بسم الله الرحمن الرحيم ...
بما اني عضوة جديدة بصراحة لما دخلت الى النافذة الاجتماعيه حسيت اني راح القى الحل عندكم ...
مشكلتي هي صديقتي ..
بصراحة انا وصديقتي علاقتنا قوية مع بعض لدرجة انهم يضربون المثل بصداقتنا مع وجود بعض العيوب اللي تضايقنا بس عادي قدرنا نتقبل بعض كاخوات قبل لا نكون صديقات ..
وانا وياها صار لنا تقريبا ثلاث سنوات بعد سنه من صداقتنا ولله الحمد التزمت و بديت انصح اعز صديقة لي و لكن كانت ما تقتنع بسهوله ولكن كنت اصبر فهي لبسها ضيق لما تطلع و هي سفور ما تغطي وجهها بالاول كانت مو مقتنعة بتغطيه الوجه و لما اقتنعت ظلت على حالها ما غطت وجهها ..
و المشكله الكبرى انها حفت حواجبها ما تتخيلون قوة الصدمة اللي طحت فيها
قبل كانت دايما تقول لي انها مستحيل تحف حواجبها و انا تطمنت من هذه الناحيه ولكن فاجئتني بحف الحواجب في المرة الاولى اختصرت معاها الكلام و توقعت انها ما راح تحف مرة ثانيه و للاسف حفت و في يومها اتصلت علي و قالت لي انها حفت فانا من الصدمه سكرت التلفون بوجهها بصراحة حسيت اني انسانه فااااااااااااااااااااااااااااشله
ما قدرت اغير طبع واحد في صديقتي احس مالي قيمة حاسة بخيبه امل كبيرة و هذا الموضوع صار الخميس 17/3
و انا من يومها ما كلمتها و انا اشوفها بالمدرسة و لا اطالع بوجهها
ارسلت لها رساله فيها موضوع عن الحف و بينت لها اني ما اقدر امشي مع وحده الله ورسوله لعنوها
لان المرء يحشر مع من يحب و المرء على دين خليله
بصراحة ما ادري شنو اسوي ما ادري شلون اكلمها و الله احس ان ما لي نفعة و انا بصراحة اكثر صديقاتي مو ملتزمات و اخلاقهن لا حول ولا قوة الا بالله احس اني ما اقدر انصحهم لان صديقتي العزيزة ما قدرت انصحها
انا متضاااااايقة شلون انصحها و شلون اكلمها بصراحة ما اقدر استغني عنها ما اقدر اشوفها و لا اكلمها هي حيل غاليه على قلبي و اخاف من عذاب الله و اخاف على صديقتي
اعذروني على الاطاله بس والله من القهر والحرة اللي في قلبي
اختكم الضائعة
رد مع الاستدلال
الروابط المفضلة