انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 8 12345 ... الأخيرالأخير
عرض النتائج 1 الى 10 من 80

الموضوع: ₪ متمـــيز₪ بيديكير و منيكير منزلي رائع بالشرح وصوري الخاصة + مفاجاة اخر الموضوع

  1. #1
    تاريخ التسجيل
    Jun 2005
    الموقع
    Gaza, Palestine
    الردود
    3,842
    الجنس
    امرأة
    التكريم
    (أوسمة)

    المواضيع المتميزة ₪ متمـــيز₪ بيديكير و منيكير منزلي رائع بالشرح وصوري الخاصة + مفاجاة اخر الموضوع





    السلام عليكم ورحمة الله و بركاته

    اليوم ياحلوين
    حقدم الكو موضوع عن نفسي بشوفو من اهم انتاجاتي الفنية
    لانو كتير حلو و اكيد كتير بنات نفسهم يتعلمو عمل البيديكير والمنيكير في البيت
    وانا حجبلكو طريقتي الي من كم سنة متبعاها ... يعني غيرت واضفت وعدلت وصارت هاي الصيغة النهائية تقريبا ... يمكن اعدل في المستقبل ماحد بعرف

    بس صدقوني النتيجة روعة واكتر من روعة خاصة البيديكير ونتيجة زي الصالونات اكتر من وحدة تشوفني تسالني وين عاملاهم واقلهم عن ابداعاتي المنزلية

    الموضوع مدعم بالصور ... في كتير اشياء منها الاساسي ومنها التكميلي
    الاساسي حيكون باللون الاحمر والتكميلي او الي يمكن الاستغناء عنه حيكون باللون الازرق اتفقنا ياجميلات
    نبدا بسم الله ...
    بس لاتنسو تقولو ماشاءالله لاقوة إلا بالله تبارك الله
    هي صورة الاشياء الي محتاجينها


    نشرح عن قرب



    هادا الاخ طشت وطبعا ضروري واساسي والمهم يكون لونه اخضر لانو له تاثير مباشر عالنتيجة
    .
    .
    .
    هههههههههه بمزح طبعا اكيد قلتو عني انجنيت بتسدقو اني مرة بشرح لصديقتي عالمسنجر وبقلها جيبي طشت بعدين بقلها لازم يكون اخضر وهية صدقت حكت ليش طيب ماعندي غير ازرق بنفع ولا ضروري اخضر وكانت تحكي بجد ههههههههه

    المهم

    وصورة تقريبية للمستلزمات الاخرى


    الشرح من اليمين لليسار

    صابون سائل جونسون أو شور جل من الي عندك أو سائل خاص للارجل انا ماعندي ... حسب المتوفر عندك

    فوق فرشاية لتنظيف الاظافر والاصابع ان لم توجد ممكن فرشاية اسنان قديمة خليها لهاي الشغلة مخصوص




    تحت الفرشاة قصافة بالحجم الي بريحك

    بعدين مبرد للاظافر خشب هادا الاحمر





    مبرد لتنعيم وتلميع الاظافر يتكون من جهتان جهة بتفركي فيها الاظفر بقوة بتشيل الخلايا الميتة والناحية التانية بتفركي الاظفر بعد الخطوة السابقة وبلمع الاظفر بشكل كبير جدا ومابحط اي مادة او شي يمنع الوضوء انما يعتمد على اظهار طبقة من الخلايا الجديدة في الاظفر عن طريق البرد الناعم جدا جدا جدا


    مبرد حديد ... بطلت استخدمه عشان بحسو بكسر الاظفر بس هاي الصورة الها عندي من فترة بس انت والي بريحك النوع الي بتحبيه


    مقشر ارجل من هيمالايا ان لم يتوفر اي مقشر للجسم ان لم يتوفر مقشر منزل ( زيت زيتون او لوز حلو وضعف الكمية سكر او ملح و شوية عصير ليمون )

    سبراي لانعاش الاقدام من بودي شوب




    كريم عناية بالارجل ... حاليا استخدم الفازلين هادا خلص من عندي كلهم نتيجتهم حلوة المهم كريم مرطب ولو مافي للارجل اي كريم عادي بس يكون تقيل ومركز


    الصف السفلي من الصورة

    حجر الارجل


    وبعدين المرتبان الاخضر و الي بعديه خاصة بالمنيكير للايدي ساشرحها بالتفصيل كمان شوي وبالاخر في كريم نيفيا خاص للايدي



    الشرح للصورة من اليمين للشمال

    سبراي بودي شوب عن قرب معلش كررت الصورة

    تحتيه فازلين جونسون


    وبالنص زيت جونسون للاطفال

    وبجانبه كريم جونسون للعناية بالايدي خاص بالايدي يعني

    ايضا تحتاجو عود البرتقال لازالة الجلد الميت ولكن ماعرفت اصوره بيطلع مش واضح جبت صورته من النت



    شبه هادا وفي منه خشب وفي بلاستيك انا عندي بلاستيك
    الي بيكون الو طرف زي زاوية المثلث وطرف اخر فيه زي قطعة مطاط وهوة يستخدم لازالة الجلد الميت ودفعه من حوالين الاظفر




    هاي الة خاصة بالاظافر سواء للارجل او الايدي حلوة كتير من بيبي ليس

    صورة العلبة من الداخل





    هاي شريتها قبل سنتين وكان سعرها مابين 35-40 دولار حلوة و مميزة فيها عدة رؤوس لبرد الاظافر وازالة الجلد الميت الي حواليها ويوجد مايشبه عود البرتقال لازالة الجلد الميت ايضا و في الدوائر هاي لبرد الاظافر و تلميعها لكن مابستعملها كتير لانو سريعة كتير ولسة ماتعودت عليها بس اكتر استعمالي لازالة الجلد الميت
    بس هية حلوة وبنصحكم فيها بتساعد في تنظيف الاظافر ورسمها

    وفيها راس لازالة الجلد الميد من الارجل ... طبعا هاي العدة مش اساسية ويعني وجودها حلو ولكن لو مش موجودة اوكي


    والان للعدة السحرية للايدي


    هاي مجموعة عناية بالايدي روووووعة هلأ بشرحها الكو

    وهي صورتها بدون الكرتون



    اما هلأ نيجي لشرحها هادا ياحلوااااااات من ماركة اسمها GENA

    وهية للعناية بالايدي ماركة امريكية و كتير كتير كتير كتير........................ روعة بتحسي بالفرق من اول استعمال ...
    من اليمين لليسار شرح الصورة للمنتجات واما الاستعمال طريقته بعد شوي


    اليمين سيروم للايدي


    بعدين ماسك للايدي مرطب ومكافح للتجاعيد


    المرتبان الزجاجي هادا مقشر للايدي

    وهادا الي متمدد قدامهم كريم خاص بالاظافر والجلد الي حواليهم
    مفروض في كريم مكمل بس دخت وانا بدور عليه مالاقيته فبستعمل كريم نوع تاني

    المهم يابنات هاي المجموعة روعة بتعب من كتر مبقول روعة فيها DNA وبتحارب تجاعيد الايدي ومظاهر

    البهتان والتشققات والنشفان ... بتجدد مظهرها تحتوي على خلاصة الكافيار و كتير من المواد الطبيعية المغذية من

    نباتات واعشاب وفيتامينات ومواد طبيعيةمثل زيت بذور العنب و المنثول و بروتينات طبيعية و مواد طبية مثل

    البانثينول... لو بدي اشرح عن كل منتج ومحتوياته مابخلص الموضوع بس هاي نبذة عامة و شرح بسيط عن

    محتوياتها المركزة بحيث ترطب ، تغذي ، تجدد الخلايا و تمنع التجاعيد وتفتح بشرة الايدي
    حاولو لاقوها عنجد روعة مش غالية اغلا منتج سعره يادوب 10$
    تستاهل انو تبحثو عليها


    هلأ خلصنا المكونات الضرورية واللازمة نيجي للخطوات :::
    أولا ::: البيديكير ::: يفضل القيام به قبل النوم علشان مايكون في وضوء او مشي في البيت او شي يخلي الكريمات تروح او جري وركض وراء الاطفال وطبخ ههههههه خلي الكل نايم وقومي براحتك اعمليه ::::

    1- نقص اظافر الارجل قبل كل شيء لانو وهية مبتلة او منقوعة بالماء او بعد الحمام بتكون كتير طريقة بتتقشر بسهولة وانت بتقصي ممكن تقصي زيادة وتجرحي حالك وتضعفي اظافرك
    وقصي اظافرك بحذر وشكل صحيح ومتساوي والا طلع الاظفر داخل في الجلد وبيصير بيوجع وصعب انك تقصيه احيانا تحصل معي لو قصيت بدون تركيز او بسرعة انتبهو مقرف بصير جداااااا


    2- تبردي الاظافر لنفس السبب السابق

    3- في الطشت الاخضر اياه هههه تحطي الصابون السائل و ملللح هلأ مفروض ملح خاص للحمام انا ماعندي فبحط ملح الطعام والمية طبعا سخنة قدر استطاعتك ... انا جربت الموضوع بدون ملح و بملح وفرق شاسع بالملح بس تيجي تفركي بالحجر الخلايا الميتة بتزول بسهولة اكبر من لما تكون المية بس فيها صابون


    4- انقعي رجليكي ربع ساعة

    5- فرشي اظافرك وبين اصابعك بالفرشاية الي سبق و ذكرتها في الصورة فرشي جيدا عشان تنظفي الاظافر ومابينها وتحتها


    6-بتجيبي الحجر وبتفركي الكعب و القدم كلها و الجوانب والاصبع الكبير والمنطقة الي تحتها هاي اكتر منقطة فيها خلايا ميتة


    7-استمري بالفرك بالتبادل كل متحسي القدم نشفت رجعيها المرة و افركي التانية وبس تنشف ارجعي للاولى بتكون طريت وهكذا لغاية متلاقي رجلك مافيها اي شيء قاسي او قشور


    8- بعدين بتنظفي حوالين الاظافر لو فيه جلد ميت ادفعيه بعود البرتقال ممكن قبل تطري حوالين الاظفر بزيت خاص للجلد الميت انا ماعندي واحيانا احط زيت جونسون واحيانا اكتفى بطراوتها بسبب الماء هادا غالبا او قصي بحذر شديد جدا بالقصافة حتى لا تجرحي نفسك و انا اضافة لهيك بستعمل الالة في تنظيف الجلد الي حوالين الاظفر وعلى فكرة لا يحبذ كثيرا ازالة الجلد الميت الي حواليت الاظافر لامكانية حدوث جروح والتهابات يعني لو مش ضامنة ايدك وانك تعملي بحذر بلا منها انا عن نفسي مابقدر مااشيل لانو بضلو يتقشرو وهيك ... لو في طريقة لازالتها بدون قص ياريت حد يقلنا لانو بيقولو كل م شلتيها بترجع اكتر طيب وان ماشلتها كيف حتروح ولا يضل شكلها هيك ... مو حلو ابدا


    9- انتهينا من الاظافر الان تقشري قدمك بشكل جيد وبقوة بس مش تجرحي حالك لا يعني بس بذمة وضمير بالمقشرة من برة و جوة

    10- رجعي رجليكي للمية و فرشي مرة تانية بين الاصابع والاظافر للتخلص من بقايا المقشر او خلايا ميتة وهيك


    11- اشطفي رجلك بماء نظيف وجففيها


    12-- استعملي المبرد الي قلت عليه الي بيلمع الاظفر لو وجد عندك

    13- والان استخدمي زيت جونسون واعملي فيه مساج لرجلك هاي الخطوة شفتها من احد الاخوات في منتدى اخر وجب ذكر ذلك للامانة ... لو مالاقيتي زيت جونسون جربي بزيت الزيتون او اللوز اعملي مساج لرجليكي حتى تحسي الزيت بدا بالاختفاء داخل الارجل


    14- مفروض تمسحي الزيت بس انا بخليه لانو زيت جونسون كتير حلو وبطري و بحفظ الرطوبة والرجلين بعد الحمام هادا بتكون رطبة جدا فحلو الزيت يحفظ الرطوبة

    15- الان رشي سبراي الانتعاش و ازالة الارهاق من بودي شوب وايضا هالخطوة شفتها عند احد الاخوات و قلت اذكر واشكرها

    16- الان بتحطي كريم الاقدام و بتركزي عالكعب او بتحطي كريم الاقدام والكعب عليه فازلين فوق الكريم اضافي يعني أو بتحطي فازلين على كل القدم وبتركزي برضو عالكعب وحاليا انا كريم الاقدام مخلص من عندي فبحط الفازلين والنتيجة كتير حلوة

    17- اصبري القدم تمتص الزيوت و الكريم والفازلين و ازا مش قادرة تستني زي حالاتي رشي بودرة خفيف عالمناطق الدهنية بنشف المنطقة من برة ولكن الكريم بكون بعد طبقة البودرة

    18- البسي جرابين بيتي سميك او صوف او قطن حسب الجو

    19- نامي بهناء وهدوء وسعادة ...

    20- تاني يوم العصر البسي و تشيكي والبسي صندل حلو و افتخري برجليكي الجميلة ونعيما ياقمر


    ((( يمكن شفتو الخطوات طويلة بس عموما في كتير اجزاء تكميلية والاساسي يكمن باختصار قص الاظافر وبردها ثم النقع ثم الفرشاة ثم الفرك بالحجر ثم الشطف والكريم ))) اما الي انا كتبته كامل مكمل للي بدها تعمل كل شي بذمة وضمير
    وانا لونت المهم والمش مهم واكيد فهمتو كيف تقومو بالخطوات حسب الموجود



    ثانيا ::: المينيكير ::: كمان لازم الكل يكون نايم وتكون هاي اخر خطوة في يومك وتكوني مخلصة كل امورك من صلاة واعمال و تنظيف اسنانك وكل ماله علاقة بالماء عشان تخلصي و تنامي ويكون ايديكي نظيفة وتاخد وقتها في الراحة و الاستفادة من ال عملية

    1- قصي اظافرك و ابرديها

    2- في طشت صغير حطي مية دافية وبلاش سخنة كتير يعني دافية مايلة للسخونة عشان بشرة الايد مابتتحمل
    سخونة شديدة و حطي صابون وانقعي ايديكي ربع ساعة

    3- فرشي الاظافر والي حواليها بفرشاية شبه الي فوق بس بتكون اصغر وازا ماعندك غير وحدة عقميها بديتول و استعمليها للايدي مرة اخرى بس الافضل وحدة خاصة بعدييييييييين ازيلي الجلد الميت حوالين الاظفر ...

    4- قشري يديك بالمقشر الخاص ...

    5- اشطفي يداك من المقشر بعد تركه كم دقيقة على يداك

    6- ابردي اظافر يدك بالمبرد الخاص بالتلميع الي ذكرته من قبل

    7- ضعي على يداك السيروم الخاص

    8- ضعي ماسك الايدي الخاص

    9- ازيلي الماسك بعد جفافه

    10- ضعي كريم الاظافر الخاص وبعدما تتشربه الاظافر ضعي كريم عناية خاص بالايدي في الصورة الاولى في كريم من نيفيا استعملته فترة وخلص والان بستعمل كريم من جونسون وممكن اي كريم مرطب عادي


    11- نامي قريرة العين و هانئة البال

    12- تاني يوم العصر البسي اكسسوار جميل وافتخري بجمال ونعومة يداك ...
    طبعا اكيد حتقولو انا ماعندي سيروم وماعندي المجموعة هي

    فانا حقلكو ::: استبدلي المقشر بمقشر من صنع يداك وذكرته قبل قليل
    و الماسك اعملي ماسك بنفسك المنتدى مليان ماسكات ايدي واظافر
    وكريم الاظافر والسيروم مالهمش بديل بس مش مشكلة بعد متقشري وتحطي الماسك نشفي ايديكي وحطي الكريم المرطب وخلص والنتيجة حلوة كتير كمان ماتقلقي ابدااااااا


    خطوات يمكن طويلة ولكن بتاخد ساعة بالكتير و ممكن تعملي مرة او اتنين في الشهر مع مراعاة العناية الدائمة

    بالايدي بالترطيب الدائم و عدم تركهما مبلولتان وتجف لوحدهما لا نشفيها بالفوطة اول متكون مبلولة لانو تركها

    تنشف بالهواء يدمررها ويخليها ناشفة جدا

    وكل يوم وانت بتطبخي او بتعملي سلطة افركي اظافرك وايديكي بالليمونة الي بقيت من الطبخ وخمس دقايق

    واشطفيها ورطبي بزيت زيتون و بالليل رطبي ايديكي قبل النوم بمرطب جيد


    ورجليكي كل يوم قبل النوم فرشيهم بالصابون وحطي الكريم المناسب الي متوفر عندك و البسي جرابين


    وحاولي تخلي الهم فوطة مخصصة في الحمام عشان بعد الوضوء او الاستحمام تنشفيهم عشان ماينشفو هما كمان


    ولو اتبعتي العناية الدائمة مرة بعد مرة وقت العملية هاي حيقصر ويقل لانو ماحيكون رجلك مبهدلة كتير وحتكون

    اظافرك جيدة وماتنسي دايما تزبطي شكل اظافرك وتبرديهم كل محسيتيهم محتاجين وكمان قصيهم باستمرار

    ماتخليهم يطولو كتير علشان هيك السنة في ديننا الحنيف وعلشان بتتكسر بسهولة ولانو حتى الموضة في الفترة

    الاخيرة الاظافر المتوسطة الطول او القصيرة اما الطويلة جدا بطلت موضتها من فترة وجيزة و مافي احلا من الاظافر

    تكون نظيفة و لامعة و صحية مع طلاء بسيط وخفيف اللون او فرنش او الي بتحبيه بطلعو حلوين بس طبعا وقت مايكون عليكي صلاة
    واوصيكم ونفسي بالاقلاع عن عادة اللعب بالاظافر والجلد الي حواليها للاسف احيانا وانا متعقدة نفسيا من ولادي ههههههههه اعمل هيك واجرح نفسي بدون مااحس او وانا قلقانة وبالاخر الاقي منظر اظافري مخزي ومجرح ولاكانو عندي عقد نفسية هههه فانا بصدد الاقلاع التام عن العادة هاي لانو بتخرب كل شي وكل التعب الي فات



    صحييييييح نسيت اقلكو المفاجاة
    هادا يا حلوين
    قبل فترة جربت منتج رااااااااائع من شانيل وهو عبارة عن علاج مركز لازالة اثار الحبوب بفترة قياسية بكل معنى

    الكلمة انا بشرتي من النوع ماتطلع حبوب كتير بس لما تطلع الحبة تاخد مؤبد مع اني مابمسكها ولا بلعب فيها بس تترك اثر مابعرف ليش ويطول ليروح


    جربت هالمنتج اكثر من رائع عبارة عن انبوبة رول يعني فيها من فوق كورة زي مزيلات العرق بس صغيرة طبعا

    وتحطيه على الحبة الي خلصت ونشفت يعني عالاثر مش عالحبة وهية لسة فريش لا انتبهي


    المهم بتحطي وبس ينشف بتحطي فوقيه كريمك الخاص او بدون كريم بس المهم انو لو حتستعملي كريم عناية هادا حيكون تحت الكريم
    وبس كم يوم وشوفي الاعجاز تقلص الاثر بسرعة كبيرة جدا جدا جدااااااا لغاية مبالاخر صار نقطة صغيرة لاترى

    بالعين المجرد انا بنصحكو فيه هوة غالي شوي على حجمه سعره مابين 40-50$ لكن بيضل معك فترة لانو مش

    كل يوم طالعلك حبة ولانو بتحطي مسحة خفيفة جدا صدقوني رائع ويستحق التجربة وعلى ضمانتي بإذن الله تعالى


    هي صورته من تصويري الشخصي للاسف خلص من عندي ان شاءالله اجيب غيره قريب



    للاسف غير واضحة والمشكلة رميت العلبة وحاولت اجيب الصورة من النت مالاقيتها حتى في موقعهم

    بس اسم المنتج يندرج تحت مجموعة precision
    باقي الاسم للاسف مش عندي و مالاقيته في النت بس صارت مبينة عندكو يعني لو حابين تشتروه روحو المحل واوصفو شكلو هيو عندكو و اسم مجموعته وغرضه حيعرفوه على طول والي عرفت المنتج وتقدر تجيب صورته في رد لها بكون جزاها الله الف خير
    سامحوني

    وبنهاية الموضوع اتمنى يكون عجبكو وتطبقووه وتخبروني بالنتايج وتدعولي انا واولادي وزوجي بظهر الغيب بكل الخير و الرزق والهداية والصلاح



    نقطة يابنات انا صرت احط توقيعي في صور مواضيعي علشان ماتنتقل لاني كنت الاقي كتير منقولة بدون ذكر

    المصدر وتنسبها لنفسها كمان ... لما كتبت التوقيع فكرت انحلت المشكلة بس انصدمت برضو الموضوع ينتقل بس

    من غير الصور والمشكلة بتكتب باخر الموضوع انا تعبت وانا بجمع المعلومات انتظر الردود الحلوة


    ولما يردو عليها بتقول كلو في سبيل سعادتكو راحة شوفو الوقاحة صراحة شي بقهر يعني مافي ضمير؟


    وصراحة في منتدى خصوصي دايما بشوف فيه مواضيع المنتديات الاخرى منقولة ومنسوبة لللناقلة بشكل مستفز

    حتى المشرفات فيه بيعملو نفس الحركة نفسي اقول اسمو بس مش قادرة عشان حتخالف بس انا عندي اشتراك

    فيه ولو لاقيت موضوع اخر منقول من مواضيعي لغير اعمل بهدلة لاني انتقل كتير مواضيع بنفس الطريقة وسكتت

    خدي بالك يختي انتي وهية من البهدلة و الاحراج هههههههههههه

    تحياتي وماتنسو تقولو ماشاءالله لاقوة إلا بالله تبارك الله ...

  2. #2
    تاريخ التسجيل
    Dec 2008
    الموقع
    في دنيا لا تسوى جناح بعوضة
    الردود
    4,618
    الجنس
    امرأة
    التكريم
    ماشاءالله لاقوة إلا بالله تبارك الله
    موضوعك جدا راائع سوسو ومشكورة اولا على التعديل ههههههههه

    طريقتك عجبتني كتير و استفدت منها جدا
    ان شاء الله اجرب خطواتك بالتفصيل للارجل والايدي
    و المواد المستخدمه كلها ممتازة ولا تعليق على اي منها
    ما شاء الله عنك خبرة و دقيقه في الاختيار
    خاصه الطشت الاخضر.....ههههههههه لون مميز وجميل
    اما الهديه الاخيرة فهي جدا مفيده وما يحتاجه الكثير من السيدات
    الصراحه انا ما كنت اعرف هالمنتج وواضح انه مفيد
    جزاك الله كل خير و في انتظار المزيد من ابداعاتك وما تتاخري علينا بمواضيع اخرى
    إذا ضاقت بك الدنيا فلا تقل:
    يارب عندي هم كبير..
    ولكن قل:
    ياهم لي رب كبيــــــر




  3. #3
    تاريخ التسجيل
    Mar 2008
    الموقع
    في البحث عن نفسي
    الردود
    1,594
    الجنس
    امرأة
    ماشاءالله موضوع متميز بارك الله فيك

  4. #4
    تاريخ التسجيل
    Dec 2006
    الموقع
    غريبه من بعدك يابغداد
    الردود
    1,613
    الجنس
    امرأة
    موضوع رائع سلمت يداك

  5. #5
    اسورة's صورة
    اسورة غير متواجد كبار الشخصيات-متألقة صيف 1432هـ - لمسة جمال
    "متميزة صيف 1429هـ "
    تاريخ التسجيل
    Jun 2007
    الموقع
    ღ العــــــ بغــداد ـــــراق ღ
    الردود
    21,835
    الجنس
    أنثى
    موضوع رائع

    ومعلومات قيمة

    سلمت يداكِ حبيبتي..








  6. #6
    تاريخ التسجيل
    Jul 2006
    الموقع
    أنا الدمشقي لو شرحتم جسدي .. لسال منه عناقيد و تفاح
    الردود
    6,637
    الجنس
    أنثى
    التكريم
    • (القاب)
      • ملكة شتاؤنا ألوان لعام 1433 هـ
      • أميرة الرشاقة 2013م
    (أوسمة)
    الله يعطيك العافية سوستي عالموضوع فعلاً متعوب عليه

    بسم الله ما شاء الله

    خدي بالك يختي انتي وهية من البهدلة و الاحراج هههههههههههه
    ههههههههههههههههههههه

  7. #7
    تاريخ التسجيل
    May 2009
    الموقع
    تحت ضل الزيزفون
    الردود
    123
    الجنس
    أنثى
    يسلموووو
    وبصراحه انا اسويه بالمشغل احسن واريح


    تسلم يدينك وان شاء الله الصبايا يستفيدون من الموضوع

    بالتوفيق

  8. #8
    تاريخ التسجيل
    Jul 2009
    الردود
    277
    الجنس
    امرأة
    ما شاء الله لا قوة إلا بالله
    مجهود تشكرين عليه لا حرمت الأجر
    بس عندي إستفسار
    فين ألاقي طشت أخضر ههههههههه
    ولازم يكون مربع هههههههه
    وحدة ما عندها وقت إن شاء الله بكرة حأجرب
    وأدعي لك
    تسلمي

  9. #9
    تاريخ التسجيل
    Sep 2008
    الموقع
    مع احلي اولاد واطيب زوج بالعالم
    الردود
    17,251
    الجنس
    امرأة
    التدوينات
    3
    التكريم
    • (القاب)
      • مجموعة العطاء في أركان الجمال
      • مُبدعة صيف 1430هـ
      • النجم الذهبي
      • شعلة العطاء
    مـــــوضوع رائع ومميز

    يعطيكي العافية عليه

    ومنتجات جميلة ومهمة للمرأة
    عدت الحمد لله ومشتاااااااااااااااااااااقة لكل الحبايب

  10. #10
    تاريخ التسجيل
    Sep 2009
    الموقع
    بلدي
    الردود
    544
    الجنس
    أنثى
    يسلموا وبارك الله فيك.

مواضيع مشابهه

  1. صيفنا إبداع: ₪₪₪₪ ₪₪₪₪ أجمل بوفتيك بانيـــه بســر خلطة .... فرح الإسلام ₪₪₪₪ ₪₪₪₪
    بواسطة فرح الإسلام في الأطباق الرئيسة
    الردود: 33
    اخر موضوع: 05-12-2013, 12:30 AM
  2. ₪₪₪₪ خبز كيزر (فينو) رائع كأنه جاهز من الفرن ₪₪ لكن من فرن فرح الإسلام ₪₪
    بواسطة فرح الإسلام في المعجنات والسندويشات والفطائر والخبز
    الردود: 41
    اخر موضوع: 25-04-2012, 08:20 PM
  3. ₪ متمـــيز₪ بيديكير و منيكير منزلي رائع بالشرح وصوري الخاصة + مفاجاة اخر الموضوع
    بواسطة سوسو1983 في العناية بالجسم والبشرة والمكياج والعطورات
    الردود: 79
    اخر موضوع: 12-01-2011, 11:27 AM
  4. °₪°₪ موقع تحميل رائع يمنحك 500 ميجا!! // بالشرح المصور لكم ₪°₪°
    بواسطة هنـــد في ركن الكمبيوتر والإنترنت والتجارب
    الردود: 71
    اخر موضوع: 22-10-2005, 10:09 PM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ