أخيرا يا ريت تقرأي مشاركتي السابقة
لسلام عليكم شيماء

أنا قرأت موضوعك بخصوص قمل الكتب أنا عارفة انه من فترة لكن و أنا بعمل بحث على النت وجدته.

أنا أسكن في الاسكندرية أيضا و لسة معزلة من 8 شهور و بعد حوالي 6 شهور من العزال اكتشفت هذه الحشرة بالرغم اني رشيت الشقة قبل فرشها، و بعد البحث عرفت ان الحشرة اسمها "قمل الكتب" ، طبعا ما ينفعش أستخدم أي مبيدات لأني حامل فاستعنت بالله و لجأت للدعاء و لطرق طبيعية من على النت هي قلت فعلا بس لسة موجودة، أنا عارفة إن الشقة إلى عزلت فيها فعلا رطوبة و كتمة و ما بيدخلهاش الشمس ، فعايزة أسألك إنت عزلتي و لا لأ، و لو عزلتي المشكلة انتهت أم انتقل في العفش، و لو ماعزلتيش ايه الأخبار دلوقتي.
يا ريت تفيديني و ربنا يعافينا من هذه الحشرة إلى الأبد آمين و جزاك الله خيراً

للعلم مع البحث على النت عرفت إنها مرتبطة بالعفن الذي يأتي في الحيطان من تسريب مواسير المياه ، أنا شاكة إن دة ممكن يكون موجود وراء الدولاب لأني كنت بسمع صوت ماء كأنه في الحيطان من الجيران ، بس طبعا مش عارفة أتأكد لأني خلاص لأن الولادة قربت

كتبت بواسطة shaimaa 78

جزاكى الله كل خير ... بس صدقينى جربت القرآن الكريم ومعنديش مانع اجرب تانى ان شاء الله

عذرا يا شيماء أنا لي تحفظ على كلمة "جربت القرآن "، فالقرآن يا حبيبتي لا يجرب ، لازم يبقى عندنا يقين إن ببركة القرآن إن شاء الله ستنفرج هذه الغمة آجلا أو عاجلا، أنا عارفة إنه إبتلاء شديد لأني فيه و تخيلي كمان إني حامل بعد 4 سنوات زواج و خايفة والله على حاجات البيبي ، و مش عارفة أحطها فين، بس الحمد لله أحسن ما الإبتلاء يجي في حاجة ثانية، على فكرة ممكن يكون فعلا عين،لأن هناك دعاء:"أعوذ بكلمات الله التامة من كل شيطان وهامة ومن كل عين لامة"
والهامة : الحشرة، فالإستعاذة في هذا الدعاء من الشيطان و الحشرة و العين، أكيد في ربط ما بينهم و الله أعلم
فأكثري من هذا الدعاء و اقرأي القرآن بنية تفريج الكرب ، أما رش ميه مقروء عليها قرآن مش عارفة بصراحة مدى صحتها ؟
و ربنا يبعد هذه الحشرة عني و عنك إن شاء الله

السلام عليكم
بصراحة انا مش من مصر
انا من ليبيا ونقال لها هذه الحشرة ( سوسة )
ولكن نحن في ليبيا يباع عند العطارين
دواء يقال له دواء السوس وهي حبيبات بيضاء
نضعها في رفوف الكتب
وهي تخلصك من هذه الحشرة نهائيا
ربي يوفقك وتتخلصي منها عن قريب

آمين ياOm Aisha ، هل هذه المادة مادة طبيعية أم كيميائية ، يا ريت لو تقولي لي ما هي؟

كتبت بواسطة shaimaa 78

السلام عليكم ورحمة الله وبركاته
الى كل ملوك النظافة والتنظيف والتنظيم والى كل واحدة تعرف حل لمشكلتى
انا فى بيتى حشرة فظيعة غريبة اسمها ( قمل الكتب ) الحشرة دى موجودة فى الشقة من اول يوم اتجوزت فية ... تخيلوا شقة عروسة
وانا والله وحدة شاهد عليه نظيفة جدا جدا جدا .... وانا مش لاقية حل ليها تعرفوا هاعمل اية هاعزل واسيب بيتى ... لانها كرهتنى فى بيتى ... ودايما اتختنق مع زوجى بسببها ... يقولى تكيفى تعيشى معاها ... وانا رافضة بشدة
يقولى كل اللى فى اسكندرية عندهم الحشرة دى بس مش واخدين بالهم منها عشان هيه بتحب الرطوبة ... أقوله استحالة
انا بسأل لو فى حد اسكندرانى عندك حشرة هى فعلا نوع من القمل بتظهر على الحيطان وخصوصه فى الاركان وحروف السيراميك والرخام ولونها شفاف وبعدين تبقى بنى ... انا اخدتها وروحت كلية الزراعة قالولى دى قمل كتب وبتموت بأى مبيد بس عندى مش بتخلص

مشوار كفاحى مع الحشرة انا بقالى 6 سنين متزوجة

السنة الاولى : جبت شركة رش رشت البيت كلة والعفش
والنتيجة عفشى اتبهدل وظهرت فى السنة التانية

السنة التانية : نجدت الانترية وهو جديد ورميت القماش عشان قلت يمكن من التنجيد ... وظهرت السنة اللى بعدها

السنة التالته : نجدت كراسى السفرة .. وجبت رش كيماوى ورشيت بنفسى وجالى تسمم وكان ابنى صغير خفت علية جدا بس الحمد لله ربنا ستر

السنة الرابعه : المحاربة بالجاز رش جاز كل يوم على كل شىء قماش وخشب
وظهرت مرة اخرى
وكل سنة فى غسيل للسجاد حوالى مرتين ورشة بالمبيد
وكل حته فى البيت الدولاب وتحت السراير نفتالين

السنة الخامسة : رميت حمولى على الله وبصلى وبدعى انه يشيلها وكنت حامل فكان ممنوع عنى المبيدات والحركة الكتير

السنة السادسة : اللى انا فيها بطلب من زوجى اعزل وبنحاول فعلا عشان اعصابى تهدى
معرفش اشيل كرتونة اى حذاء او كرتونة للعب ابنى على طول تلاقى فيها الحشرات دى وهى بتظهر اكتر فى الصيف ايام الحر والرطوبة ... وفى الشتا بتستخبه
وهى فى حجم القمل صغيرة جدا اصغر من النمل

اللى تعرفها او اللى شافتها فى بيتها وعرفت تقضى عليها تقولى ... وربنا يحفظ الجميع

ازيك ياقمر
لوسمحتي انا كنت عايزه اسالك عملتى ايه فالحشرات الصغيره
انا عندي منها موجوده فكللللل مكان
حتى فالبلكونه
قوليلي لقيتي حل ولا مفيش امل

انا كمان من اسكندريه على فكره
ياريت ترردي عليا

كتبت بواسطة rahamat

أخيرا يا ريت تقرأي مشاركتي السابقة
لسلام عليكم شيماء

أنا قرأت موضوعك بخصوص قمل الكتب أنا عارفة انه من فترة لكن و أنا بعمل بحث على النت وجدته.

أنا أسكن في الاسكندرية أيضا و لسة معزلة من 8 شهور و بعد حوالي 6 شهور من العزال اكتشفت هذه الحشرة بالرغم اني رشيت الشقة قبل فرشها، و بعد البحث عرفت ان الحشرة اسمها "قمل الكتب" ، طبعا ما ينفعش أستخدم أي مبيدات لأني حامل فاستعنت بالله و لجأت للدعاء و لطرق طبيعية من على النت هي قلت فعلا بس لسة موجودة، أنا عارفة إن الشقة إلى عزلت فيها فعلا رطوبة و كتمة و ما بيدخلهاش الشمس ، فعايزة أسألك إنت عزلتي و لا لأ، و لو عزلتي المشكلة انتهت أم انتقل في العفش، و لو ماعزلتيش ايه الأخبار دلوقتي.
يا ريت تفيديني و ربنا يعافينا من هذه الحشرة إلى الأبد آمين و جزاك الله خيراً

للعلم مع البحث على النت عرفت إنها مرتبطة بالعفن الذي يأتي في الحيطان من تسريب مواسير المياه ، أنا شاكة إن دة ممكن يكون موجود وراء الدولاب لأني كنت بسمع صوت ماء كأنه في الحيطان من الجيران ، بس طبعا مش عارفة أتأكد لأني خلاص لأن الولادة قربت

ازيك يا جميل انا كمان من اسكندريه وعندي نفس المشكله
ومش عرفه اعمل ايه
قوليلي لقيتي حل ولالا لا؟؟