السلام عليكم حرات ليبيا الحرة منحبش كلمة حرائر احسها امتع المقبور ههه وبالنسبة ليا انا واصغاري ما طلعناش على قد ما درنا فيه ابوهم سكر راسه ويقول تحسبوني مهبول انطلعكم والبلاد على قرن ثور ههههوالله جرته اسمع كلام الطحالب هههههه ونقوله نكاية فيهم طلعنا قال شي لا لا وقولت في خاطري الميدان امعبي وانا واللي زي كان اطلع كيف امالاه الميدان ايكون بسم الله ما شاء الله وعلى فكرة في الشارع المؤيدين وجوهم واضحة ومسودة وقريب ايموتو تعرفي المؤيد وامعارض سبحان الله ....وكيف حالك انت يا جنان وربي يحفظ زكريا ههه وسراج وضحكتني ام ياسمين ليبيا والله نفس الشعور قريب نتكلم بصوت عالي ونقول محلاك يا ليبيا من غير بو شفشوفة من كل قلبي هههوالمشية اللي فاتت واحنا نحتفلو قريب خربتله الكلاكس واندير في ارفع راسك فوق انت ليبي حر حتى من ولدي زكريا تعلمها و ايدير فيها هههه

اشجان الحياة خيرها في غيرها المرة الجاية واما ام ادير والله كلامك حق ههه

طائرات أمريكية بلا طيار تُحلّق فوق سوريا

تعمل على جمع المعلومات وترصد الهجمات العسكرية السورية ضد قوى المعارضة والمدنيين اللهمفرج على سوريا

السلام عليكم و ماشاء الله على الجميع اني كنت امتابعه المجلس لكن غبت يومين (هههه طبعا هنا مش يومين ) لقيت الجلسه زحما هلبا بصراحه احلى جلسه وربي اسمعنا فيها الاخبار الحلوه علي بلادنا

السلام عليكم
شن الاخبار جميعا عساكن بخير يارب
وكل عام وبلادي بألف خير يـــــــــــــــــــــــــــــــــــــــــارب

اليومين اللي فاتوا كانوا من احلى ايام البلاد والعباد اللهم لك الحمد والشكر

لكن قصة الكفره المبهمه مخليه الفرحه ناقصه
وخاااااااااااااااااااااااااااااااااااااااطرررررررر ررررررررررررري نعرف ليش كل هالتعتيم الاعلامي ؟؟؟؟
وفي نفس الوقت ليش الحكومه الموقره امتفهه قصة الحدود وخاصة حدودنا مع تشاد والنيجر ؟؟؟؟؟
وخااااااااطرررررري نعرف ليش لما الكفره طلبت مساعده من المجلس العكسري ببنغازي تم رفض مساعدة اهلنا في الكفره ؟؟؟
وخاااااااطري حد يفهمني شن المقصود من كلام ناكر اللي قالوا انه قال ان في جنسيات غير ليبيه قاتلت معنا
في حرب التحرير ويجب رد لها الجميل !!!!! يعني هل انبيع بلادنا عشان انردوا الجميل ؟؟؟؟





اتمنى ان يوقف نزيف الدم اللي في الكفره
واتمنى من القنوات العالميه والعربيه اللي يقودوها اليهود يخففوا حملتهم علينا
في فرحتنا بذكرة الثوره بدل ما يحكوا عن ثورتنا لا قعدوا ايوقلك منظمة العفو الدوليه قالت كذا وكذا
والمليشيات مش تحت السيطره
وتناسوا تماما ان ليبيا نجحت في اكثر من اختبار
الاختبار الاول اختبار عيد الفطر المبارك بالرغم من ان وقتها كنا في حالة حرب
ولكن لم يحدث اي خرقات امنيه في كافة المدن المحرره آنذاك بما فيهن العاصمه
اللي تحررت قبل العيد بكم يوم
والاختبار الثاني عيد الاضحى
والثالث رأس السنه
والرابع ذكرى مولد الرسول عليه الصلاة والسلام
والخااااااااااااااامس ذكرى ثورتنا اللي انطلقت الاحتفالات منذ 15 فبراير
اي يعني 3 ايام متواصله من الاحتفالات في كافة انحاء البلاد ولا يوجد اي انفلات امني بسيط
وهذا كله بفضل الرحمن علينا وبعزيمة شبابنا وثوارنا الاحرار

واخيرا
ياريت يا حكومتنا الموقره ومجلسنا الموقر تنقذوا هلنا في الكفره
ونتمنى ان تحرر الكفره في اسرع وقت

دمتن بود وحب وسلام

السلام عليكم

كتبت بواسطة جنان 92

روووووووووووعة طرابلس
الاحتفال راقي عالاخر
عقبال سوريا يا رب

كتبت بواسطة ام ياسمين ليبيا

امس يابنات بسم الله ماشاء الله
طرابلس على بكرة ابيها طالعة تحتفل
تقولي ماحد قاعد في حوشه
رغم برودة الجو لكن ماشاء الله زحمة والكل طالع وفرحان
طلعت حتى اني والعويلة
طول الطريق ونقول سبحان الله هالناس عمرهم مافكروا يطلعوا ايام الفاتح امتعه
واليوم ماشاء الله غاصة بيهم شوارع طرابلس
كل شارع محتفل بطريقته
ووين ماتمري يبخوا عليك الزهر والحلوى والشكلاتة
والهدايا التذكارية
يعني اجواء في حياتنا ماحسينا بيها
ماشاء الله ليل طرابلس نور من كتر المناطيد اللي داروها الناس في كل مكان
تقولي الا نجوم الله يبارك
الزحمة في ميدان الشهداء بصراحة مخلتناش ننزلوا لاننا منحبوش انخشوا في الزحمة
وقفنا بالسيارة من بعيد على الكورنيش تفرجنا وبعتالي كملنا اللفة في باقي شوارع طرابلس
ياسلام
حاجة والله ماقدرت كل وسائل الاعلام توصلها عالتلفزيون
الناس بعفوية تحتفل وتفرح بطريقتها
يابنات ان شاء الله قدرت انوصلكم اللي شفته وحسيته في طرابلس
خاصة اوخياتنا المغتربات ربي يردكم لبلادكم على خير يارب

جزاك الله خير يا ام ياسمين
الحق كلامك بكاني .. سبحان الله كان المفترض نكون الفترة هادي ف يليبيا لكن قدر الله و ما شاء فعل
بس فرحت لاهلنا في ليبيا
فرحتهم كانت قد معانتهم بالذات اهل طرابلس
يا ناس 6 شهور و هما تحت القهر
الحمد لله الواحد الاحد .