عاجل جدا .... ارجوا المشاركه
السلام عليكم ورحمة الله وبركاته
بادخل في الموضوع على طول بدون لف ودوران لاني بصراحه ابغاكم الله يجزاكم خير تنصحوني وتفيدوني وتقولون لي وش اقولها
الموضوع من البدايه انه في انسانه عزيزه علي جدا متزوجه وهي تحب زوجها وزوجها يحبها لهم اكثر من 17 سنه الان متزوجين ومشاء الله عندهم اولاد المشكله انه بعد كل هذي العشره والاولاد اللي بينهم فاجأها بموضوع زواجه.....ايه تزوج عليها.sid ... وجا يقولها ......
انصدمت توترت اعصابها تعبت كل شي يخطر على بالكم بس بعد ماهدوها كل اللي حوالينها وعقلوها حاولت تكون قويه وتقبلت الموضوع رضت بنصيبها لعل وعسى انه يراجع نفسه ويحس بغلطه ويرجعلها في النهايه وتكون نزوه (مثل مايقوللها احيانا )
المشكله اللي متعبتها حاليا هي غيرتها المجنونه وهي خلقه تغار عليه من الهوى الطاير وشلون الحين يوم صار فيه انسانه ثانيه تشاركها زوجها
زوجها يقولها .....انتي الغاليه وانتي الحب وهذيك مجرد انسانه دخلت حياتي ماراح توصل لمنزلتكم مهما كان لانه والحق يقال عياله عنده بالدنيا بس وش تقولون في اللي مايملى عينه الا ......رجاجيلوهي بعد ماعرفت مواصفات زوجته الثانيه اشتغلت غيرتها تقول هي احلى مني وعجزت اقنعها انها والله هي الاحلى وان الجمال في النهايه جمال الروح وحسن الاخلاق وكل ماصارت ثقيله كل ماتأكد انه غلطان لاني انا شخصيا اعرف زوجته الجديده ومن معرفتي لها متأكده انها ماتناسبه من كل النواحي وغير كذا بتطلع حقيقتها يوم من الايام والحين علشانهم لسه متزوجين صايره حنونه وطيبه مسويه مسكينه
ولا رسايل الجوال اللي ترسلها لهوبصراحه يحق لهالانسانه العزيزه علي انها تنقهر اجل ترسله رسايل حلوه يروح يرسلها لهاذيكووصلت الحين لمرحلة تقول فيها اكيد يحبها اكثر مني وحتى الرسايل اللي يرسلها لها صارت تركز على كل كلمه فيها وش يقصد فيها ... ارسلها لي ولا لها بعد
مدري انا وفيت وكفيت ولا لا على كل حال ابغى آرائكم ونصايحكم الله يعافيكمواذا ذكرت شي باضيفه واذاتبون تعرفون شي ماقلته رجاء اسألوني
لاني ابغى اريحها واقولها شيء يهدي اعصابها الله يجزاكم خير وترى الموضوع مهم فارجوا الرد ..وشكرا
رد مع الاستدلال
الروابط المفضلة