دخلتي الجامعة : تعالى أقولك همسة فى أذنك

أيام الجامعة .. أيام مبتتنسيش

سعادة غامرة اخيرا اتخلصتي من عبق المدارس .. ودخلتى فى حياة جديدة ومرحلة جميلة


خلاص البنوتة الصغيورة اللى كانت بتشيل شنطتها على ظهرها وتروح تلحق طابورها اصبحت فتاة على مشارف مرحلة جديدة من عمرها ( مرحلة الجامعة)



لكن أختى الحبيبة عايزة أضربلك مثال

لو عندك واحدة جارتك دخلت امتحان وخلصته ونجحت فيه
وجيتى انتى تدخلىنفس الامتحان ياترى ايه اول حاجة هتعمليها ؟؟


هسألها طبعا عملت ايه عشان تنجح فيه وتتفوق
وانا بردوا عايزاكى تخدي منا شوية خبرات ياشابة

بما انى خلصت جامعة واتخرجت
فعايزة أهمس فى أذنك بشوية حاجات هتنفعك ان شاء الله
هنحاول نساعدك
ازاااي اذاكر .. طيب ازاى اختار صديقاتي .. ازاى ابقى متفوقة

.. ازاى اعيش حياة الجامعة بالتزام وبحب الله
كل ده هنخده مع بعض ان شاء الله
فى أول سلسلة على أحلى حياة خاصة لبنات الجامعات الحلوات

يالا ياقمر انا عزماكي على عصير ليمون مش اي كلام فى كافتيريا الجامعية
وتعالى نبدأ نحكي مع بعض



للأمانة: منقول

يتبع بإذن الله

سلمت يداك

السلام عليكم ورحمة الله وبركاته


كـيف الحال ؟!
أصلها بتفرق من واحدة لواحدة طيب يعني ايه ؟


يعني ممكن واحدة

يدِخلها من باب الامر بالمعروف والنهي عن المنكر



وانا شاب غلبان زعلان من نفسي تعبان وشوفت التزامك ونفسك تخدي بايدي

النوعية دى منها كتيرررررر اوووي وبدايتها بتكون من على النت

وبعد كدة التطور الحقيقى للحاجة الساقعة


بتبقى خروجات ومقابلات وكافيهات وسلاطات مين قال هات


شوفت بعينى والله بالصدفة شباب على الفيس بوك داخلين معلقين على صورة بنت



واللى يقولها



ضيفينى وخدي بإيدي للخير جزاكي الله كل خير



واللى يقولها



بسم الله ما شاء الله حضرتك قمر حفظكي الله ورعاكِ


واللى يقولها


جزاكي الله خير على طلب الصداقة شكرا لكي
والناس كلها بقيت شيوخ ما شاء الله عليهم

وياريت تشوفوا الموضوع ده وانتوا تعرفوا قصدي


طلب صداقة على الفيس توك



وفي واحدة تانية

يدخلها من باب انا مجروح وانتى الطبيب


وواحدة تانية

يدخلها من ايتها باب عااااااتى عااااااتى : D



والله العظييم يابنااات كل ده ضحك على الدقون


انا حابة أنصح البنات اللى داخلة حياة جديدة

( حياة الجامعة وحوارتها الغريبة )

هتقابلي ناس كتيرة وهتلاقى فى جامعتك شباب اكتر من الهم على القلب
يعنى بعد مثلا ماكان بقالك 6 سنين فى مدارس للبنات فقط (مش مشتركة)
هتلاقي جو مختلط وتبقى قاعدة فى المدرج وراكي شباب وقدامك شباب
من اولها بجد حافظى على قلبك ده مفيش أغلى منه


اقولك على موقف حصلي بجد فى اول اسبوع من الجامعة


بيني وبينك بس عشان انتى صاحبتى هحكهولك

واحدة اتعرفت عليها فى اول اسبوع من الجامعة

كانت فى الاول البنوتة دي احيانا ليها زمايل شباب بتسلم عليهم بس سلام سلام

بس بعد كده ربنا تاب عليها واكرمها وما شاء الله دلوقتى عليها

المهم وقتها كنت ماشية انا وهي
لاقيت واحد طب ناحيتنا بالبرشوت هوباااااااا

و سلم عليها بص طبعا لاقنى معاها قالك ايه نصطاد فى المياه العكرة : D




نكمل المشاركة الجاية >>>

قالها مش تعرفينا :

والله العظيم ربنا قذف على لسانى انى اقوله مبتعرفش على حد قولتها ازاى؟!! معرفش

انا بطبعي خجولة اوووى بس ربنا قدرنى اقول كده لانه مش عايزنى احط نفسي فى دوامة الاختلاط دى اللى ما ليها اول من اخر

البنات بطبعها قلوبها رقيقة اووووي .. واى واحدة حد داخل يتعرف كده بجنتلة ورومانسية تقولك ايه



لا حرام اكسفه يعني



طيب شوفي بقى الشخص اللى خايفة انك تكسفيه عمل ايه بعد كده

تخيلوا موقف الولد لما لاقنى بقى (كـــبة) كده


زى ما بيقولوا الجنتلة راحت بقى لحالها وقال لصحبتى حاجة كده ومشي


عارفين كان بيقولها ايه ؟؟


قالتلى بعد فترة عارفة الواد اتغاظ انك مش رضيتى تكلميه

وقالها ما تسيبك منها خليها تمشي وتعالى انتى معانا


بس هي طبعا مرضيتش

انا مش بحكي الحكاية دى عشان اقول انى فندام ولا طنطكم الطاهرة الشريفة :

ده انا انسانة قليلة اوووووووووووووى وفيه احسن مني بالملايييييييييييين


بس كل اللى عايزة ابينه لكم يابنات

الشباب مش عايزة غير انها تتسلى بالبنات

عمر ماحد محترم هيعوز يرتبط ببنت إلا عن طريق الحلال وانه يجي لحد بيتها

وبصراحة عمر ما شاب فى اولى جامعة هيقدر يفتح بيت ولا يتجوز منضحكش على نفسنا

والله يابنات انا خايفة عليكم متدوش ودنكم لاى شاب


واياكن والصحبة السيئة

بجد اضر شىء عليكم

سمعت عن شاب حاول يقلع عن التدخين وفضل شهر الا شوية ميدخنش لحد ما نزل مااصحابه فى خروجه لاقهم كلهم بيشربوا شرب معاهم





الصاحب ساحب بجد

حاولوا تنتقوا صديقاتكم يابنات وخليكم مع الصحبة الصالحة اللى تشد بإيدكم للخير

وثقي انه اى بنت عملت العكس واتمشيت مع ده وكلمت ده والله ربنا ما بياركلها بعد كده

إلا طبعا لو تابت


وشوفت بعينى نماذج وحكايات حقيقة هحكيلكم عنها الحكايات القادمة

ربنا يكرمكن ويفرحكن وان شاء الله يجعلكن من المتفوقات وعايزين مجاميع كبيرة فى الجامعات

مقبول اوعى جيد ياريت جيد جداا حبيبى وكفاءة

طبعاً حقوق الطبع والنشر محفوظة لكل مسلمة ومسلم فى اى مكان تحبوه

وعايزكم تبصوا بصية صغيرة على المواضيع دى إن شاء الله تفيدكم ياقمرات

~ :: أنا عاوزه أعيش قصه حـب :: ~ ‏



قلبك نيو (إستخدام جديد) ولا سكند هاند (مستعمل ) !!؟

ممكن تحفظى قلبك فى مكان و تضيعى المفتاح ▓

اه بجد مش بهزر

قلبك ده اصله مش شىء رخيص شىء غالى

حطيه فى مكان امان فى مكان عالى

مش اى حاجه تشده ولا تغريه

مش بكلمه حلوه خلاص ده بقى حبيبى

ولا بنظره خارجه خلاص ده بقى عينى

ولا بمعامله كدابه ده بقى روحى

لاء حبيبتى

ده مش صحيح

بنى ادم ده بس يتقال عليه كداب

غاوى يلف ويدور وميدخلش من باب

على ايه بقى تتعبى قلبك ؟

قلوبنا لو قدر ليها تتعب

مش بالحب ده سيبى تعب القلوب لشىء اطهر

لذنب ارتكبناه مش عشان حبيب سيبناه

قارنى كده بينك وبين نفسك

انهى احق فــ دول ابكى عليه و يألمنى ؟

انتى مسلمه من فوقك لتحتك ربنا حفظك

تيجى انتى تضيعى ده باسم الحب؟

يبقى ربنا سبحانه وتعالى مغليكى و انتى باقل تمن بقيتى تبيعى ؟

مستعجله ليه النصيب ؟

وهو هيجى لحد عندك

اوعى تفتكرى ان لقلبك مفتاحين هو مفتاح واحد و بس

واوعى تفتكرى ان الزوج الصالح

هيقبل ياخد قلب اتفتح قبل كده

يبقى اختارى من دلوقتى

قلب متعدد الاستخدام ؟

والا قلب محفوظ لزوج صالح ؟

متقارنيش نفسك بغيرك

وسيبك من كل واحده غرقانه فى ذنبها

ومش مهم تكونى مختلفه عن غيرك فى الدنيا

المهم تكونى مختلفه عنهم فى الاخره

قلبك مدخلهوش غير زوج صالح

مش ساع من الحبايب الف

فكرى اختى فى كلامى ومتعتبرهوش مجرد كلام اتقال

لاء قررى تطبيقه بافعال


ممــــا راق لــي ..

يالا مرواااااااااح ) ومتنسوش تدعولى معاكم

بحبكن فى الله

يتبع بإذن الله

تجربة مفيدة ، جزاكي الله خير ونفع بك
دعواتي لك اختي الحبيبة =)

يسلمك ربي