لينا أهداف وطموحات كتير قوي .... أولهم :
تعليم بعض المهن والاشغال اليدوية للسيدات الغير قادرات ماديا ومساعدتهم علي بيع الناتج وتتكلف الحمله بكلفة المصروفات والدعايه لهم واشتراكات المعارض
بالاضافه لتعلم بعض المهن التجميله وتوفير فرص عمل للمتدربات والعديد من المفاجآت التي يتم التحضير لها التى سيتم الإعلان عنها
سيتم إطلاق الحمله التي تتبناها سيدة الاعمال والكاتبه الشابهرشا شلباية
في أوائل شهر نوفمبر المقبل علي هامش مشاركتها في المؤتمر العربي الأفريقي الدولي لسيدات الاعمال
باب الانضمام مفتوح للجميع وهنعلن خلال أيام عن كل من انضم للحمله ودعمها بشتى الطرق
"ملناش غير بعض "
ازاي تنضم للمبادرة وتساندها ؟
السؤال ده اتبعتلنا من ناس كتير حابه تعمل خير
اولا : محترفات المهن اليدويه بكافة اشكالها اللي حابين يشاركو معانا كمتطوعات يقدرو يعملو كورس او ورشة عمل مجانيه للسيدات الغير قادرات ماديا واحنا هنوفرلها المكان والخامات المطلوبه تتواصل معاناثانيا : اي صاحب عمل (شركه ، مصنع ،محل ، براند خاص ) حابب يقدم خصم علي منتجاته يبعتلنا تفاصيل قيمة الخصم والمده اللي هيكون ساري فيها واحنا هنعلن عن ده علي صفحة الحمله
وكمان في جناحنا في : " المعرض العربي الأفريقي الدولي "
المقام فالفترة من ٢ ل ٥ نوفمبر بداخل قاعه السرايا في فندق انتركونتننتال سيتي ستارز
وهينزل اسمه علي بنر وفلاير الحمله مجاناثالثا : كل اللي كلمنا بخصوص تقديم هدايا ومساعدات عينيه للمحتاجين من ملابس وخلافه يقدر يشرفنا بنفسه في جناح الحمله في المعرض في اليوم اللي يختاره من ٢ل٥ نوفمبر ويقدم الهدايا بنفسه لان إدارة الحمله لا تقبل اي تبرعات ماديه اطلاقااااااامش كل عمل خير هوه تبرع بفلوس
عشان كده هدف المبادره ان محدش يتبرع بفلوس احنا عاوزين كل واحد يشوف يقدر يفيد التاني بإيه ينفعه في حياته
يعني المحترف لمهنة ما و يقدر يعلم غيره حرفه او مهنه يعيش منها ويأمن بيها مستقبله لانها هتؤهله لوظيفه مناسبه تبعا لاحتياجات سوق العمل
ده هيكون ساعد بوقته وخبرته واحنا هنوفره المكان المناسب والأدوات والخامات اللي هيحتاجهاالدكتور اللي يقدر يرعي حالات مرضيه بشكل مجاني والصيدلي اللي يقدر يوفر الدوا للمريض دهدي مش احلام بس لو تكاتفنا وحققنا التكافل الاجتماعي اكيد ده هيفرق كتير الأوضاع صعبه عالكل بس يمكن لو ركزنا في مساعدة بعض ربنا يكرمنا بفرج من عنده ويرزقنا براحه نفسيه تخلينا نقدر نكمل واحنا لازم نعمل كده ملهاش حل تاني لأننا في الاول والآخرحابب تدي كورسات في مجال تعليم حرفه معينه بس معندكش مكان؟
احنا بنقولك تعالي انت والجروب بتاعك عندنا في مقرنا بالقاهره بعباس العقاد مدينة نصر مكان مناسب ومجهز علي مستوي عال ومش هناخد منك اي مقابل نهائي ......
يعني هنوفرلك المكان بالوقت الي تحتاجه مجاناااا بس بشرط ..
"انك تدي مجموعه من غير القادرين ماديا مجانا مع مجموعتك بنفس الكورس "
ويبقي انت اشتغلت وأديت الكورس بتاعك و استفدت بالفلوس اللي أخدتها من مجموعتك وبنفس الوقت عملت خير والمكان اتوفرلك بالمجان ...
أفكار عمل الخير كتير بس انت انوي وفكر وابعتلنا واحنا معاكايوه ملناش غير بعض ..تجيبها كده تجيبها كده هى كدهقدرنا بقي ولازم نتعايش معاه
مهما حصل بينا ومهما هيحصل لينا مينفعش شيء يفرقنا أو يهزمنا ابدا
هنقف جمب بعض ، هنساعد بعض ، هنهون علي بعض
بعيدا عن أي خلافات سياسيه لأن مينفعش تسيب وجهة نظر سياسيه تاخد من آدميتك لحد ما تحولك جلاد بلا قلب !!
خليك فاهم انك انسان اولا واخيرا وعليك مسؤلية تجاه اخوك الإنسان بأمر رباني
وأهم هدف لازم يبقي في حياتك انك تقدر تنجح في الحفاظ علي نقاء قلبك وسلامة نواياك وعلي إنسانيتك تحت أي ظروف.
رد مع الاستدلال
الروابط المفضلة