المنزل بدون حجاب حتي ولو كنتي تشتغلين
خذي إجازة وقعدي في البيت وعندما يطلب منك زوجك الخروج قولي له بهدوء ربي
امرني بالحجاب فإن أنت لم تأذن لى بأن أتحجب وأنا تحت عصمتك فسوف امتنع
عن الخروج حتي لا أتحمل وزر عدم حجابي ولا أريد لك أيضاً ان تتحمل أنت
وزر عدم السماح لي بالحجاب وكلما وجد منكِ زوجك تصميم علي الحجاب
فإن شاء الله تعالي الله يهدية ويسمح لكِ ...
وغاليتي شمس لا تنسي الإلحاح على الله في الدعاء
وخاصة في الثلث الأخير من الليل
فولله لو أن الله تعالي رأى منك تصميم ورغبة في الإمتثال لأمرة
فلن يخذلك الله أبداً وسوف يسهل لكِ الأمر وبإذن الله تعالى يهدي
زوجك ويسمح لك بالحجاب الشرعي ...
وأسال الله تعالى فى علاة أن يهدي زوجك ويسمح لك بالحجاب

بسم الله الرحمن الرحيم ،،

مرحبا" شمس، كيفك وكيف يارا، على فكرة شمس هي شقيقتــــــــــــــــــــــــــــــي ومن جديد انضمت للمنتدى، أنا طبعا" ما راح أعلق على الموضوع لكن حابة أضيف إنه زوجها ما شاء الله عليه أخلاق وتعليم وكرم وهداوة وأسرة طيبة لكن مشكلته إنه كان بعيد شوي عن الدين والحمد لله إنها قدرت تخليه يصلي والله يعطيها الاجر مع أنه أسرته كلهم متدينين وأمه متحجبة وإمرة طيبة جدا" ووالده أيضا" كل طيبة الدنيا فيه، على فكرة الست شمس ما حكتلي شي عن الموضوع وأنا أختها الكبيرة لكن معلش بعدين بنقعد وبنحكي، على العموم ضلك وراه ليقتنع وأنا مو عارفة شو أزواج خواتي هدول يعني عندي كمان أختين أكبر مني وأزواجهم بيقولو نفس الكلام ما بنحب الحجاب، إلا زوجي الله يطول عمره هو إللي أقنعي إني أتحجب وإحنا خاطبين ، أنا بس حبيت أدخل على الخط وإلنا كلام مع بعض .

شكراً إلكم عزيزاتي شكراً للأخت نوران وللأخت اليزا ولأختي هالة البدر
شكراً لأفكاركم الحلوه والمفيدة
وأنا إن شاء الله رح أحاول قدر الإمكان بكافة الطرق إنه أقنعه بالحجاب وأحببه فيه