انقذوني بمعلومات وافيه عن الخادامات الفلبينيات
ارجو من اخواتي بنات حواء من لديها خبره في الخادمات الفليبينيات (المسلمات طبعا) تزويدي بالملاحظات العامه عليهن سواء كانت سلبيه او ايجابيه
بصراحه نويت اقلع هالاندونيسيه ذا عندي واجيب بدلها فليبينيه
للاسف بعدسنه كامه اكتشف انها ساحره قاعده تتربص بي بس رب السموات والارض حماني من كيدها
والله اني مخليتها على كيفها ولا اسمح لاحد يجرحها بكلمه والله علشان الخوف من الله ثم الحاجه
حسبنا الله ونعم الوكيل

الله يعينك اختى زهرة القرنبيط..

والبنات إن شاء الله ما بيقصروا معك...

ختي الغاليه

زهره

عندنا ثلاث عاملات فلبينيات

صراحه ما اعجبوني

وان شاء الله عن قريب بنسفرهم

والله ما انصحك اختي زهرة تجبين فلبينيه ابد ابدا

ولا انصح بوجود الخادمه من اي جنسيه


هذا من وجهة نظري

حياكِ الله اختي زهرة
والله يأختي بالنسبة لي انا جربت الفلبينيات
بس كلهم للأسف ما صلحو لي يعني كثير
بيكونوا متعاليات ومالهم نفس للخدمة
وكل ما قلتيلهم يمين جالولك شمال
وفي الاخير ما صلحت معانا إلا خادمة سرلنكية مسلمة
وكانت قبل لا تجي عندنا مشتغلة في الكويت يعني بتعرف عربي
وعندها خبرة في شغل البيت وللأمانة كثير مريحتني
وكثير بتسمع الكلام واهم شئ عندي انها غير ملسونة
يعني مترادد في الكلام وهذا اكثر شئ يعجبني في الخادمة

اختي ان اضطررت لخادمة اولا وقبل اي شيء
ادع الله ان يرزقك الخادمة الصالحة ....مهم جدا
ثانيا ان وجدتها فصل الأستخارة ...واطلبي من المكتب ان تتصلي بها وتناقشيها فيما تريدينه منها مثلا هل ترتدي البنطال هل ستقبل بالحجاب داخل البيت وخارجه ...هل تستحمل الأطفال ام لا ؟ وهكذا
واللي اوله شرط آخره نور
وعند استلامها من المطار احسني استقبالها ورحبي بها
وجهزي معك العبائة لأنها غالبا راح تحضرلك ببنطال .....واذهبي معها الى السوق واشتر لها جلابيات محتشمة للبيت
ولا تنس اهدائها الكتب عن الدين مثل السحر والكذب والحجاب وكل المنكرات بلغتها
وديها لو مرة في الشهر لمجلس علم بلغتها في مركز الدعوة والأرشاد بلغتها
والله يوفقك

عزيزتي...

من رأيي إن الفلبينيات أفضل جنسيه تقريبا بس بشرررررررط...

ماتتدخلين فشغلها يعني توجهينها وش تسوي وتوكلينها المهمه كامله وهي تنجزها لك..

يعني الاندونيسيه لازم تلاحقينها وتشوفين وش سوت ووش ماسوت...وبعدين وسيلتهم السحر دايم الله يكفينا الشر..

حتى لو ماسويتي لها شي ممكن تسحر لأنها خايفه على نفسها منك داخله على ناس ماتعرفهم فبزعمها تحمي نفسها بهالشي..((الأغلب مو الكل))

والهنديات والسيرلنكيات غالبا مافيهم ذيك النظافه والدقه بالشغل إلا ماندر..

بينما الفلبينيه إذا أحسنتي معاملتها وعرفتي كيف تتعاملين معها بتمشي معك بإذن الله..

طبعا قبل تستقدمينها اشترطي فالعقد الاشياء اللي تبينها واللي ماتبينها عشان إذا نقص شي يكون لك الحق بتبديلها...

مثلا....

إنها ماتلبس بناطيل...وتكون محجبه....ماتطلع قدام الرجال...ولا تستخدم الجوال لأن الحين أغلبهم يجون معهم جوالات بس إذا كنتي مشترطه تقدرين تخلينه عندك ومالها حق تعارض..

مثلا تحب الطبخ...تحب الاطفال...يعني المواصفات اللي تبغينها...

وأنا من رأيي هم أفضل جنسيه وأريحها....بس بالشرط اللي ذكرته..

إنك تقولين لها مثلا ((عندي عشا اليوم سوي كذا وكذا وكذا......وبس...وخليها لما تخلص الشغل وانتي اشرفي عليها من بعيد لبعيد))

والله يرزقك الصالح من عباده..

اختي العزيزه صراحه الخادمات الفلبينيات منفتحات كثير لان مستوى التعليم عندهم عالي شوي

يجونك تقريبا زي الممرضات اللي في المستشفيات

ولا يقبلون الانتقاد في شغلهم يعني ترضين به وانتي ساكته بس صراحه ما انصحك فيهم

بس اذا اضطريتي عليهم فاخذري منهم

الله يعينك يارب تحياتي

أنا جربت الفلبينيات مرتين المره الأولى كانت تمام نظافه و أدب و ترتيب
وكانت بنت وسبق لها العمل في السعوديه وتعليمها كان تقريباً مايعادل الثانوي أنا أفضل التعامل مع الإنسانه المتعلمه لأنهم أسهل في التعامل بعكس الجاهله تتعبك وطبعاً مسلمه
كانت من أطيب الخادمات إلي جربتهم وطبعاً أول ماجات رحبت فيها وريحتها أول يوم لأنها جايه من سفر
ومن ثاني يوم علمتها على الشغل وعلى نظامي فيه و إستمريت معاها لمدة إسبوعين يومياً من الصبح إلى الليل ويدي في يدها لأنه إذا ماعودتيها على النظام من البدايه ورخيتي معاها في الشغل راح تتعبك بعد كذا والعود من أول ركزه
وبعد كذا راقبيها من بعيد لبعيد بس خليها تحس إنك متابعتها و إذا شفتي منها تقصير كلميها بهدوء ولا تقولي لها ليش ماسويتيه زي ماقلتلك أو تعصبي عليها كلميها بإحترام وبشكل جدي مو مكشره لا خليك عاديه وقولي لها بهدوء سوي الشغله الفلانيه و أهم شئ تحسسيها بالإحترام و ماتنتقديها قدام أحد أبداً إنتي ماترضيها لنفسك فمابالك هي كيف راح تكون نفسيتها وكمان راح تحسبك إنك مناكدتها لشخصها وتعاند معاك أنا تعاملت معاها بالطريقه هذي وبصراحه ماشاء الله عليها قمه في الإحترام وكمان يا أختي تغاضي عن صغائر الأمور لأنها إنسانه ومو معصومه عن الخطاء وتعاملي معاها برحمه لأنها إذا حبتك أخلصت لكِ والعكس صحيح ..

وفي المره الثانيه جاتني وحده قمه في الإجرام وقسوة القلب ولم يسبق لها العمل ومو نفس الشروط إلي طلبتها يعني مخالفين والمشكله الأخت طلعت مو مسلمه طلعت مسيحيه و أخرتها هربت والحمدلله كان هروبها خيره من ربي والله إني حسيت إن قلبي إنشرح وحسيت بسعاده غريبه يوم عرفت بهروبها على الرغم إني خسرت قيمة إستقدامها 7000 ريال غير الإقامه والكشف الطبي لكن الحمدلله على كل حال
وأخيرا هم حظوظ مره تصيب ومره تخيب ..