انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 2 12 الأخيرالأخير
عرض النتائج 1 الى 10 من 15

الموضوع: سلسله تنظيم وتنظيف البيت بالصور الحلقه الاولي (المطبخ)

  1. #1
    تاريخ التسجيل
    Aug 2016
    الردود
    15
    الجنس
    امرأة

    سلسله تنظيم وتنظيف البيت بالصور الحلقه الاولي (المطبخ)


    السلام عليكم ورحمه الله وبركاته
    ازيكوا يابنات عاملين ايه
    هادخل في الموضوع علطول
    الجروب ده هايشمل تنظيم وتنظيف اليت حته حته في سلسله حلقات وكله بالصور ان شاء الله وكل حلقه بتتكلم عن جزء ف البيت وهاتكون ف جزء لوحده
    اولا هاقول اساسيات الجروب


    القواعد

    (الجانب الديني)

    1- الصلاة في وقتها

    2- اذكار الصباح والمساء

    3-ورد يومي حتي لو صفحه


    (التنظيف اليومي)

    1-تهويه الشقه وتشغيل سورة البقرة

    2-ترويق الشقه وش من الكراكيب

    3-تلميع الشقه كلها

    4-كنس الشقه كلها بالمكنسه الكهرباء يوم اه ويوم لا مافيش اسهل من كده

    5-تلميع الحتت الي باينه من الارض يوم اه ويوم لا يعني يوم كنس ويوم مسح
    6-عمل الاكل

    7-غسل المواعين والبوتجاز والرخامه

    8-المعموقه

    (انتي ياجميل بقي عنياتك بنفسك)

    1-غسل الاسنان صباحاً ومساءا

    2-دعك الرجل يومياً بالحجر علي خفيف كده

    3-ترطيب الايد
    والرجل

    4-ماسكات لو محتاجه

    مش هااكتر علشان محدش يمل خلينا في الحاجات الاساسيه والي تزود تبقي ممتازه

    واهم حااااااااااجه الصحيان بدري يستحسن الفجر مااجمله وعلشان مش اضغط علي حد علشان كل واحده وليها ظروفها اخرنا نصحي 8 مش متاخر عن كده علشان نلحق نفطر براحتنا وندلع نفسنا كده


    يلا نبدا ان شاء الله ب
    الحلقه الاول
    المطبخ
    المطبخ مهما كان ضيق بشويه اكسسوارات وشويه اعاده ترتيب هايشيل كل حاجه باذن الله
    اولا علشان المطبخ يكون تنظيمه سهل لو انتي مطبخ كبير خلاص تمام ربنا يبارك لو صغير اوعي تزعلي اولا شيلي كل الحاجات الي مش بتستعمليها زي مثلا الحلل الكبيره اوي اوي او مثلا باقي الاطباق لو بزياده المهم تشيلي اي حاجه مضيقه مطبخك وتحطيها في البوفيه بتاع السفره من تحت عند الارفف المقفوله او تحطيها في الضرف العاليه اوي ودي مافيش مشاكل لو حطيتي حاجات فوق بعضها لان كده كده مش هاتستخدميها غير كل فين وفين
    انما الارفف الي بتستخدميها علطول عايزينها تكون مرتبه ومنظمه وتفتح النفس ونبدا ب اكبر درفه تكون للحلل بسسسس

    1-الحلل
    وهانرتبها جنب بعض
    او ممكن لو هاتستخدمي اكسسوارات جميله زي كده
    الإسم:  280427women.jpg
المشاهدات: 1417
الحجم:  16.5 كيلوبايتالإسم:  280429women.jpg
المشاهدات: 1469
الحجم:  16.8 كيلوبايتالإسم:  14181403389008.jpg
المشاهدات: 1552
الحجم:  16.2 كيلوبايتالإسم:  14181404193195.jpg
المشاهدات: 1743
الحجم:  391.8 كيلوبايتالإسم:  14181404918228.jpg
المشاهدات: 1607
الحجم:  395.3 كيلوبايت









    تابعونييييي



  2. #2
    تاريخ التسجيل
    Aug 2016
    الردود
    15
    الجنس
    امرأة
    2-الطاسات
    وتترتب بالشكل ده برضو اكسسوارات ف منها الغالي والرخيص كل واحد علي قد امكانياته

    او علقيها وانا عامله كده علشان مش تاخد مساحه وموفره تجيبي شماعه من محل 2.5 وتركبي خطافات فيها ودلوقتي لو نزلتوا هتلاقوا كل الحاجات دي موجوده ورخيصه

    المرفق 170428المرفق 170429المرفق 170430المرفق 170431المرفق 170432

    ولومافيش مكان يبقي علقوها كده






    ولو المكان ضيق اوي اعملوا كده







    3-الطواجن وصواني الخبز وصواني التقديم

    تتحط بالطول كده علشان مش تاخد مكان








    4-الزيت والسمنه
    لازم يكونوا جمب ايدك لو عندك درفه صغيره حطيهم فيه زي كده








  3. #3
    تاريخ التسجيل
    Aug 2016
    الردود
    15
    الجنس
    امرأة
    5-الكاسات والازاز كله
    يتحط ف ضرفه ازاز لو شكلهم حلو وممكن للامان الضيقه تستخدمي دوار زي كده جميل وان شاء الله اجيبه












    الفكره دي تحفه لاستغلال المساحه














    6-المطبقيه والمعالق والرفايع
    لازم نهتم بالمطبقيه وتتغسل كويس اوي اوي









    المعالق والرفايع








































    ولو مافيش المجات المخصوصه ممكن تجيبي البرطمانات الازاز الي عندك زتشيلي الاستيكر الي عليها وتغسليها كويس اوي من اللزق وتتحطي من علي المكان بتاع الغطا شريط ستان مربوط علي شكل فينوكا هايكون تحفه
    تابعونيي

  4. #4
    تاريخ التسجيل
    Aug 2016
    الردود
    15
    الجنس
    امرأة
    7-البلاستكات
    سهله اوى مفيش حاجه غير اننا هنطلع كل البلاستيكات ونمسح مكنها كويس ونسبها تتهوى كويس
    نيجى بقى للبلاستيكات
    هنحط الحاجات فوق بعضها والغطيان لوحدها فوق بعضها ده علشان لو مره كان فيها حتى لو نقطه ميه وغطيتيها هتديكى ريحه مش كويس انا مش هعرف اشرح اوى بس هوريكو الصور
    وفي برضو حاجات للتنظيم

















    8-الخزين
    وانا بصراحه نفسي كلكوا تجيبوا برطانات او علب تخزين بجد بتخلي الشكل فوق الروعه بس اهم حاجه البلاستيك يكون مكتوب عليه رقم 5 او ممكن تجيبوا ازاز وده ف منه رخيص
















    او بوكسات كده







    9-الفويل وما شابه
    ممكن كده وممكن درج يلمهم كلهم









    تابعونيييي

  5. #5
    تاريخ التسجيل
    Aug 2016
    الردود
    15
    الجنس
    امرأة
    10-المنظفات
    تحت الحوض بالشكل ده



    <a href="http://www.lakii.com/vb/uploader/freeupload.php"><img src="http://www.lakii.com/img/free/Aug16/M1GPDMzmEi5.jpg" border="0"></a>









    11- الاجهزه







    تابعونييييي

  6. #6
    تاريخ التسجيل
    Aug 2016
    الردود
    15
    الجنس
    امرأة

    الباقي

    12-التلاجه
    اول حاجه هنفضى التلاجه خاااالص ونشوف ايه الى هنعوزه وايه الى مش هنعوزه

    تانى حاجه هنشيل كل الارفف ونغسلها بالميه والصابون وبعدين

    تالت حاجه هنغسل التلاجه والفرزر والباب بتاع الاتنين كويس اوى اوى

    رابع حاجه هنشف الارفف ونرجعها مكنها ب ميه وقشر برتقال او قشر ليمون ونقطه خل علشان التعقييم ونسبهم لحد ما الميه تبقى ريحتها ليمون او برتقال ونحطها فى بخاخه ونرش ونمسح التلاجه كويس والارفف وبكده هتكون اتعقمت وبقى ريحتها كمان حلوه
    خامس حاجه لو فى مفرش عايزه تفرشيه هتفرشيه
    حاجه كمان بلااااش موضوع الحلل الى فى التلاجه ده مش حلو خااال
    ياريت يكون عندنا علب زجاج او بلاستك الى هيه دى لحفظ الطعام علشان لو اتبقى شويه اكل يتحطو فيه اتفقنا
    للخضار والفاكهه طبعا الادراج الى تحت دى مخصوصه واحد للخضار وواحد للفاكهه
    ولو مش كفت يبقى نحطها فى بوكس كده
    والفريزر نفس النظام
    وبكده بصو شكل التلاجه عامل ازاى

    الإسم:  14187120439626.jpg
المشاهدات: 1363
الحجم:  15.5 كيلوبايتالإسم:  14187122116270.jpg
المشاهدات: 1298
الحجم:  18.8 كيلوبايتالإسم:  14187122506811.jpg
المشاهدات: 1270
الحجم:  20.1 كيلوبايتالإسم:  14187128333304.jpg
المشاهدات: 1312
الحجم:  9.5 كيلوبايتالإسم:  14187128621513.jpg
المشاهدات: 1365
الحجم:  17.6 كيلوبايت

    13-الفرن الغاز

    كل الى هنعملو هندفى الفرن ونقفله ونحط شويه ملح على الاماكن الى فيها دهون واقفل الفرن بس الفرن طبعا مطفى المهم هنسيبو حبه هنلاقى الملح سحب الدهون هتفركى الملح وتمسحيه

    وبعدين هنجيب اى حاجه بتدخل الفرن ونحط ميه مغليه ونسبها فى الفرن تكمل غليان فيه ونقفل الفرن وهنلاقى كل الدهون والحجات المتعلقه دابت هنقفل الفرن وبعدين

    هنمسح الفرن بسرعه الاول بسلك من غير حاجه يدوب نقطه مسحوق وتكون من غير ميه علشان مش ينفع حاجه تقع فى الاخرام المهم وبعد مانشيل كل الحجات الى مش نضيفه همجيب قماشه مبلوله ومعصوره ونمسح الفرن كلو

    وكده هيبقى فله

    نيجى بقى للزجاج بتاع الفرن من بره ممكن نغسله الاول وبعدين نمسحه وفى الاخر نلمعه بالجلانس او اى حاجه بتاعت زجاج

    ممكن لو كان فى دهون جامده اوى نحط عليها ملح ليمون وخل وبكربوناتو وبعدين نغسلها بسلكه ناعمه





    14-الفرن الكهرباء
    هنشيل الفيشه طبعا

    هنجيب شويه خل وميه وسلكه ناعمه وشويه مسحوق
    ونحط الخل والميه وشويه مسحوق على الدهون

    وبعدين نسيبو حبه وبعدين نغسلو بالسلكه الناعمه ونغسل باقى الفرن ولو في حاجه صعبه يبقي رشه كربوناتو وخل وهايفور ونسيبه لحد ماالبقعه تبوش خالص
    نغسله كله بالميه والصابون و نمسحه بحته مبلوله ومعصوره لحد ما كل الصابون يتشال
    وبعدين هنمسحو بحاجه ناشفه
    ونيجى بقى على الزجاج من بره بالجلانس ونلمع اخر تلميعه

    وبكده هيكون فله ان شاء الله







  7. #7
    تاريخ التسجيل
    Aug 2016
    الردود
    15
    الجنس
    امرأة
    15-الميكروويف

    لو فى ميكرويف هنحط فيه كبايه ميه وشويه خل ونسيبو يشتغل هيسيح كل الدهون نشيل الفيشه
    ونمسحه بفوطه مبلوله كويس ونغسل الزجاجه الى بتبقى من جوه
    ونلمع الزجاج من بره بالجلانس

    16-التوابل
    نفضيها ف اكياس ونغسلها في غساله الاطباق وكل فتره نرشها بالبخاخه من بره طبعا والبخاخه ده عباره عن خل وكربوناته ومايه علشان تشيلي اثار اليد
    الإسم:  images.jpg
المشاهدات: 1190
الحجم:  9.3 كيلوبايتالإسم:  تنزيل (2).jpg
المشاهدات: 1224
الحجم:  12.4 كيلوبايتالإسم:  تنزيل.jpg
المشاهدات: 1177
الحجم:  9.0 كيلوبايت

    17- الاكياس
    وانا بفضل تطبيقها ووضعها في الدرج
    الإسم:  14139946062.jpg
المشاهدات: 1334
الحجم:  66.5 كيلوبايتالإسم:  14184682628569.jpg
المشاهدات: 1337
الحجم:  37.1 كيلوبايت

    18-الفوط
    انا بطبقها رول واحطها ف الدرج بتاع التربو ودي شويه افكار









    19-التربو
    انا حاطه في درج بطاطس
    ودرج بصل وراس توم واحده
    وباقي التوم ف البلكونه بس ف حته مداريه
    ودرج اكياس
    ودرج فوط التنضيف

    20-ركن المشروبات الساخنه











    تابعونييييي

  8. #8
    تاريخ التسجيل
    Aug 2016
    الردود
    15
    الجنس
    امرأة
    ملحوظه مهمه جدا جدا كل الصور دي من علي النت الا القليل لان لو صورت المطبخ بتاعي هايكون افكار قليله لكن انا حبه ان الي مش تفدر تنفذ حتجه تعمل غيرها

    ​افكار للمطابخ الضيقه
    ممكن تعملوا ارفف هاتساعكم جداوممكن تشتروا تربوا وتنظموا فيه كل الخزين بتاعكوا بيبقي مفيييييييد جدا بس البرطمانات الي فيه هاتكتبوا اسم الحاجه الي فيها من فوق علشان تشوفوها
    وكمان ممكن تستغلي الضرفه والباب بتعها وده بيوفر مساحه فظيعه يعني ممكن مثلا ضرفه الحلل تعلقوا ف الباب بتاع الرفايع اوادوات التوزيع وهكذا واسيبكوا مع شويه صور للمطابخ الضيقه
    وبكده نكون خلصنا المطبخ الحمد لله ويااارب تكونوا بقيتوا مبسوطين منه
    الموضوع يابنات تعبت فيه جدا ارجو التقيم علشان الكل يستفاد
    اي واحده حابه تدخل معانا في الجروب اهلا وسهلا تقر بالسي في بتعها وتنورنا يتقريرتها اليوميه
    وكمان هانحط مواعيد علشان نتشجع اكتر واكتر وطبعا لو واحده ف معاد مش ناسبها مافيش مشكله تدخل وان شاء الله تلاقي بنات كتير ردوا عليها
    المواعيد 8ص او 9 بالكتير حتي ولو ندخل نصبح علي بعض
    الساعه 10 ص نقول ورانا ايه وعملنا ايه
    الساعه 4 م مثلا
    الساعه 10 م نقول التقرير بتعنا وزي ماقلتلكم كل يوم هانغمل جزء من المطبخ
    الجمعه اجااااازه
    ولما المطبخ يخلص وندخل علي الحلقه الثانيه (غرفه النوم )ان شاء الله
    ولو عايزين جدول للاسبوع يكون مجمع المعاميق تمام لو حابين كل يوم اقول هانعمل وليكن ضرفه الحلل والطااسات اوك بردو هاخد براي الاغلبيه


  9. #9
    تاريخ التسجيل
    Aug 2016
    الردود
    15
    الجنس
    امرأة
    ايه رايكوا نبا السبت ان شاء الله


  10. #10
    تاريخ التسجيل
    Oct 2007
    الردود
    1,340
    الجنس
    امرأة
    يعطيك العافية حبيبتي
    والله محتاجة اعمل حمله تنظيف للبيت كله 😓

مواضيع مشابهه

  1. من خفايا الماء ... سلسله متجدده ... الحلقه الثانيه
    بواسطة ليلك3000 في ركن التغذية والصحة والرجيم
    الردود: 2
    اخر موضوع: 24-09-2007, 03:07 PM
  2. اسباب السعاده (الحلقه الاولي)
    بواسطة سعيد القاهره في روضة السعداء
    الردود: 2
    اخر موضوع: 24-04-2007, 10:55 AM
  3. الحلقه الاولى: له اجران
    بواسطة زرقاءاليمامه في دار لكِ لـ تحفيظ القرآن
    الردود: 4
    اخر موضوع: 22-06-2005, 03:59 PM
  4. الحلقه الاولى: له اجران
    بواسطة زرقاءاليمامه في روضة السعداء
    الردود: 1
    اخر موضوع: 21-06-2005, 09:19 PM
  5. الحلقه الاولى
    بواسطة om nehal في ركن التغذية والصحة والرجيم
    الردود: 6
    اخر موضوع: 02-06-2003, 10:03 PM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ