كيفكم يا حلوين.....حبيت اقدملكم...مجموعة من ادوات التجميل الخاصة بي..وبرفاناتي والكريمات اللي استخدمها...ويارب يكون موضوع حلو وتحبوه وتستفيدو منو باي معلومة.......احب بس اقول في الاول ان انا الحمد لله مبحطش اي نوع من انواع المكياج او البرفانات وانا خارجة لانه حراااااااااااام فحبيت بس افكركم وافكر نفسي معاكم ...والحاجات دي حلاوتها في خصوصيتها جوة بيتك مع زوجك حبيبك او وسط بنات زيك وبس...ويارب يكون كلامي ماضايقش اي حد فيكم....و انا اصلا مليش في الميك اب اوي( جمالي طبيعي ) ومبحبش اصرف كتير على انواع المكياج الغالية غير للضرورة.ولو هتشتري نوع مكياج مش معروف انصحك يكون له تاريخ صلاحية مش الحاجات اللي بريالين دي اللي بتعد معاك 10 سنين ادام....وطبعا انا لسه بشتري اصلي بجهز للجواز فلسة فيه حاجات ناقصاني زي البلاشر والبودرة و حاجات تانية هتلاحظو انها مش موجودة في الصور......طبعا بتقولو ايه الرغاية دي بس انا حبيت ادردش معاكم شوية قبل ما نبدأ رحلتنا.......يلا يا حلوين عالمكيااااااااااااااااااااج...

دي علبة ميتال اشترتها للميك اب

هنا وهي مفتوحة........حلوة وبتشيل كتير وفيه علبة صغيرة قماش مصورتهاش

الgloss

1......j.casanova glamour gloss حلو جدا كان عندي منه واحد وخلص وده اشتريته ولسه مقفول فعشان كده مش واضح لونه

2...........max factor silk gloss...على لون روز غامق وفيه لمعات بسيطة

3........max factor...colour&gloss....ناحية لون روج وناحية تانية غلوس...

4......لونين روج من ماركة اسمها مكياجي..

ده غلوس من شركة افون معروفة في مصر

وده كريم الاساس وماسكارا سودة من ماكس فاكتور

ودول الشادو علبة javico وهي ماركة معروفة وسعرها حلو كمان

ودي علبة شادو كريمي...دي كانت حاجة و40 لون ب 50 ريال

ودول اقلام الكحل اللي جبتهم اتنين اخضر وازرق من j.casanova....وواحد الاسود اللي في النص ماركة cybele....ماركة الماني وجميل جدا مع انه ارخص من الاتنين التانيين بس احسن منهم بمراحل

وده لمعة دهبي سايلة للعين

وده شادو ابيض لتبطين العين من بينكي زون دي ماركة متوسطة في مصر

و نيجي لعلبة فرش المكياج.....ودي بحبها جدا....انا لسه مستعملتهاش بس هقلك نصيحة تعرفي بيها فرش المكياج كويسة و لا لا....اذا شدتيها ولقتيها بتطلع كم شعرة معاك تبئى عمرها قصير....ولما تكون شعراتها كلها في نفس الاتجاه ومش منفوشة تكون كويسه

ودي لما اتفتحت خالص...تقدري تعرفي فايدة كل فرشاة من مواضيع كتير موجودة عالنت اعملي بحث وهتطلعلك كل استخداماتها

ودي...بودرة مائية...وسفنجتها

وده حاجة مبستغناش عنها لضوافري......قلم الضوافر اللي بيبيض تحت الضفر وميزته انه عادي تتوضي بيه وتصلي بيه زي الحنه لانه بيروح بالمياه

وبكده يبئى خلصنا المكياج.....ننتقل للعطورات والبرفانات والروايح الحلوة

دي صورة جمــــــــــاعية ...وبعد مصورتها نسيت كم واحد شفتو الذكاء

ده برفان Cindy C. The Diamond Perfume

معروف...ريحته ناعمة و جميل

وده برفان رااااااااااااااااائع وبحبه جدا فانتازيا من فندي....جبته من faces اللي في سيتي ستارز

وده برفان burberry....معروف طبعا

اما العسول ده برفان azzaro now ....من azzaro شركة معروفة طبعا بس بجد ده ريحته خيااااااااااااال.....
جبته من faces اللي في سيتي ستارز

وده fmj life.....ده ريحته روعة وسعره كمان روعة وكمان ثباته روعة

اما المسكين ده التقليد في وسط كل دول فهو تقليد لنينا ريتشي...بس ثباته حلو جدا ونازل باسم بيور ريد

وده انفي مي من جوتشي... بس صورته من عالنت لان صاحبتي خدت الزجاجة سلف...

ودي علبة برفان فيها شاور جل و بودي لوشن بنفس ريحته وريحته جميله بس هو مش معروف اوي...بس العلبة عجبتني وكانت ب 120 ريال بس

وده زجاجة بريحة المسك...مامتي كانت جايباهالي بس مش عارفة منين بس ريحته وثباته تحــــــــــــــــــــــفة

وده برفان عملاه تركيب...بنات مصر فاهمني طبعا وعارفين التركيب

وده معطر جسم من بودي فانتازي طبعا معروف...ده جبته من faces اللي في سيتي ستارز

وكان بودي لو المنتدى فيه خاصية تشممكم الروايح الحلوة دي بس معلش بئى تيجوا لي زيارة و ونعد نشم عالطبيعة ههههههههه

>>>>>>>>>>ننتقل للكريمات والمنظفات والملمعات والمحسنات

طبعا يا اخواتي اول حاجة الشمس.....اياكم والشمس وبالذات في دي لازم تستخدمي اسلوب وقاية قوي جدا خصوصا لو بتخرجي كتير وقت الضهر لان كتر التعرض لاشعة الشمس بيجعد الوش وبيظهر النمش ومشاكل كتير......وعشان كده انا بستخدم واقي شمس طبي من بيو ديرما دي شركة ادوية جلدية معروفة جدا وبستخدم واقي حماية بنسبة 100 في المية لان سمعت دكتور بيقول ان واقي الشمس الايام دي ومع ازدياد درجة الحرارة على وجه الارض لازم يكون حماية مية في المية من الشمس..والميزة في بيوديرما انه مش مدهنن و greasy..زي المنتجات التانية ناعم والبشرة بتمتصه بسرعة ومبيعملش لمعة في الوش زي الباقيين.وجبته من العزبي...



وبعدين عندي كريم اولاي توتال افيكتس للتجاعيد للنهار والليل مع ان لسه بشبابي بس ميضرش...الابيض للنهار والاسود لليل ...




وده كريم دوف بودي سيلك




وده غسول من اولاي لتفتيح البشرة



وده neutrogena visibly clear ....اتنين في واحد جميل جدا جدا...يستخدم غسول يومي من المكياج والاتربة.....وكمان زي ماسك اسبوعي لتنظيف وترطيب البشرة...وفعلا حلو جدا...كنت بستخدم قبله كلين اند كلير بس ده عجبني اكتر







طبعا ده حبيب الكل من غير متكلم عنه ففازلين خيره سابق



دي مجموعة كريمات وسبراي صغير للجسم كريم بريحة الخوخ واحد بالفراولة والمعطر كمان بالفراولة.....جبتهم من جنينة مول ...وريحتهم تحفة بس مستعملتهمش قبل كده وشلتهم للزوااااااااااج...ربنا يحيينا ونستخدمه




ده سكرب للجسم بالخيار والصبار بس ورقته طارت...بس حلو جدا




وده املاح سبا بالحليب من سلفر مون....اعتقد كتير عارفه



ده تونر منظف للوش من افون بخلاصة الشاي الاخضر...حلو جدا وفعلا بينضف

دي بئى علبة جميلة فيها كل حاجة والريـــــــــــــــــــــــحة مقلكمش ريحة الكريمات والشاور جل وكله ثابتة وروعة و سعرها حلو كمان







وده مرطب للشفايف من fruttini....وهي ماركة معروفة في البودي لوشن وحاجاتهم كلها روعة والمرطب ده جميل جدا...



دي مجموعة فروتيني كاملة وناوية اجيبها كلها ان شاء الله قريب ...وفيه موقع عالنت للي تحب تشوف الانواع التانية fruttini.com

متفرقاااااااااااااااات حبيت اوريهالكم

مزيل رائحة العرق من دوف...حلو جدا

ودي علبة للعناية بالاظافير...للاهتمام البسيط في البيت

ودي حاجة مبتتطلعش من شنطة ايدي...صابون صغير للاستعمال في المطاعم والخروجات لازم يكون جوة شنطتك...والعلبة دي ظريفة الصابون فيها شرايح رقيقه كل ورقة لغسلة وحدة ....

ده طقم مبارد للاظافر وكمان المبرد اللي بيدي لمعة للاظافر...وشوية فرش للشادو

وده طبعا للعناية بالقدمين

و أمـــــــــــــــــــانه تدعو لي ربنا يوفقني...ويسعدني...ويجمعني في عش الزوجية قريبا..مع خطيبي وحبيبي.......و دمــــــــــــــتم بود...

ماشاء الله عليك اختي تتهني فيهم ان شاء الله وذوقك حلو كثييييييييييييييييييييير

يسلموا على المجهود الرائع ..

وااااااااااو ماشاء الله

يارب تتهنى بيهم فى بيت الزوجية إن شاء الله

سؤالى عن الصابون للغسلة الواحدة ، إسمه إيه ومنين وبكام

شكرا للموضوع الحلو

كتبت بواسطة جــوري1

ماشاء الله عليك اختي تتهني فيهم ان شاء الله وذوقك حلو كثييييييييييييييييييييير

يسلموا على المجهود الرائع ..

الله يسلمك يارب.......وانتي اللي ذوق يا قمر

كتبت بواسطة عروستهم

وااااااااااو ماشاء الله

فعلا دي الكلمة اللي نسيت اكتبها في موضوعي.........ما شاء الله لا قوة الا بالله.......وتسلمي عالمرور يا قمر

كتبت بواسطة ymk200380

يارب تتهنى بيهم فى بيت الزوجية إن شاء الله

سؤالى عن الصابون للغسلة الواحدة ، إسمه إيه ومنين وبكام

شكرا للموضوع الحلو

شكرا اختي عالدعوة الحلوة....بالنسبة للصابون اسمه bath dragon soap paper...هو مش سينييه يعني بس انا بجيبه من السعودية بريالين والعلبة فيها 15 ورقة.......يابلاش وريحته حلوة جدا....واعتقد ممكن تلاقيه في مصر في اخر العنقود وحتة سكرة والحاجات دي

ماشاء الله روووووووعه الله يهنيك فيهم ومبرووووووووووووووك مقدما

يارب تتهني بيهم وتبقي حياتك دايما سعاده وفرح
وحبيبتي كلهم حلوين احسنتي الاختياااااااااااار