كان يا ما كان فى حاجة عندنا فى مصر اسمها سلك الومنيوم وكان يستخدم فى تنظيف الحلل و الصوانى الألومنيوم- انا عارفه ان ليها اضرار - اصبح هذا السلك يصدى اسرع مما تتخيلى و كمان ما عدش موجود الموجود دلوقت لا ينفع تدعكى بيه و لا بينظف اى شئ بل بالعكس بيعطيها لون ازرق فهل من الاخوات حد عنده افكار لاستبدال السلك الألومنيوم فى دعك الاوانى الألومنيوم؟

و الله انا لا اعرف غير السلك
لو حد عنده طريقة اخرى ياريت يوضح

ولا انا اعرف غير السلك بس لاحظت لما بغلى شوية كركدية فى الحلة بتلمع وبيروح اى

غمقان فيها

اسمحولى اقولكم تجربتى فى الموضوع ده وبجد نفعت وعملت نفس تأثير سلك الالومنيوم على كل اوانى الالومنيوم انا طبعا غلبت برضو فى التدوير بس فى مره جبت السلك اللى بتقولوا عليه ده وهو صح سلك ناشف اوى بس جبت بقايا صابون غسيل الوجه اللى هو صابون الريحه وطبعا فى كل بيت بيكون فيه بقايا وهنا فى اسكندريه بنسمى اخر حته فى الصابونه بروه ههههههههههههههههههههه معلش بحب اشرح بالتفصيل الممل المهم اخدت حته من الصابون وحطيتها على السلك ودعكت بيها الحله الالومنيوم ووالله والله الحله بترجع جديده وبتلمع وماما فرحت بيا اوى لانها من الستات اللى اتأثروا جدا بعدم وجود النوع ده من السلك المهم جربوا الفكره واوعوا تنسونى من الدعوات وكل سنه وانتم جميعا طيبين

بما إن الموضوع من مصر
طبعا ً كلنا عارفين الصابون" الصن لايت"
ده بقى مع سلك الموعين العادى مش الناشف بيخلى الألومنيوم زى الفل ولا الجديدة جربوه وادعولى
لكن بصراحة انا تعبت من دعك الالومنيوم واستبدلتها بالحلل الزنجو والاستانلس

سبحان الله تعرفى انى كنت هكتب موضوع مشابه
اصل انا اشتريت بودرة لتنظيف الالومنيوم ومش عارفه استخدمها ازاى قلت اسالكم هنا
ممكن اعمل لها موضوع منفصل والبنات يساعدونا
وبالنسبه للسلك
انتى لو تقصدى السلك الحلزونى المدور ....دة سىء جدا وبيجرح الحلل
اما السلك الناعم فهو فعلابيصدأ بسرعه لكن لا بديل
وحكايه الصابون اللى قالت عليها رونى فعلا انا جربتها زمان كانت واحدة قريبتى قالت لى عليهاا
وعارفه كمان اسفنج المواعين اللى هو _(سكوتش برايت)واخواته لكن الانواع الجيدة الناحيه الخضراء الخشنه بتنظف شويه لكنها لا تلمع
وانا منتظرة معاكى لو توجد طريقه مريحه للالومنيوم

ماء مغلى+ شوية كربوناتو ورشى شوية بودرة مواعين(فيم او برايت ....الخ) + شوية صابون مواعين سائل. وقطعى سلك المواعين الناعم وخدى قطعه مع اسفنجه المواعين وادعكى وباذن الله حتوصلى للنتيجه