ماشاءالله عليكى يا أمولةوالله بحبك فى الله ربنا يكتبلك الاجروالثواب ويجعل كل اللى بتعلميهولنا فى ميزان حسناتك ان شاء الله

جزاك الله خيرا
معلومات و نصايح غالية
جزاك الله خيرا و بارك الله فيكى
انا بقه عندى درج كراكيب مش عارفة اعمل ايه فيه
عندى مجموعة كبيرة من نظارات الشمس و النظر القديمة مع ساعات يد كتير منها اللى بايظ و اللى عايز استيك
مش عارفة اعمل فيهم ايه

كتبت بواسطة iill

السلام عليكم ورحمة الله وبركاته

الموضوع عجبني كتير ومشكورة على النصائح الجميلة دي
انا بقا عندي مشكلة فلو حتساعديني فيها اكون مشكورة كتير ليكي

انا قبل ما اتجوز وانا وحيدة اهلي لا اخوان ولا خوات اهلي دلعوني زيادة
وللاسف بعد الزواج عرفت ان ده كان اكبر غلط من الاهل نفسو مما خلاني اكون كسولة جدا وعاهدت
نفسي ان لما اخلف انشاء الله مش هدلع اولادي عشان عارفة ان ده هيعكس
عليهم شوية كده وشوية كده مش كلو دلع ...

المهم مش رح اطول عليكي كتير انا مجوزة بقالي سنتين ونص طبعا انا و زوجي
بنشتغل لفترة طويلة وكل واحد فيها مابيصدق يرجع البيت عشان ينام ويرتاح
يادوبك ارجع من الشغل واطبخ تكون الساعة بقت 4 - 4ونص على ما يجي جوزي
يتغدى نروح احنا ننام لحد بالليل في الوقت ده بسلق لحمتي او فرختي عشان تاني يوم

وهكذا نظام حياتنا ... وبقت تتزايد في بيتي الكراكيب في بيتي لدرجة انها سببتلي مشكلة
انا شخصيا عايزة اتخلص منها بلمح البصر ومش عارفة الصراحة

اريد حلا اختي الفاضلة

'اولا السلام عليكم

الحل في منتهي البساطه
هنقسم الكراكيب لكل حجره
وكل يوم بجانب اهتماماتك اليوميه
ساعه فقط انا ان شاء الله وانتي مرتاحه


وفي ورقه بتحددي هدفك
خلي بالك الاضاءه بتكون سبب مباشر
في ارتياحك نفسيا في التخلص من الكراكيب
انا عن نفسي لمبات الموفره للطاقه
اضائتها مريحه للعين
ولاتسبب توهج حراري

كراكيب يتم الاستغناء عنها
هنمسك كل مره حجره
حجره النوم
ملابس ضاقت عليكي رغم انها جديده
لاي اخت من اخواتك او اللي
تكون محتاجاها
او في كيس كبير لاي دار ايتام


احذيه لاولادك وليكي صغرت
كتب ومجلات
كراتين فارغه
خيوط وقصاقيص بتخليها في شنطه ممينزه في اسفل دولابك
وقت ماتكوني عايزه تعملي اعمال فنيه
او خياطه

شنطك الكتيره القديمه قوي والجديده
استنضفي منهم زوج علي الاقل
واحده للخروج للعمل والاخري عند الاقارب والفسح
ماكينه الخياطه بتعملي ليها كسوه من تراب يحمها
الشفونيره عليها فقط
سبت الوانه جميله به المشط والادوات اليوميه زيت الشعر والبرفان
منبه جميل
راديو اوتسجيل صغير لسماع القران وانت بترتبي
علي كرسي حجره النوم بتطبقي البطانيه والكوفرته
مره كل اسبوع بتمسحي خشب حجره نومك والسرير الاماكن الي بها ارتفاعات
مره كل اسبوع بتنضفي بالمكنسه من جوانب السرير لان التراب بيعمل تراكمات حساسيه
زجاج باب بلاكونه حجره النوم او الشباك بورق الجرايد وشويه ماء وخل
بقماشه بها مسحوق منداه البصمات التي بتكون بجوار كبس نور حجرتك

السجاده بتغسليها مره كل شهر بتاعه حجره النوم

وعلي فكره لما بتتوكلي علي الله وانتي ناويه اي عمل
بيبصر عقلك
وماتصعبش عليكي الكراكيب لانه سيكلوجيا بيكون بينك وبين الكراكيب عاطفه

عودي اولادك يساعدوك في هذا بان كل واحد يجرد الحاجه المحتاج اليه
اذا كانو كبارا

في كيس مسامي اي مثلا زي اللي بيخزن به الدقيق
الملابس اللي ممكن تكن فيه اولاد تفاوت في الحجم ممكن تلبسه السنه الجايه فقط
وليس بعد 5 سنين


لاني مثلا اولادي مثلا جاكت شيك جلد غالي التمن ممكن ينفع اخوه السنه الجايه مفيش مشكله بيكون علي شماعه في الدولاب

دولابك لو معلقه حاجاتك علي شماعات هتعرفي ايه اللي بتلبسيه وايه الشماعات اللي عليها الحاجه
بدون استخدام

وحتي لايكون كلامي مكرر
اقرئي الموضوع بتاني هتعرفي
باقي الحجر تتخلصي من كراكيبها ازاي




وكراكيب في المطبخ زي الاطباق الكتير
بتخلي فقط الاستعمال بعدد الاسره

بارك الله فيك نصائح من ذهب حقا

السلام عليكم
في بعض الاحيان يدخل الشيطان بين الاخوات بسبب امور تتعلق بالمال
او اهتمام الام باحدي الاخوات اكتر منك
وفي بعض الاحيان يتحول الوهم
الي حقد
حاولي كما نفعل دائما تصفيه اي خلافات سواء بالمقابله المباشره او بالتليفون

وتذكر ي دائما قول الله عز وجل
بسم الله الرحمن الرحيم
ربنا لاتجعل في قلوبنا غلا للذين امنوا
صدق الله العظيم



ممكن تقومي بعمل الصلح بين افراد اسرتك
وان يكون جو اللقاء موده ورحمه

تسلمي
موضوع روووعة

ربنا يبارك فيك يا حبيبتى جزاك الله كل الخير يارب معلوماتك جميله ومفيده

جزاك الله خيرا على النصائح الحلوة

مشكوره على النصائح الاكثر من رائعه
وبحاول على قد مااقدر انفذ نصائحك الرائعه

صباح الخيرات والمسرات
شكرا لك على كل كلمة
وحرف ذكريتهم
تسلمي وكل عام وانت بخير
عيد سعيد