انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 3 123 الأخيرالأخير
عرض النتائج 1 الى 10 من 21

الموضوع: بيتك احلى وزوجك دائما مايفارقك تعالي اقولك السر

  1. #1
    تاريخ التسجيل
    Apr 2008
    الردود
    212
    الجنس
    أنثى

    L41 بيتك احلى وزوجك دائما مايفارقك تعالي اقولك السر


    نبدأ
    جايبه لكم موضوع لك ولزوجك ولبيتك


    ومابي منكم الا الدعاء لي و
    لأولادي وزوجي ووالدتي ربنا يشفيها

    بسم الله نبداء
    1- لما تصحين صلاه الفجر قلنا الفجر مو الساعه 7 بعد ماتخلصين الصلاه وانتي على سجادتك وتقولين الاذكار ترفعين ايدينك وتقولين ( اللهم اني استودعتك قلب زوجي ولسانه وبصره وفرجه في ودائعك فاحفظهالي يامن لا تضيع ودائعه ) 3 مرات
    2- وانتي تجهزين الفطور حاولي انك تستغفرين وتكررين سبحان الله والحمد لله ولااله الا الله والله اكبر

    3- جهزتي فطورك وصحيتي زوجك وفطرتيه ولبستيه
    ودعيه عند الباب بقولك الله معك ،،،، الله يرعاك ،،،،الله يوفقك ترجع لنا بالسلامه


    بالنسبه للفطور تقدرين تجهزينه قبل بليله مثلا البيض اسلقيه وحطيه في الثلاجه ما يخرب ترا وسخنيه قبل التقديم بدقائق
    القهوه اغليها قبل بيوم بدون اضافات وغطي فتحه البريق بقصدير وحطيها في الثلاجه
    ولما تجي تستخدميها سخنيها وحطي في الدله الاضافات هيل زعفران 000 الخ
    4- بعد مايروح زوجك لاتنامين

    تعالي اهتمي شوي بنفسك

    حطي زيت على شعرك وخلطه على كامل جسمك مكونه من كريم جلسوليد +كريم سودو+عصير ليمونه اخلطيها وحطيها على كامل الجسم = نعومه وبياض

    لوجهك

    خلطه مكونه من 2 م ك دقيق +ماء ورد م ك +عصير ليمونه اخلطيها لين تصير متماسكه وحطيها على وجهك = بياض صفاء حيويه اشراقه

    شفايفك خلطه مكونه من عسل اي عسل + بودره دم الغزال = شفايف ورديه
    5- خصصي لك ملابس خاصه وفضفاضه للشغل وللخلطات
    ابدي نظفي البيت وخلي الكنس ااااااااااخر شي نظفي ورتبي وامسحي الغبار بعدين لما تكنسي افتحي المكنسه وحطي فيها من عطر المفارش عشان لما تكنسي تطلع ريحه العطر في البيت بعد ماتكنسي نجي نمسح البلاط اتركيك من الفلاش والداك والخرابيط هذي اللي بس تتعب الصدر وتجيب الكحه
    واخلطي كلوركس + صابون فيري+ ملح الليمون +كمفورت

    وكبيها في البيت والحمامات وامسحي وشوفي الدلع تشوفين صورتك في البلاط
    بالنسبه للمطبخ نفس الخلطه في بخاخ وبخي على الفرن والدروج والطاوله والثلاجه والمجلى كل شي يلق يلق
    الحمام نفس الحكايه على المرايه المغاسل الكرسي كل شي
    بعد ما تمسحي ترجعين مره تانيه تكنسين البيت بالنسبه للغسيل مره في الاسبوع غسيل ملابس ومره في الاسبوع كوي فقط البنات اللي عندهم غساله عاديه مثل غسالتي تغسل الملابس بصابون وكلوركس طبعا الملابس البيضاء واغسليها زين زين ولما تخلصين صرفي الماء وشيلي ملابسك وحطيها في النشافه وكبي عليها طشت ماء وشوي كمفورت لا تقولون فيها صابون ما تنظف لا صدقيني تطلع شي وريحتها جنان
    والملابس الملونه نفس الحكايه بس بدون كلوركس واذا جيتي تكوينها حطي في بخاخ ماء وكمفورت واكوي شوفي كيف كوي سريع وناعم وريحته جنان طيب خلصنا من البيت والملابس
    نجي للمطبخ حطي مع الصابون حق الصحون شوي خل واغسلي شوفي كيف صحونك تنظف وريحه الزفر تروح
    وللمجاري المسدوده شوي من بيكنج صودا كبيها في المجاري وتنفتح باذن الله وللحنفيات المصديه افركيها بخل وملح ليمون وبيكنج صوداء
    ولما تجي تجهزي الغداء سكري باب المطبخ عشان الريحه ما تطلع وبالنسبه للخضار اول ما تشتريها غسليها وحطيها في علب بلاستك الجزر قشريه وشوفي كيف ما يسود البصل افرميه وكيسيه وحطيه في الفريزر الطماط اطحنيه مع شوي ثوم وكيسيه وحطيه في الفريزر النعناع قطعيه وحطيه في علبه بلاستك وفي الثلاجه على طول وما يسود ابد على فكره هذي طريقه جدتي اول تطحن الطماط والبصل وترتاح من الحوسه والقرف
    بالنسبه لزيت القلي لاتكبيه في المجاري ترا تنسد لكن كبيه في كيس وطلعيه في الزباله وانتو بكرامه
    ولا تنسون طول ما انتي تشتغلين على طول
    استغفر الله واتوب اليه استغفرالله واتوب اليه......... كرريها

    بالنسبه للاباريق والقدور افركيها بملح الليمون وبيكنج صوداء
    تطلع تلق

    خلصنا من المطبخ
    واكيد بيكون اذن الظهر وخلاص الغداء على وشك يستوي تروحين تتحممين وتفركين جسمك
    وتغسلين شعرك وتحطين خلطه بدل البلسم جنان والله تصيرين كنك فلبينيه من نعومه شعرك انا سويتها وصار شعري لااصق على وجهي وتستخدمينها بعد الشامبو وشعرك نظيف تحطين
    4 م ك حمام زيت +م ص زيت +2 م ك عسل =نعومه لمعه دلع دلع لاتقولون تلبد الشعر لا جربوا وشوفوا طبعا للشعر الجاف

    بالنسبه للرجلين اذا جيتي تنظفينها ماراح اقولك حطيها بماء حار ومدري وش لا احسن طريقه ومجربه للعرقوب او مدري وش اسمه انك تفركينها بفازلين بعدين تجيبين حجر الخفخاف وتفركين رجلينك بدون ما تنقعينها بماء افركي افكري لين تنعم وبعدين غسليها
    بعد ما تخلصين حمام خذي بلسم شعر ريحته حلوه واغسلي به جسمك
    بعد ما تطلعين وتلبسين وتجهزين لزوجك
    طبعا تستقبلينه عند الباب وانتي مبتسمه وترحبين وتهلين وبعد الغداء مسااااااااااااااااج للزوج حطيه من ضمن جدولك اليومي مساج للجسم وماء حار للرجلين لازم
    واذا جاء ينام لاتخلينه يروح ينام لحاله مهما كان السبب روحي نوميه عوديه انك تنوميه
    في الويك اند او وقت اجازه زوجك لا تشتغلين ابد حاولي تخلصين شغلك قبل بايام وفضي نفسك له مساج كامل حمام مغربي بدكير منكير تنظيف بشره ممكن تحلقين دقنه اذا تعرفين بعدين تحممينه وتجهزين له بيجامه وعصير بارد صدقوني بيحطك فوق راسه لا تقولون مابيعطيني وجه مستحيل سويها وجربي وانتي لاتنسين تخصصين لك يوم حمام مغربي ونظافه كامل طبعا اسبوعيا بس وزوجك مداوم مش وهو عندك لان الرجال ما يحب الحرمه تنشغل عنه
    وقت فراغك اقري لك سوره من القران واستفيدي من الوقت
    يابنات ترا مع الترتيب والنظام في كل شي صدقوني بترتاحون والله يترتاحون

    بالنسبه للترتيب يوميا لكن مسح البيت كل يومين والغسيل والكوي قلنا مره بالاسبوع
    بالنسبه لوقت الدوره تخصصين لك ملابس للدوره تكون ترينقات بناطيل وتي شيرتات قطنيه بيجامات في الليل تلبسينها بس في الدوره وبعد ما تخلصين ترفعينها في درج مخصص لوقت الدوره اما الايام العاديه اللبسي ملابس سهره شورتات بناطيل تنانير قصيره واستمتعي واسعدي زوجك يعني بمعنى اخر وهو في البيت تكونين الست فيفي الدلوعه حتى لو ماكان يجلس في البيت مع الوقت بيشوفك وبيجلس معك لو انتي غيرتي من نفسك لا تجون تتبكبكون وتتباكون وتشتكون من رجالكم ترا الرجال يحب الحرمه الجميله ما تشوفونهم يبحلقون عيونهم في التلفزيون

    لانه مالقى اللي تعطيه جوه في البيت والله احنا احلى منهم هيفاء واليساء لكن اهملنا انفسنا

    نجي للعطور هذي خلطه يوميه للبيت يعني تحطين منها وانتي في بيتك يوميا بدل ما تخلصين عطرك الغالي وانتي ماعندك احد نجيب علبه من جل مابعد الاستحمام من بيبي جونسون ونخلط معه توله من عطرك المفضل وحطي منها على جسمك وهو رطب
    مزيل عرق - كريم جلسوليد +بودره اطفال +شوي مسك ابيض =ريحه حلوه وبياض
    ولا تنسون طول الوقت نكرر استغفر الله واتوب اليه
    نجي لوقت النوم حاولي انك تقرين في زيت زيتون سوره البقره ولما تجون تنامون انتي وزوجك
    سوي مساج فيه لك ولزوجك بس لاتقولين له انه مقري فيه تعرفون الرجال ما يحبون ذي الاشياء بس قولي له بسوي لك مساج وحطي منه انتي في جسمك صدقيني مفيد وبتلاحظين انه علاج مع الوقت لكل ما تشتكين منه
    الاشخاص اللي يفزون او يفزعون وقت النوم رشوا على السرير وعلى اجسامكم مسك ابيض الشفاف خذي المسك الابيض وخففيه بماء وحطيه في بخاخ ورشي على جسمك وفراشك منه لان سبحان الله الجن والشياطين ما يحبون المسك وصدقيني بتنامين بدون ما تفزين او تفزعين وكانك طايحه من مكان مرتفع
    اي شخص يصدع من ريحه المسك هو شخص مسحور او فيه مس واسالوا المشايخ وتتاكدون من صحه كلامي
    ولا تنسون اذكار النوم

    ولاتنسوني من صالح الدعاء ولا تنسون صلاه الليل التهجد
    تذكروا
    ركعتين وسجدتين قبل الفجر بساعتين تفعل المستحيل

    ومع النظام والترتيب صدقيني بيكون عندك وقت للصلاه في الليل

    مقتطفات 00
    اغسلي الشماغ بشامبو ريحته حلوه وبخريها وهي رطبه راح تمسك فيها الريحه
    عندك بودره معطره ما تبينها كبيها على الموكيت وبعدين اكنسي شوفي الريحه كيف
    ما تبين تحطين كريم اساس دايم استخدمي يودره الاطفال امسحي على وجهك شوي منها +مرطب = شفت فلبينيه تسويها وتبيض بعد
    لا ترمين الجرايد المكومه عندك
    حطيها بطشت وكبي عليها ماء +كلونيا ريفدور او معطرك للمفارش او مسك ابيض وانتظري لين تنشف وحطيها بالدولاب ورتبي فوقها الملابس تلقين ريحه الدولاب حلوه

    عندك شمع وما تبينه يذوب بسرعه حطيه في الفريزر
    عندك قطع صابون لوكس او غيره لا ترمينها ابشريها وحطيها بتل ووزعيها على الملابس الشتويه في كراتين او شنطه السفر اذا بتسافرون

    ريحه رجول زوجك مو حلوه وتفقع الراس

    انقعيها بماء حار وشوي بيكنج صوداء

    متضايقه من ريحه العرق او ريحه الافرازات او ريحه ريقك او فمك اشربي دائما عصير برتقال مضاف اليه ماء ورد وعسل وبتلاحظين على طول الريحه كيف

    واخر شي
    لا تسمعون اغاني ترا الاغاني تقطع الرزق


    منقول مع بعض التعديلات
    دعواتكم


  2. #2
    تاريخ التسجيل
    Apr 2009
    الموقع
    فلسطين عرب 48
    الردود
    11,530
    الجنس
    امرأة
    التكريم
    • (القاب)
      • مبدعة صيفنا إبداع1431هـ
      • ريحانة الحوار
      • بالعلم نرتقي
      • حوارية مثقفة
    (أوسمة)
    بعض النصائح قيمة جدا


    بوركتِ للنقل


    ينقل للركن المناسب


  3. #3
    تاريخ التسجيل
    Feb 2007
    الردود
    2,861
    الجنس
    أنثى
    والله اشكر مشاركتك

    بس احب اقول لمثل هذه المواضيع انه المراة مو ربوت او الة

  4. #4
    تاريخ التسجيل
    Mar 2009
    الموقع
    ليبيا
    الردود
    1,521
    الجنس
    امرأة
    استمتعت فى القراءه واستفدت مشكوره

  5. #5
    بــــــــدويهـــ ممــــــيزهـّ's صورة
    بــــــــدويهـــ ممــــــيزهـّ غير متواجد رئيسة أركان الأشغال اليدوية - مشرفة ركني التنظيم والكروشية
    تاريخ التسجيل
    Oct 2009
    الموقع
    في بلاد الله الواسعه
    الردود
    16,276
    الجنس
    امرأة
    التكريم
    • (القاب)
      • لمسات فنية
      • متألقة صيف 1432هـ
      • أميره النظافة والتنظيم
      • مبدعة صيفنا إبداع1431هـ
      • ذاكرة سياحية رائعة
    (أوسمة)
    يعطيك الف عافيه اختي للنقل و التعديل المفيد
    🌹🌹🌹🌹🌹🌹🌹🌹🌹

  6. #6
    تاريخ التسجيل
    Apr 2007
    الموقع
    انا مصرية و مقيمة بامريكا
    الردود
    200
    الجنس
    امرأة
    جزاكي الله خيرا

  7. #7
    تاريخ التسجيل
    Apr 2008
    الردود
    212
    الجنس
    أنثى
    تعقيب كتبت بواسطة @ام الخير@ عرض الرد
    بعض النصائح قيمة جدا


    بوركتِ للنقل


    ينقل للركن المناسب
    مشكورة لردك ياغالية

  8. #8
    تاريخ التسجيل
    Apr 2008
    الردود
    212
    الجنس
    أنثى
    تعقيب كتبت بواسطة الامال الصاعدة عرض الرد
    والله اشكر مشاركتك

    بس احب اقول لمثل هذه المواضيع انه المراة مو ربوت او الة
    ليست ربوت حبيبتي بس الذكية من تستطيع ادارة الوقت بشكل جيد
    مشكورة لمرورك


    تعقيب كتبت بواسطة نسمه ليبيه عرض الرد
    استمتعت فى القراءه واستفدت مشكوره
    الله يمتعك بصحتك دائما اختي

    تعقيب كتبت بواسطة بــــــــدويهـــ ممــــــيزهـّ عرض الرد
    يعطيك الف عافيه اختي للنقل و التعديل المفيد
    الله يعافيك يالغلا ومشكورة على ردك

    تعقيب كتبت بواسطة gabygab2000 عرض الرد
    جزاكي الله خيرا
    جزانا واياك الجنة ان شاء الله

  9. #9
    تاريخ التسجيل
    Jan 2010
    الموقع
    مهد الحضارة و عراقة التاريخ
    الردود
    22,684
    الجنس
    امرأة
    التدوينات
    36
    التكريم
    • (القاب)
      • بحر العطاء في ركن الكروشية
      • لمسات فنية
      • متألقة صيف 1432هـ
      • ريحانة العطاء
      • مدربة اشغال يدوية
      • الوصيفة الثانية
      • متميزة ركن التصوير
      • متميزة ركن السياحة لعام 2013
    (أوسمة)
    جزاكِ الله الف خير أختي موضوع رائع و جميل ربي يسعدك
    ودي و احترامي ..

  10. #10
    تاريخ التسجيل
    Apr 2008
    الردود
    27
    الجنس
    امرأة
    مشكووورة اختى

مواضيع مشابهه

  1. عاوزه ريحه بيتك توصل للشارع ادخلى اقولك عالطريقه
    بواسطة noorelhoda في ركن الأشغال اليدوية والخياطة
    الردود: 63
    اخر موضوع: 24-10-2009, 04:30 AM
  2. **م متميز**تعالى اقولك اذاى تستغلى بواقى الاكل عندك فى احلى معجنات
    بواسطة شخبط شخبيط في المعجنات والسندويشات والفطائر والخبز
    الردود: 73
    اخر موضوع: 06-05-2009, 07:44 PM
  3. عاوزه تغسلس الستائر ولا تتكسر وتعلقيها بدون كي...... ادخلي اقولك السر
    بواسطة marwa1431 في ركن الأشغال اليدوية والخياطة
    الردود: 18
    اخر موضوع: 03-05-2009, 01:31 AM
  4. الردود: 16
    اخر موضوع: 18-01-2008, 10:36 AM
  5. سؤال يطرح نفسه دائما يا ترى ماهو السر في ....................
    بواسطة ام_منال في نافذة إجتماعية
    الردود: 17
    اخر موضوع: 12-12-2005, 10:31 AM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ