اخواتي حبيت اننقلكم الموضوع لاأنه بصراحه شدني وعجبني فحبيت تعم الفائده على الجميع
فكرة اكياس الزباله كأنها علبة مناديل مريحه وشكلها حلو في الدولاب
ثاني شي تحطي جل العملاق في السيفون
ثالثا الخل مع سائل الغسيل المواعين صراحه يعطيها لمعان رائع
وخلط الديتول مع كومفرت مع الماء لتمسيح الابواب وغيره
تعطر المكنسه الكهربائيه
>>الخل مع الملابس البيضاء
تنظيف حوض المطبخ بكلور وماء ثم فتح صنبور الماء الساخن 10 دقائق
رابعا تنظيف جهاز البراون حق ازالة الشعر بماء ساخن وكحول روووووووعة
خامسا حوض المطبخ المسدود نضع في البلوعة ملح خشن دقيقة ثم ماء ساخن
وضع معطر الملابس باي ريحه داخل المكيف الصحراوي يطلع ريحة نظافه خيال
سادسا بقع الحبر اللي على الملابس
تروح بلا رجعه
عن طريق دعكها بالديتول الغير مخفف
طبقت فكرة العطر عطر الفواحه داخل المكنسه احطه على القماش واول مااشغلها تفوح الريحه <<<اتعب الين اقول جنان جربي تحطي الزيوت العطرية اللي تجي مع اطقم العطور زوجك بيبطل يطلع برا البيت خخخخخخخخخخخ
وبرضو احط من عطر الفواحه على اللمبات اللي داخل الأبجورة ولما تشتغل تطلع ريحه حلوة
تبخير البيت بالمستكه قبل العود
فحم في الثلاجة يشفط الروايح
سابعا تنظيف عيون الغاز بملح الليمون والتايد والله رهيبه
ثامنا فكرة المريتو البيتي
وهي انه لما يخلص المريتو من عندك وكنتي مزنوقه في بديل وهو
انك تحطين مويه مع نشا بودره
في علبة منظف الزجاج واستخدميها لما تكوين
فعلا طريقه جناااااااااااان
تاسعا يخص برميل الزبالة علشان ما يطلع ريحة كريهة اول شي قبل وضع الكيس في البرميل
حطي قطرات من اديتول وبعدين لمى تحضري وجبة يكون عندك برميل صغير وفية كيس وتحطي كل الي تبي ترمية في الكيس الصغير
ولمى تخلصي من الطبخ وتنضيف اربطي الكيس وحطية في البرميل وهكذا ....
وحتى لو يجلس البرميل اربع خمس ايم ما يطلع لة ريح
تاسعا جربت العطور في المكنسه مثل المسك تظل ريحتها شهور
وضع ديتول في السيفون روووووووووووعة
استخدام الخل الابيض لتنظيف لوح التقطيع رووووعة
عاشرا خلط داوني مع ماء لبخ الخزن والملابس عند الكوي صراحة روووعة <<<اتعب اقول رووعة
احد عشر - المناديل المعطره حقت الاطفال استخدميها في تنظيف الجزم الجلد والبلاستك خصوصا اذا كنتي بتطلعين ومستعجله
انقع عيون الغاز في خل ابيض لمدة ربع ساعة وبعدين افركهم وترجع نظيفة وتلللللللللمع ويروح السواد
فكرة اني اكب ديتول او تايد جوات السيفون وكل مافتحت السيفون تصير نظافه وريحه حلوه
اثنا عشر- تنظيف خلاط العصير بوضع ماء ساخن مع فيري وتشغيل الخلاط دقيقة
13- مسح الحمام بعد التنظيف بالكلونيا<<<جربي كلونيا عطر الليمون
14 - وضع ديتول بالفواحات العطرية ووضعها بالحمام
15- وضع نفتلين وفانيليا بصحن ووضعها بالحمام
طريقة لرائحة البيت عبارة عن خلط بيكنج بودر واي عطر مركز يكون زيتي قبل الكنس بفترة
تنظيف الجدران بجف الابيض
وضع ديتول عل الفواحة في الحمام
16 - طريقه حفض النعناع فتره اطول عشان مايخرب
امسكي النعناع ولفيه بنايلو وحطيه في الفريزر ومتى مابغيتي خذي بس انتبهي قبل ماتلفيه لاتغسلينو عشان مايذبل ومتى مابغيتي خذي وغسليه
17- اعمل رشاش للمطبخ احط فية ماء كلوركس ب الصابون+ديتول الاخضر وانظف فيه كل شئ في المطبخ
18 - بيتك سيراميك ؟ حطي نقطتين دهن عود فى المي اللى بتمسحي فيها البلاط والنتيجة رائحة خياااااال وبتدعيلي اكيد
19 - وضع كمفورت بالفواحة يعطي ريحة حلوة وبعد للتغير من عطورات الفواحات
20 - وضع قليل من الديتول او كمفورت لماء غسيل ارضيات المنزل
21- استخدام البخاخات ( وماادراك ماالبخاخات ) للتعطير والنظافه <<< شكلى بحط الشامبو في بخاخ واتروش به ههههههه
22 - وضع العلب المعطره داخل المكيف واااااااااااو لرائحه تدوم وتدوم ( عشان الريحه تكون مثل محلات الملابس < نعومي واخواتها >)
اما الافكار اللي بجربهـــــا :
تبخير البيت بالمستكة يوخر روايح الطبخ
واستفدت من تبخير الثلاجه بالمستكه تشيل الروايح
والكلوركس فالبخاخ والكمفورت فالبخاخ
ومنظف 101 ومنظفات كثير هنا ماكنت ادري عنها
جيبي علبت زيت عافيه فاضيه واغسليها وحطي فيها( تايد+العملاق+مطهر داك برائحة البخور+مويه)
واستخدميها لغسيل الحمامات..
2ـ جيبي علبت رشاش وحطي فيها( ملمع الزجاج+داك برائحة البخور) واستخدميها للمرايا اللي في المغاسل ومرايا غرفة النوم..
3ـ جيبي علبت رشاش وحطي فيها(فيري+داك برائحة البخور+داوني او كمفورت+مويه) واستخدميها لتمسيح المطبخ والفرن والثلاجة.
*استخدام الخل لتلميع الصحون
*وضع اللينور مع ماء في علبة بخاخ واستخدمه على الملابس
*اللينور مغ الديتول في علبة بخاخ للحمامات والمطبخ
استخدام الكمفرت او صابون الوزير داخل المكنسه الكهربائيه عند الكنس << ريحه تنتشر بكل البيت ..
- لف الفوط والملابس الداخليه واللانجري عشان الترتيب والمساحه .
المسحه الطبيه بأني استخدمها على الكتابات اللي بالجدران
حطي مع المويه او الصابون الي بتشطفين به نقطه او نقطتن من مسك الابيض المتسلق الرخيص وادعي لي اذا مانجنو الناس على الريحه
غليت دهن زهور الريف مع شويه مويه اعطى البيت ريحه ولا ارووووع
ايضا غلي قليل من القرفه والكمفورت عند طبخ السمك يروح ريحه السمك من البيت
لتسهيل عملية كي الملابس
اذا غسلت الملابس لا تنشرينها بالطريقة المعتادة لكن حطي الملابس بمعاليق وانشرينها
لف المناشف بطريقة رولات شكلها مرررررره حلوة
تبخير البيت بالمستكة قبل البخور عشان يشيل ريحة الكشنة والحمسة من البيت.
مسح الأباجورات ( اللمبات فقط) بعطر زيتي عشان لما تشتغل تطلع ريحة حلوة
طريقة الاكياس للسلطة تجمعي كل الخضار السلطة الي بتقطعيه في اكياس متفرقة وكل يوم تسحبي كيس وتقطعي مررره فكرة رائعة
طحن قشور البيض ووضعها مع ماء سقي النباتات مفيد جدا ايضا وضع بيكربونات الصودا مع الماء لانتعاش النبات وزيادة خضرته .
- تبخير الملابس بعد وضعهم على المنشرة وهي رطبةواغلاق الغرفة لمدة نص ساعة تجعل رائحة الغسيل تجنن وانا عروس حماتي دخلت تصلي بالغرفة اللي حاطة بها المنشر لما طلعت سالتني عن نوع الصابون و قالت ريحة غسيلك ترد الروح....
- وضع كمفرت او اي معطر ملابس ريحته حلوة في بخاخ مع شوية ماء ومسح دولاب الملابس به ثم اعادة الملابس ورش بخة بيسطة منه وبخة من عطرك الخاص ووضع الفواحة بالدولاب بها بخور بس عينك عليها ويصير ريحة دولابك خياااال .
-للتخلص من رائحة البهارات في المطحنة يطحن القليل من الخبز المحمص بالمطحنة ..
-تعطير المصابيح بزيت عطري ثم تشغيلها ...
- للثقوب في الحائط ضعي معجون اسنان ابيض ...
- لتنظيف الجوارب البيضاء تنقع لبعض الوقت في ماء مغلي به شريحة ليمون...
-وضع بعض حبوب ارز في الملاحة حتى لا يجمد الملح من الرطوبة...
-لازالة رائحة الاحذية خصوصا لما يكون زوجك طول اليوم بالشغل الله يعينه والدنيا حر تلف شوية بيكربونات صودا في قطعة قماش وتوضع في الحذاء حتى الصباح ...
- وضع خليط من الكلوركس والديتول لاستعمالها في الحمام والمطبخ ...
- تغليف علب الأحذية واستخدامها في الرفوف داخل الدولاب وفي الادراج لتنظيم الشراريب والبكل والرول حق القصدير لترتيب الشباصات والبكلات
- وضع المعطرات في بخاخات والديتول والكلوركس للتعقيم والتعطير مو كلهم مع بعض لا كل نوع في بخاخ ..
حطي شوي من الدخون المبثوث في المكنسه الكهربائيه تعالي شوفي ريحة البيت لم تكنسي كنى مبخرته
اذا جبت الفيري وهو جديد افرغ نص العلبه بعلبة الفيري القديمه واخلط عليهم ثنيناتهم علبة خل ابيض
يعني نص فيري ونص خل الفايده نظافه ولمعان للمواعين والفيري يطول مايخلص
استغلال الفوارغ من العلب
لما طفلك يشخببببببببببببببببط عالجدار لا تبتئسي اخيتي وإنما لطي(خخخخخخخخخخخخخ) الشخبوطه بمعجون اسنان ثم اتركيه حتى يجف بعد ذلك جيبي فوطه رطبه وامسحي ( النتيييييييجه) : نو شخبووووووووووووووووطه
جربت ماء ورد مع كمفورت مع كلونيا في بخاخ ابخ فيه الملابس كتيير حلوه الريح
أولا :
القصدير
بعد ما اخلص تنظيف المطبخ وامسح فوق الثلاجه وفوق الدواليب كل اسبوع
واسبوع بعد اسبوع كنت اتعب من تراكم الغبار فوق الارفف والاماكن العاليه فوق دواليب المطبخ
استخدمت القصدير لتغطية هذه الاماكن وفعلا ارتحت صرت انظف الاماكن العاليه اسبوعين مره وحده
ازيل القصدير المغبر والي عالقه عليه تراكمات الدهون واحط قصدير جديد وافتكيت من الدعك ورش الصابون
المفاجأه بأستخدامي للقصدير على الاماكن المرتفعه اني لاحظت ان مطبخي صار فيه اضاءه اضافيه
بسبب انعكاس ضوء الانوار بالقصدير وعن جد صار المكان منور حتى بالنهار
::
ثانيا::
الكل كان بالفتره الاخيره يتكلم عن تعطير البيت وقت التنظيف بداوني او كمفورت
انا عن نفسي لما تتصل فيني جارتي الي ماتبعد عن بيتي الا خطوات وتقول ابي زروك
فما بيكون عندي وقت اني ابخر او اعطر البيت فطريقتي اني اخذ فوطه مبلله واحط فيها من داوني الازرق
وادخله جزء منه في المكيف علشان يتعلق واشغل المكيف وريحة البيت كلها تصير وااااااااو
وما قدرت تمسك نفسها سئلتني شنو هالريحه الحلوه ؟؟؟
أما دواليب الملابس لأطفالي ولي لزوجي اخذ دفاتر قديمه عندي بعد ما اتأكد ان ما فيه اسم الله
وانقعهم في طشت فيه ماء ودوني الين ما ينشفط كل الماي بأوراق الدفاتر
وعلى طول احطهم بالدواليب وكل ما افتح الدواليب والله الريحه تكون ماليه الثياب كأني توني مغسلتهم
من اليوم ورايح لا تقطون الدفاتر القديمه
ثالثا ::
نعناع
جبتي حزم من النعناع ومو عارفه شنو تسوين فيهم بعد ما كان عندك عزومه وضفتيه
لشاي ضيوفك والباقي لسه منه كثير
غسليه واقطفي الاوراق وخليه ينشف في صحن نظيف بالمطبخ لمدة 24 ساعه
وصدقيني ان زوجك راح يسئلك ريحة المطبخ منعشه
بعد ما ينشف شوفيه اذا صار يتكسر اقصد يقرمش معناته ان خلاص تقدرين تحفظينه بكيس نظيف او بعلب بلاستيكيه ....
انا عن نفسي لما اسوي على العشاء دجاج مقلي اسوي معه روب بالخيار واخذ اشوي من النعناع واقرمشه بيدي
على الروب بالخيار واخلطه بعدين مع بعض وشوفي كيف راح يكون الطعم عن جد روعه
حتى السلطه للغداء قرمشي اشوي على السلطه واخلطي عن جد محد راح يعرف سر هالطعم الحلو لأن ما بيكون باين
النعناع بالخلطه ....
رابعا :
أكياس السندويشات
عن جد ما اقدر استغني عنهم مو بس لأطفالي للمدارس
صرت احب التخزين بسبب هالاكياس الي ممكن تتسكر بالضغط وما يدخل فيها هواء
وعندي خلطه حلوه اسويها
اجيب كارتون كامل من الطمام وكيس كامل من الثوم وثلاث قطع من الزنجبيل الطازج وكم حبه على حسب الرغبه فلفل اخضر حار
وكلهم افرمهم مع بعض واعبي الاكياس واضغط عليه الين ما يطلع كل الهواء واسكر الكيس بمجرد اني اضغط على الحواف واصفطهم كيس فوق كيس في الفريزر مع البصل وبكذا خلطتي للكبسه او الصالونه او المعكرونه جاهزه وما
علي الا اني اسخن الزيت واحطه فيه وكل شي جاهز عندي وما عدت اضيع وقتي بالطبخ ...
خامسا:
أكياس القمامه السوداء
لما يكون عندي ثياب للتخزين او مفارش للسرير ابي اخزنهم احطهم بالكيس
لكن كان عندي مشكله انهم كانو ياخذون حيز كبير بالدواليب وبالمخزن
وبكذا كنت استخدم المكنسه بعد ما ألم فتحه الكيس بأيدي احط فوهة المكنسه فيه
وشفط كل الهواء ويتقلص حجمه لدرجه ما تتخيلونه
وبعد ما انتهي انتبه لفتحة الكيس اني اسكره بالاستيك على طول قبل ما يدخل فيه الهواء مره ثانيه وبكذا قدرت اني اوفر مكان بالدواليب .
وقت الصيف نسافر انا واطفالي وزوجي اسوي نفس الشي لثيابنا قبل ما اخليها بالشنطه
وايضا اوفر حيز كبير لباقي الاغراض الي باخذهم معي
لكن كانت المشكله ان بعد ما نبي نرجع اكيد ما بنحصل على مكنسه بالفندق علشان نشفط
بس ما عليكم شفت الحل اني مسكت الكيس من نهايته وقعدت اضغط عليه والفه مثل الورق عنب وآخر شي
اخلي احد من عيالي يقعد عليه علشان تعبي ما يضيع واسكر الكيس ويعطيني نفس نتيجة الانكماش
ولاحظة ان الملابس لما اكويها للسفر بعد ما شفطت الهواء ما تتكرفس وتبقى مرتبه ...
سادسا :
تبين تصيرين مثل القشطه
ما يبي لها ذكاء استخدمي قناع القشطه احيانا يبقى اشوي بالعلبه وقت ما نبي نسوي الحلويات او وقت الطبخ ما في مانع انك تمسحين على وجهك
تمتعي حبيبتي وخلي وجهك مثل القشطه
نعومه وبياض والي لاحظته ان القشطه فيها شي غريب عن باقي الاقنعه للوجه
انها قناع مبيض وبنفس الوقت مرطب يعني ما يحتاج تستخدمين كريم لوجهك بعد القناع والسبب الدسم الموجود به هو المرطب الطبيعي لوجهك
سابعا :
عندي طريقه احب اني ابهر فيها ضيوفي واحيانا يقلبون استكانة الشاي ويبحلقون فيها يمين شمال يبون يعرفون شسالفه
السالفه وما فيها اني اسوي الشاي طبقتين يعني الشاي فوق والماي تحت
والطريقه سهله سوي شاي عادي بس يكون ثقيل يعني قللي الماي المستخدم للشاي
وصبيه بالاستكانه الي عندك وبعدين هاتي ماي مغلي وصبيه بالملعقه بكل نعومه وبكذا بيكون عندك
طبقتين طبقه شاي وطبقه ماي وبعد ما تقدمين السكر لضيوفك راح يحركونه بالشاي ويصير كأنه الشاي العادي
ان شاء الله تجربونه ويضبط معكم وتبهرون ضيوفك بالحركه هذي ...
ثامنا :
آآآآآآآآآآآآآآآه من الخواتم
كثير منا ما يعرف كيف يحتفظ بخواتمه من غير ما يطيح منه فص او ينخدش مع باقي
الاكسسوارات ...
طريقتي اني جبت كل العلب الي كنت احتفظ فيهم وقت ما اشتري الخاتم مثل الصوره اطلع الحشوه الي فيها الي فيها مكان لتثبيت الخاتم ..وقصيته بشكل مربعات ...
وخذيت مسدس الصمغ ولصقتهم مع بعض علشان يصيرون كلهم مع بعض
وجبت العلب الفاضيه للهدايا او علبة الاحذيه ممكن تستخدمينها بعد ما تزينيها
وثبتها فيه ...
وبكذا صار عندي علبة الخواتم وكل خاتم مكانه ثابت ولا راح اخاف عليهم ولا اقعد ادور بين العلب عن خاتم يناسب فستاني ...
تاسعا ::
حبيباتي كثير منا عنده اكياس الخاليه من مشترياتنا ومسويه حوسه بالمطبخ
انا دائما اذا ابي اغير شنطتي على طول اشحنها بالكيس قبل ما ارجعها للدولاب
علشان تظل شكلها جديده ومليانه دائما ما فيها تجاعيد
نرجع للأكياس الي مسويه حوسه بالادراج وكثير منا يبي يطلع له كيس يطلع معاه العشرات ههههه
انا طريقتي اني اصفطهم مثل السنبوسه مثلا اسوي سنبوسه بحجم كبير بعدين اسويه متوسط وبعدين صغير الين ما الفه بشكل حلو ..
وبكذا دائما درج الاكياس مرتب وحلو ولما امد يدي ابي اطلع كيس ما راح الاقي الاكياس الباقيه طالعه وشكلها وووو
عاشرا ::
لاحظت ان الجزر لما تقشرينه وتحتفظين فيه بالثلاجه كالعاده ما يذبل ....
كثير منا عائلته صغيره ويفضل الجزر عندنا مدة اسبوع ولما نحتاج له نشوفه لين وما يسوى حتى نسويه بالسلطه ,,
جربو وقولو لي رايكم ...
احدى عشر ::
واخيرا لازم بموضوعي يكون فيه نصيب للأطفال على الاقل في الاسبوع مره وحده افرش لهم بالحديقه ونلون المحار ونطبع اوراق النباتات على الورق ونستمتع مع بعض
جربو مع اطفالكم واكيد بتقضون وقت ممتع مع بعض
او اشغليهم بهذا النشاط وقت انشغالك بتنظيف البيت ...
اذا الموضوع اعجبكم اسعدوني بردودكم
رد مع الاستدلال
الروابط المفضلة