ويكلم حار لكل اللي طلو علينا

ام محمود وآلاء
لنلونة ومنونة

ويكلم حار لكل اللي طلو علينا

ام محمود وآلاء.........ايوا الجلسة المغربية ......ذكرتيني فيها
لنلونة.........سلامتها لومة تعرفي شوية نشا مع عصرة ليمون دوبيهم وطعميها اياهم بالمعلقة بمسك معدتها
وكمان بعرف اللبن الجميد كتير منيح للاسهال
وايضا التفاح.........انا حتى بعرف انه التفاح للجهتين للامساك وللاسهال مع بعض

ومنونة..........مش عارفة ليش عنا شتا وانتو لاءا
بجوز اليوم دوركو تشتي عنكو..........جهزي حالك وضبي غسيلاتك

كتبت بواسطة allmasa

ويكلم حار لكل اللي طلو علينا

ام محمود وآلاء.........ايوا الجلسة المغربية ......ذكرتيني فيها
لنلونة.........سلامتها لومة تعرفي شوية نشا مع عصرة ليمون دوبيهم وطعميها اياهم بالمعلقة بمسك معدتها
وكمان بعرف اللبن الجميد كتير منيح للاسهال
وايضا التفاح.........انا حتى بعرف انه التفاح للجهتين للامساك وللاسهال مع بعض

ومنونة..........مش عارفة ليش عنا شتا وانتو لاءا
بجوز اليوم دوركو تشتي عنكو..........جهزي حالك وضبي غسيلاتك

تسلمي يا روحي.. بس الحمدلله اسا صارت منيحة ..

بس عندي سؤال: بينفع ابدل النشا بالكورنفلور؟؟

حبيبتي لانا تسلميلي يا قمر

والف سلامة على بنوتك الحلوة

انا اليوم متفقة مع ميروم ولنولنة فش طبيييييييييييخ
لانه امبارح صار فيني مقلب محترم...........وعنجد محترم
هذا انا نيمت البنات وطلت السمكات على الساعة 6 وقلت بطبخهم بعد اشوية لانه لسا بدري ليجي زوزي على ال12
المهم صليت المغرب وقعدت تحت الحرام في البرندة وبدكو الصراحة بطني كان يوجعني
المهم قلت يا بنت قومي صلي العشا بتكسبي بلاش تغفي وتنامي ويروح وضوكي
عبس ولا قمت وفش دقايق الا جارتي بترن علي
اهلين مرحبتين اتفضلي لا مشغولة اطلعي اشربي عنا شاء
لالا شكرا مش جاي على بالي
وسكرت الباب وقلت بما انه صرت فايقة روحي صلي العشا وصلتي والحمد لله


مش اني اروح استحي على دمي واحضر الصينية على الاقل عشان تكون جاهزة للفرن قبل جية معزوز افندي
لالالالالالالا الكسل سيطر علي وقلت خليني انام حتة بسسسسسسسسس
ومحسوبتكو تسحبها نووووووووووومة وما تفيق غيرة على صوة الباب وهو عم يفتح
وطب اجى الافندي
وليييييييييييي اجى وانا معملتش اشي
اخخ على الاحراج
اطلعت عليه بقوله متأسفة راحت علي نومة
والله ياسمحة كنت متوقعة منه انه يتبرع ويحن علي ويعمل الصينية عني
حكالي لالالالالالالالالا قومي انتي اطبخيها مش انتي كنتي ناوية تطبخيها
اخخخ
وقمت بها الليل اقشر البطاطا واجهز بصينية السمك قولو بساعة كنت مخلصة
ورجعت مقهورة ومغيوظة منه بحكيله الله يسامحك بدل ما تتبرع انت وتطبخها هيك تخليني اتعب بنص ها الليل
حكالي تستاهلي عشان تاني مرة تخلصي شغلك قبل ما تنامي
والحمد لله عدت على خير طبخنا وجلينا ورتبنا الدار
ههههههه بنص الليييييييييييييل
وسلامة تسلمكووووووووووو

دكتورة انا كنت مصورة شوية حاجات في تنظيفي لبيتي
في فترة غيابك

بعاود برجع اطولهم من بين الصفحات ان شاء الله

اوك يا لموسة يا حلوة لما بوقع عليك الأختيار ممكن تعاوديهم بس ياريت لو تصورينا اشياء جديدة نستفيد منك ونفيدك يا قمر مشكورة على تعاونك يا حلوة

فكره جميله جدا ان شاء الله يرزوقك با لزرية الصا لحه من بنين وبنات

[CENTER][SIZE="5"]

كتبت بواسطة lanazn

يعطيكي العافية يا نسرين.. شكله اليوم رح امشي على الجدول الاحتياطي..

يا ريت تقوليلنا كيف بيعملوا البرغل بالفول..

سلامااات
كيفكون
والله الحمد لله هلق خلص كلللل الجدول وكلو تمام التمام
الف حمد وشكر
البرغل بالفول
طريقته
اول شي بنغسل مثلا كوبين برغل خشن
ونحطه في طنجرة على النار وبدون اي اضافات
ونحمصه لحد ما ينشف منيح ويصير كأنو مو مغسول
ناشف على الاخر
وهو سخن
نضع عليه تقريبا ربع كوب زيت زيتون وهذا السر
لانو هيك بيطلع اطيب وكل حبة بحبتها ,,,,

ونحرك بسرعة
ونحط الماء
انا بحط لكل كوب برغل حوالي كوب وتلات ارباع ماء
ونتركه ينضج منيح مع رشة ملح
وقبل ما يستوي بشوي
نضع عليه الفول الاخضر
بس الفول اذا كان من الفريزر بغسله شوي وبسلقه بالماء لحد ما يستوي
ولما يستوي الفول بصفيه وبحطه على البرغل .. الي اصلا قرب يستوي كمان
وبعدل الطعم والملح
وبتركه على نار خفييييييييييفة كتير
متل تهداية الرز
واخر لحظة بحط عليه تقريبا باقة من الكزبرة الخضرا مفرومة وكمان حوالي 4 حصوص توم مهروس ناعم
وبخلطهم سوا
وبقدم معاه لبن روب ... زبادي

والف صحة

كتبت بواسطة دكتورة82

صباح الخيرات ياقمرات:


انا اسفة اني تأخرت عليكم


اليوم الجدول كالتالي:

اللي عندها غسيل تحط { المفروض السلة فاضية} فعلا الحمد لله فضيت

تنظيف غرفة الضيوف كاملة... انا نضفت البيت كلوووووو.. الحمد لله

تنشيف البيت كاملا..... حصل والف حمد وشكر

تطبيق الملابس متع امبارح وكمان طبقت الملابس وطلع عندي شوية كوي كويتهم وخلصت منهم اول باول

غسل سلال القمامة تبع البيت ..... كمان عملت هيك ونضفت كل شي



حبيباتي عندي اقتراح وياريت يعجيبكم

الأقتراح هو عبارة عن اختبار سريع للقدرات التنظيفية

وهو انه كل مرة نختار وحدة بينا ونطلب منها تصورلنا كيف نظفت الفرن؟ او الثلاجة ؟
او اي شيئ المهم انه كل مرة نختار وحدة ياريت لو الموضوع عجبكم او ما عجبكم تردوا علي واللي ما تقدر تقول انا اعتذر وما اقدر اشارك معاكم


صدقوني بهذا الموضوع راح نستفيد من بعض ونحفز بعض اكثر على النظافة


وليكم مني كل الحب يا غاليات

جاهزين يا قمرة
لو حبيتو
ممكن اصورلكم اليوم مطبخي بما انو بيضوي
هههههههههههه

كتبت بواسطة allmasa

اميرة يعينك على الجلي ...تجيبيليش سيرته امبارح جليت الساعة 12 بالليل
هفففففففف متى اسكن داري الجديدة واجيب ها الجلاية عاااااااااااد

ولا عرفت اغسل امبارح انا يا نسرين
الشتا ما شاء الله عليه طول النهار وهي نازلة عنا كبس
وبالليل اشتتتتتتت كتير ما شاء الله
خلص بلش الشتا وهلاء صار الغسيل اول ما نلاقي الشموسة نلحق نغسل

يعطيكي العافية الماسة
انا من سورية بس مقيمة بالامارات
يعني لسا الله اعلم ايمتى يصير عنا شتا
لسا نحنا عايشين على المكيف
الحر موووت ... رهيب
وكمان فوقها في رطوبة
يعني بنشر غسيلي في البيت على المنشر
ما بقدر انشر على البلكونة لانو بتصير ريحة الملابس كأنو سمك ريحة بحر ههههههه
[QUOTE=د.منى;9015556]صباحكن عسل يا حلوات ...كيف الحال والاحوال والله الوضع عندي تمااااااااام بس هالكويات مش عارف ايش مالي عليهم...


اهلين حبيبتي كيفك





كوكي الحلوة كيفك يا قمرة...انا بحكي تنزليهم في نفس الموضوع كمان اذا انعمل جزء جديد تنزليهم في بداية الموضوع...يعطيكي العافية على جهودك الحلوة



يا احلى اميرة كيفك يلا الله بيعينك قومي اجليهم بلا ما يزيدوا لانهم عليكي عليكي


الله يعافيكي يا عمري كيفك



اليمان كيفك يا عسل يعطيكي العافية ..احكيلي كيف بتعمليها هالاكلة فول وبرغل




اهلا يا د. منى
انا فعلا كتبت الاكلة قبل شوي بالرد
شوفيه وقوليلي رأيك لو جربتيها



[Q

[

[COLOR="Purple"]كيفك نسرين
منوره ياقمر[/COLOR]