السلام عليكم ورحمة الله وبركاتة
يا بنات انا عندى ديب فريزر الاسكا 5 درج جيباة من حوالى سنة ونص
مش عارفة بيعمل تلج بطريقة غريبة
يعنى لسة مسيحة التلج ومنضفاة مفيش من اسبوع بفتح النهاردة لقيت الدرج الاولانى عامل تلج كتير لدرجة انى فتحتة بالعافية والتج وقع عالارض
مش عارفة هل انا مظبطة التبريد غلط انا عملاة على 5 تقريبا
هو مش نو فروست
بس مضايقة اوى من منظر التلج ومش عارفة اعمل اية وتعبت كل شوية انضفة واسيحة وامسح الاوضة
والمشكلة التانية الباب بتاعة الجلدة اللى من جوة لما بقفل الباب بحس انة بيتفتح بسهولة اوى مش حساها زى التلاجة بتقفل جامد لا حساها كانك قافلة الباب عالفاضى
حد يقولى هو دة عيب فى الفريزر بتاعى وبس ولا التلج دة عادى ولا التبريد غلط ولا اعمل اية فى الجلدة دى حد يقولى
رد مع الاستدلال
الروابط المفضلة