الحمد لله انا عند شراء جهازى اشتريت حلل الومنيوم وحلل استنلس وحلل تيفال لكن دائما اطبخ فى الاستنلس

وكنت فى فترة حملى حماتى الله يجازيها خير والى الان هى التى تغسل المواعين لكن الحلل اجدها الى الان بها اشياء سودة غير بارزة

فاريد منكم النصيحة اغسلها وانضفها ازاى ؟

اختى العزيزة يوجد طريقتان للتنظيف
الاولى كوب صابون سائل و يضاف له كوب سبيداج يشترى من عند محلات لوازم
البويات ونخلطهم جيدا و يستعمل مع سلكه ناعمة وحتشوفى النظافة و المعان
و الطريقة الثانية
بواقى صابون بريحة نضعه فى ماء و بليفة سلك ناعمة ندعكه و للمعان نضع نقطة خل تلمع ذى المراية
ويارب تستفادى من الوصفتين و شكرا

شكرا حبيبتى بس هل لة تاثير على الجلد؟

بالنسبة للألمنيوم بستعمل ليفة السلك جاهجة فيها صابون بتتباع جاهجة

شكرا جى جى لكن انا بسال عن الاستنلس لان دة ما تم استخدامة

حبيبتى ماتتعبيش نفسك هاتى الحله وحطى فيها شويه صغيرة ملح ليمون اسمه كده من العطار وحطى عليه ميه وسيبيه يغلى على النار شويه بس مش كتير هتلاقى الحله بتلمع ولا دعك ولا حاجه واسالى مجربه بس ولا تكترى الملح ولا المده اللى بيغلى فيها عشان الحله ماتتخرمش يعنى نص ملعقه شاى ع الحله كفايه

شكرا حبيبتى هجربو باذن الله

نصائح مفيدة

عزيزتي
قبل ما يكن عندي جلاية كنت انظف الستيل بوضعه عالنار مع مية وربع كوب منظف غسيل
جربيه وادعي لي وكنت اضع الطنجرةوفيها كل اغراض المطبخ الستيل ملاعق ابريق دلاية
فيرجع كل شي جديد
ولا انصحك باستخدام السلك للستيل لانه بجرحه مع الوقت
تحياتي

شكرا حبيبتى هجربها باذن الله