السلام عليكم ورحمة الله وبركاته
الى كل ملوك النظافة والتنظيف والتنظيم والى كل واحدة تعرف حل لمشكلتى
انا فى بيتى حشرة فظيعة غريبة اسمها ( قمل الكتب ) الحشرة دى موجودة فى الشقة من اول يوم اتجوزت فية ... تخيلوا شقة عروسة
وانا والله وحدة شاهد عليه نظيفة جدا جدا جدا .... وانا مش لاقية حل ليها تعرفوا هاعمل اية هاعزل واسيب بيتى ... لانها كرهتنى فى بيتى ... ودايما اتختنق مع زوجى بسببها ... يقولى تكيفى تعيشى معاها ... وانا رافضة بشدة
يقولى كل اللى فى اسكندرية عندهم الحشرة دى بس مش واخدين بالهم منها عشان هيه بتحب الرطوبة ... أقوله استحالة
انا بسأل لو فى حد اسكندرانى عندك حشرة هى فعلا نوع من القمل بتظهر على الحيطان وخصوصه فى الاركان وحروف السيراميك والرخام ولونها شفاف وبعدين تبقى بنى ... انا اخدتها وروحت كلية الزراعة قالولى دى قمل كتب وبتموت بأى مبيد بس عندى مش بتخلص

مشوار كفاحى مع الحشرة انا بقالى 6 سنين متزوجة

السنة الاولى : جبت شركة رش رشت البيت كلة والعفش
والنتيجة عفشى اتبهدل وظهرت فى السنة التانية

السنة التانية : نجدت الانترية وهو جديد ورميت القماش عشان قلت يمكن من التنجيد ... وظهرت السنة اللى بعدها

السنة التالته : نجدت كراسى السفرة .. وجبت رش كيماوى ورشيت بنفسى وجالى تسمم وكان ابنى صغير خفت علية جدا بس الحمد لله ربنا ستر

السنة الرابعه : المحاربة بالجاز رش جاز كل يوم على كل شىء قماش وخشب
وظهرت مرة اخرى
وكل سنة فى غسيل للسجاد حوالى مرتين ورشة بالمبيد
وكل حته فى البيت الدولاب وتحت السراير نفتالين

السنة الخامسة : رميت حمولى على الله وبصلى وبدعى انه يشيلها وكنت حامل فكان ممنوع عنى المبيدات والحركة الكتير

السنة السادسة : اللى انا فيها بطلب من زوجى اعزل وبنحاول فعلا عشان اعصابى تهدى
معرفش اشيل كرتونة اى حذاء او كرتونة للعب ابنى على طول تلاقى فيها الحشرات دى وهى بتظهر اكتر فى الصيف ايام الحر والرطوبة ... وفى الشتا بتستخبه
وهى فى حجم القمل صغيرة جدا اصغر من النمل

اللى تعرفها او اللى شافتها فى بيتها وعرفت تقضى عليها تقولى ... وربنا يحفظ الجميع

أختي بصراحة مشكلتك كبيرة
الحشرات عادة تروح مع المبيدات
ربما لديك في البيت مخبأ( كتب قديمة، مخدات صوف، أو أي شيء آخر)
حاولي تدهني كل البيت و إذا كانت الحيطان من الورق انزعيه ربما هو يسبب ذلك بصراحة الأمر مخيف
من غير الممكن أن تبقى حشرات 6 سنوات ربما جيرانك عندهم المشكلة مثل مشكلة الصراصير كان عندي جيران في مسكني القديم تبارك الرحمن متعايشين سلميا مع الصراصير و جاني صراصير في المطبخ و الحمد لله لم يدم ذلك كنت كل صيف أصبغ المطبخ و أرش يوميا مبيد ( هناك مبيدات ريحتها طيبة غير مزعجة للإنسان) و قضيت عليهم نهائيا و لما رحلت إلى مسكني الحالي كانت جارتي اللي مقابلتني بارمة معاهدة سلام مع الصراصير
رحت لها و خبرتها أنني ضد الهدنة و حتى أنني أهديتها مبيد معطر ههههههههههه
بعد سنتين رحلت و جاءت جارة جديدة الله أكبر عليها هي اللي بادرت بإهدائي مبيد ههههههههههه
يعني خلاصة القول ممكن المشكلة جاياتك من عند الجيران

حبيبتى انا مش من الاسكندرية بس حاسة بيكى ,,,, انا استعمل مبيد حشرى
(كيروكس للحشرات الزاحفة)

استعملته مع النمل وبصراحة فعال جدا بس لو هتستخدميه ضعى كمامة مبللة

على انفك قبل الستعمال لأنه بيخنق .

اتمنى اكون افدتك

اختى اللـه يعينك انا اعنى من هذا المشكل

مع انى عملت انواع المبيدات والاساليب ولكن لم تغير شي اخرشى قالوا لى اهل الخبره انها عين

مع الطرق القضاء عليها طبعا هى نفعت عندى الناس بس ما نفع عندى

مكان وجود اضيفى الفلفل او الشطه يقضى عليها ممكن تضعى فلفل الاسود المطحون فى ماء ورش المنطقه


الطريقه الثانيه اسنخدمى الماء البارد رش على المنطقه ماء بارد

وان شاء اللـه تنحل مشكلتك

كتبت بواسطة نهلة يقين

أختي بصراحة مشكلتك كبيرة
الحشرات عادة تروح مع المبيدات
ربما لديك في البيت مخبأ( كتب قديمة، مخدات صوف، أو أي شيء آخر)
حاولي تدهني كل البيت و إذا كانت الحيطان من الورق انزعيه ربما هو يسبب ذلك بصراحة الأمر مخيف
من غير الممكن أن تبقى حشرات 6 سنوات ربما جيرانك عندهم المشكلة مثل مشكلة الصراصير كان عندي جيران في مسكني القديم تبارك الرحمن متعايشين سلميا مع الصراصير و جاني صراصير في المطبخ و الحمد لله لم يدم ذلك كنت كل صيف أصبغ المطبخ و أرش يوميا مبيد ( هناك مبيدات ريحتها طيبة غير مزعجة للإنسان) و قضيت عليهم نهائيا و لما رحلت إلى مسكني الحالي كانت جارتي اللي مقابلتني بارمة معاهدة سلام مع الصراصير
رحت لها و خبرتها أنني ضد الهدنة و حتى أنني أهديتها مبيد معطر ههههههههههه
بعد سنتين رحلت و جاءت جارة جديدة الله أكبر عليها هي اللي بادرت بإهدائي مبيد ههههههههههه
يعني خلاصة القول ممكن المشكلة جاياتك من عند الجيران

شكرا ليكى يا نهلة على الاهتمام والرد
بس انا معنديش ورق قديم ولا حاجة صوف
ياريت تقوليلى على المبيدات اللى برائحة ... بس المشكلة ان الرش مش نافع

كتبت بواسطة أريج الربيع

حبيبتى انا مش من الاسكندرية بس حاسة بيكى ,,,, انا استعمل مبيد حشرى
(كيروكس للحشرات الزاحفة)

استعملته مع النمل وبصراحة فعال جدا بس لو هتستخدميه ضعى كمامة مبللة

على انفك قبل الستعمال لأنه بيخنق .

اتمنى اكون افدتك

انا بشكرك جدا لأنك حاسة بيا
فعلا كيروكس اقوى مبيد ... بيخليهم يختفوا كام يوم ويرجعوا تانى
تعرفى انا لسة امبارح رشيت مرتبة سرير البيبى بيكيروكس
بس جوزى اتخانق معايا وقالى حرام هتموتينا قبل ماتموتى الحشرات دى لانه قوى
رشيت المرتبة وتانى يوم فى الشمس ... وربنا يستر ومايرجعش تانى

كتبت بواسطة الورد فى الاكمام

اختى اللـه يعينك انا اعنى من هذا المشكل

مع انى عملت انواع المبيدات والاساليب ولكن لم تغير شي اخرشى قالوا لى اهل الخبره انها عين

مع الطرق القضاء عليها طبعا هى نفعت عندى الناس بس ما نفع عندى

مكان وجود اضيفى الفلفل او الشطه يقضى عليها ممكن تضعى فلفل الاسود المطحون فى ماء ورش المنطقه


الطريقه الثانيه اسنخدمى الماء البارد رش على المنطقه ماء بارد

وان شاء اللـه تنحل مشكلتك

جزاكى الله خير على هذة الطرق هجربها باءذن الله

السلام عليكم
اللهم عافنا مما ابتليت به غيرنا
واعوذ بكلمات الله التامات من شر ماخلق

البوب يباع في الصيدليات لو انت في مصر
بيدمر ويقضي علي هذه الحشره
تباع في هيئه زجاجات ريحتها صعبه
لازم تشوفي يومين تباتي انت والاولاد عند والدتك واحزر سام يعني عدم وجود اطفال وتتخذي محازير الرش
وباذن الله لن يعود
وببخاخه ترشي كل الاماكن حتي ملل السرير
وبين طيات المراتب القطن
وحاولي التخلص من الكتب الموبوئه بالحرق
حتي لايبتلي غيرك بها
وربنا يصبرك علي هذا البلاء

اقرائي سوره النمل بنيه التخلص من الحشرات والله انا مجرباها والحمد لله ولا نمله 10 سنوات

اختك في الله
امال رفقي

الأخت العزيزة أمال رفقى
جزاكى الله كل خير على النصيحة انا هجرب المبيد ده
انا من مصر عايشه فى الاسكندرية

وان شاء الله هقرأ سورة النمل .... بهذة النية ... وربنا يتقبل منا جميعا

عندى سؤال لو سمحتى انتى شوفتى الحشرة دى ؟؟؟ تعرفيها؟؟؟؟

الله يصبرك ويرفع عنك البلاء
عزيزتي توجهي لله بالدعاء وان شاء الله ترتاحي وكمان من افضل الطرق لمكافحة الحشرات الخل يعني حطيه في اماكن تواجدهم وان شاءا لله بتختفي
الله يعينك ويفرج همك