السلام عليكم ورحمة الله وبركاته
انا عضوة جديدة بس كنت متابعاكم بقالى فترة و ماشاء الله ربنا يكرمكم كلكم و يزيد المنتدى يا رب ويجعل اللى بتعملوه فى ميزان حسناتكم
المشكله انى متزوجة و ام لطفل عمره سنتين و نصف و طبعا لظروف الحياه اعمل فترتين وبين الفترتين 4.5 ساعه ولكم ان تتخيلوا المجهود المبذول لتقسيم الوقت بين البيت و ابنى و الشغل
و الان المفروض ننقل لشقه تانية خلال ايام و مطلوب منى انى اوضب و اشيل كل العفش مع مراعاة انى لا استطيع اخذ اجازة ووالدتى بتشتغل و عندى اخوات صغيرين ماتقدرش تتركهم
النهادرة بعد ماخرجت من الشغل و جبت ابنى وروحت و عملت الغداء استعنت على الشقا بالله و جبت كراتين و ورق جرايد و بدأت الف الزجاج الموجود فى النيش و ارسه فى الكراتين وفجاه مر الوقت لازم انزل اروح الشغل و طبعا دا خلانى تعبانه جدا
اللى تقدر تقولى ازاى اضبط وقتى بحيث اخلص فى اقصر وقت ممكن ربنا يكرمكم يارب

يعنى ممكن تسهرى شوية ليلا وتعملى كل الى تقدرى عليه
ويعينك الله

كتبت بواسطة رويدا2005

يعنى ممكن تسهرى شوية ليلا وتعملى كل الى تقدرى عليه
ويعينك الله

ربنا يكرمك يا اختى
بس المشكله انى باجى من الشغل متأخر و على ما بعمل العشاء و انيم ابنى بتبقى الساعه أتأخرت و الشغل تانى يوم بادرى

استعينى بالله وان شاء الله هيقدرك وممكن كمان فى الساعة تعملى حاجة ولو بسيطة وباليل حاولى ... حاولى ولو لساعة اخرى والله المستعان

وفى حل تانى لو شغلك يسمح انك تشتغلى فترة واحدة ليوم
واحد فقط ... تاخذى اذن يعنى ممكن تنجزى اشياء كثيرة

اختى اين رجلك (زوجك ) فى كل ده
خليه يساعدك
انا لا املك لك غير الدعاء و عليكى بقول لا حول و لا قوة إلا بالله كثيرا ترى هذه الكلمات تشعرك بان الله معك يساعدك

لو إنت في الخليج..توجد شركات متخصصة في نقل الأثاث..العمال هم اللي بيجيبوا الصناديق الكرتون ويلموا كل حاجة ويغلفوا الزجاجيات والصيني
لو في أي بلد تانية إطلبي الأكل بالتليفون (دليفري) وحاولي تستعيني بصديقاتك
لو العلاقات بينك وبينهن تسمح بذلك
وحقيقة : أين زوجك من هذا كله ؟
ربنا يكون في عونك..

كتبت بواسطة رويدا2005

استعينى بالله وان شاء الله هيقدرك وممكن كمان فى الساعة تعملى حاجة ولو بسيطة وباليل حاولى ... حاولى ولو لساعة اخرى والله المستعان

ربنا يكرمك يا رب انا بحاول اى وقت استغله و الم حاجات و ربنا المستعان

كتبت بواسطة رويدا2005

وفى حل تانى لو شغلك يسمح انك تشتغلى فترة واحدة ليوم
واحد فقط ... تاخذى اذن يعنى ممكن تنجزى اشياء كثيرة

هى المشكله ان شغلى مابيسمحوش يعنى بالعافيه ممكن اخذ بس انا مستنيه لما انقل واخذ اجازه علشان اوضب البيت الجديد

كتبت بواسطة يوم

اختى اين رجلك (زوجك ) فى كل ده
خليه يساعدك
انا لا املك لك غير الدعاء و عليكى بقول لا حول و لا قوة إلا بالله كثيرا ترى هذه الكلمات تشعرك بان الله معك يساعدك

شكرا يااختى المشكله ان شغل زوجى من الساعه 7.5 الى الساعه 7 باليل و هو حقيقه بيحاول يساهدنى على قد ما بيقدر