يا تري طريقي لربنا أمشي فيه إزاي ؟؟

ناس كتير نفسها تعرف هو الطريق لربنا الواحد يستمر عليه إزاي

تمشي شوية وتقع

ومش فاهمة إحنا هنمشي إزاي

في الأول تعالوا نفضفض مع بعض في شوية حاجات وبعدها نعرف طريق ربنا

بإذن الله نمشي فيه إزاي

في حياتنا لما بنكون مسافرين

أكيد بنبقي عارفين يا تري سفرنا ده لفين وهنسافر بإيه بعربيه ولا بطيارة ولا

بالباخرة حتي

وبنبقي عارفين الطريق هيكون ماشي إزاي من فين لفين وهنسافر إتجاه الشرق

ولا الغرب والشمال ولا الجنوب

وبيبقي معانا شنطة فيها الزاد اللي محتاجينه من أكل وشرب ولبس وأي حاجة

تانية محتاجينها

صح ؟

طيب وبنبقي عارفين إيه كمان

وبنبقي عارفين هل ممكن تقابلنا صعوبات في الطريق ده ونوعها إيه من الجو حر برد

الطريق ملتوي وأحيانا لما يكون الطريق طويل بناخد إستراحة وأحيانا بنبقي

عارفين من السواق هناخد rest فين وبعدها نكمل

صح ولا لأ؟؟

كل ده وإحنا مسافرين سفر عادي في الدنيا

طيب يا تري وانا مســــافر للآخرة مســـافر لربنا يا تري هيكون السفر ده صفاته إيه بكل ما يحتويه

المفروض أكون ذكي وعارف طريقي صح

وبما إن إحنا في أحلي حياة وبإذن الله نكون عايشين أحلي حياة

تعالوا نشوف أحلي حياة مع ربنا وسفري له مواصفاته إيه

1_أول حاجة خالص لازم أفهم طبيعة الطريق

يا تري انا ومسافر لربنا طبيعة الطريق دي إيه؟؟

انا وفي طريقي لربنا طريقي هو واحد مبيتغيرش هو

الصراط المستقيم

فطريق ربنا واحد مفيش غيره

وده ثبت عن النبي صلي الله عليه وسلم أنه خط خطا ثم قال : (هذا سبيل الله )

ثم خط خطوطا عن يمينه وخطوطا عن يساره ثم قال : (هذه سبل علي كل سبيل منها شيطان يدعو إليه)

ثم قرأ

وَأَنَّ هَذَا صِرَاطِي مُسْتَقِيمًا فَاتَّبِعُوهُ وَلا تَتَّبِعُوا السُّبُلَ فَتَفَرَّقَ بِكُمْ عَنْ سَبِيلِهِ ذَلِكُمْ وَصَّاكُمْ بِهِ لَعَلَّكُمْ تَتَّقُونَ

ومن هذه قول الله تعالي

((اللَّهُ وَلِيُّ الَّذِينَ آمَنُوا يُخْرِجُهُمْ مِنَ الظُّلُمَاتِ إِلَى النُّورِ وَالَّذِينَ كَفَرُوا أَوْلِيَاؤُهُمُ الطَّاغُوتُ يُخْرِجُونَهُمْ مِنَ النُّورِ إِلَى الظُّلُمَاتِ أُوْلَئِكَ أَصْحَابُ النَّارِ هُمْ فِيهَا خَالِدُونَ))[البقرة:257]

فوحد النور اللي هو سبيله وجمع الظلمات اللي هي سبل الشيطان

فبكده عرفنا إن طريق ربنا واحد هو الحق المبين

لكن الباطل طرقه كتييييرة

طيب طريق ربنا ده فيه إستعدادات كتير

هي إيه ؟؟

1_يعني مثلا واحد عنده إستعداد كبير اوي ومشغول أوي بطلب العلم والتعلم

2_في واحد تاني الذكرهو السيد عمله بيحس إنه بيرتاح فيه ولو قصر فيه يحس إنه إنه خسر كتيييييييير أوي

3_وفي واحد تالت الصلاة هي سيد عمله لو قصر في عددها أو غفل عن جزء منها شعر بضيق في صدره

4_وفي واحد رابع شغله الشاغل الإحسان للناس والنفع المتعدي وتفريج الكربات وإغاثة اللهفان وصدقات وقضاء الحاجات

5_وفي واحد الصوم هو سيد عمله فلو فطر قلبه يتغير ويشعر بضيق

6_وفي واحد الأمر بالمعروف والنهي عن المنكر ربنا فتح عليه فيه ووجد فيه طريقه لربنا

7_وفي واحد الطريق اللي نفذ بيه لربنا هو الحج والإعتمار

8_ومنهم اللي بيراعي الخواطر وبيحافظ علي وقته إنه مش يضيع ودايما مراقب نفسه

9_وفي بقي واحد جمع بين ده كله ضرب من كل فريق بسهم

في أي مكان للعبودية تلاقيه

أي طريق يعرف إنه بيوصل لربنا يسلكه علطول

وهو ده بقي العبد اللي نفذ لربنا حقيقة

وقلبه متعلق بربنا خاااالص في قلبه مفيش محبة غير ربنا وأوامره وطلب التقرب له

وأكيد الإنسان ده هيعييييييييييش بجد حبه وقرة عينه وحياته ربنا وهيذوب شوقا للقائه ولتقطع شكرا له

لكن القلوب اللي حجبت عن كل ده ده نتيجة لإخلادها وركونها لشهواتها وتعلقت بالإسباب

وبكده إنتهينا من طبيعة الطريق

نيجي لتاني حاجة وهي مهمة جداااااااااا

وهي إيه؟؟

2_ صاحبك في السفر رفيقك

وليه كمان مش يكونوا صحبة مش واحد بس

قال سبحانه

-(مُّحَمَّدٌ رَّسُولُ اللَّهِ وَالَّذِينَ مَعَهُ أَشِدَّاء عَلَى الْكُفَّارِ رُحَمَاء بَيْنَهُمْ تَرَاهُمْ رُكَّعاً سُجَّداً يَبْتَغُونَ فَضْلاً مِّنَ اللَّهِ وَرِضْوَاناً سِيمَاهُمْ فِي وُجُوهِهِم مِّنْ أَثَرِ السُّجُودِ ذَلِكَ مَثَلُهُمْ فِي التَّوْرَاةِ وَمَثَلُهُمْ فِي الْإِنجِيلِ كَزَرْعٍ أَخْرَجَ شَطْأَهُ فَآزَرَهُ فَاسْتَغْلَظَ فَاسْتَوَى عَلَى سُوقِهِ يُعْجِبُ الزُّرَّاعَ لِيَغِيظَ بِهِمُ الْكُفَّارَ وَعَدَ اللَّهُ الَّذِينَ آمَنُوا وَعَمِلُوا الصَّالِحَاتِ مِنْهُم مَّغْفِرَةً وَأَجْراً عَظِيماً) (الفتح 29 )

صاحبك ده لو تعبت يشد من أذرك ويعينك

علشان تذهب عنك وحشة التفرد وتأنس بهم وتصحح لك الأخطاء وتوضح لك عقبات الطريق

والناس دي طبعا ليها خصائص وصفات معينة دول أصحابك في طريقك للآخرة مش أي طريق

طب يا تري إيه صفات رفقتي في رحلتي للآخرة ؟؟

دول اللي همتهم عاليــــه ونيتهم صافية مفهاش حاجة وحشة

وسلكوهم سوي وبيسابقوا الناس وتركوا الخمول والسكون وبيجروا علشان

يرضوا ربنا

هدفهم ربنا مش مستنين حد بقي يقول عليهم دول هما اللي مافيش زيهم ولا

تترفعلهم الأعلام ولا كل ده

مش شايفين غير رضا ربنا

فلازم نعرف نختار كويس رفقاء الطريق

3_تالت حاجة بقي إنك تحدد هدفك

لااااااااااااازم تبقي حاطط عينك علي الهدف

ينفع مثلا تبقي مسافر وزي ما

العربيه أو أي وسيلة تانية توديك خلاص تنزل

ولا بتبقي عارف إنت مسافر فين بالظبط

وييبتبقي ناوي من الأول إنت رايح فين

وزي كده المؤمن لازم يكون ليه نيه صادقة علي طول الطريق وعارف هدفه فين

زي ما قال حبيبك محمد صلي الله عليه وسلم

عن أمير المؤمنين أبي حفص عمر بن الخطاب رضي الله عنه ، قال : سمعت رسول الله صلى الله عليه وسلم يقول :( إنما الأعمال بالنيّات ، وإنما لكل امريء مانوى ، فمن كانت هجرته إلى الله ورسوله ، فهجرته إلى الله ورسوله ، ومن كانت هجرته لدنيا يصيبها ، أو امرأة ينكحها ، فهجرته إلى ما هاجر إليه ). رواه البخاري ومسلم في صحيحهما .

فلازم تحدد هدفك ونيتك ياتري إنت سلكت الطريق ده ليـــه ؟؟

علشان

يقولوا عليك شيخ ولا علشان فشلت في إنك تحصل علي اللي عايزه في الدنيا

فعايز تاخدها بزعم إنك بتعمل للآخرة

فخد بالك النية دي بتحدد كـــل حاجة وبيتميز الأشخاص من واحد للتاني

وبيها هتحدد هجرتك ياتري لمـــين ؟!

فلو حددت هدفك ومقصدك في الرحلة دي

وحددت ووحدت القصد منها ( إرادة وجهه الله ) والمقصود منها ( الله سبحانه وتعالي )

يبقي انت بجد هترتاح خااااااااااااالص في الرحلة دي

وانتظرونا لسه في حاجتين إحنا محتاجنهم في السفر قبل ما نبدأ الرحلة 0

يا تري هيكونوا إيه ؟؟

وياتري في عقبات هتقابلنا في الرحلة دي

وإيه هيه؟؟

وياتري في إستراحة في سفرنا ده وفين

بالظبط ؟؟

كل ده لازم نعرفه زي ما اتفقنا قبل السفر

إنتظرووونا بإذن المولي

عدنا بفضل الله



نيجي بقي لرابع حاجة



وفي ناس للأسف ممكن تغلط فيها




طيب يا تري هيه إيه ؟؟




مقومات السفر




مقومات السفر !!




اه


طيب ماشي هيه إيه ؟؟



مقومات السفر دي هي منهجنا الجميل




منهجنا اللي ربنا وضعه ووضحه لينا حبيبك محمد صلي الله عليه وسلم




هي عبادتنا وأعمالنا




عبادتنا وأعمالنا دي توقيفية



توقيفية !!!


امممممممم



اه توقيفية



يعني مينفعش تعمل حاجة مش وردت لا في القرآن والسنة




يعني الأعمال اللي بنعملها لازم تكون وردت في الشرع اللي ربنا أمر بيه (في الكتاب والسنة )




قال الله عز وجل : (الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الْإِسْلَامَ دِينًا) المائدة/3 ؛

فقد أكمل الله تعالى لنا الدين ، فما لم يشرعه الله تعالى فليس من الدين




يعني مش يروح واحد بقي يتعب نفسه في حاجة ويقول مالها ما كويسة



ومفهاش حاجة حرام وأهو بقرب بيها من ربنا




لأ


مينفعش



الرسول عليه الصلاة والسلام قال

وعن أبي ذر رضي الله عنه أن رسول الله صلى الله عليه وسلم قال : (ما بقي شيء يقرب من الجنة ويباعد من النار إلا وقد بين لكم) . رواه الطبراني في الكبير (1647) وصححه الألباني في الصحيحة (1803) .



يعني الرسول قال كل حاجة


هتيجي إنت بقي تطلع حاجة جديدة




وكمان بقي ده إنت هتاخد وزر مش ثواب




يا نهار ألوااااااااان



اه شوفت بقي



أوعي تفتكر ده كلامي



ده كلام حبيبك محمد صلي الله عليه وسلم



شوف بيقولك إيه



عن عائشةرضي الله عنها قالت : قال رسول الله صلى الله عليه وسلم :من أحدث في أمرنا هذا ما ليس منه فهو ردرواه البخاري ومسلم،



يعني كل من أحدث في الدين ما لم يأذن به الله ورسوله ، فليس من الدين في شيء



ده كمان حبيبنا محمد صلي الله عليه وسلم نبهنا علي كده وحذرنا وإننا لازم

ناخد بالنا



لأن في ناس فعلا هتيجي وتطلع حاجات جديدة




عن النبي صلى الله عليه وسلم أنه قال :من يعش منكم بعدي فسيرى اختلافا كثيرا ، فعليكم بسنتي وسنة الخلفاء الراشدين[ص:177 ]المهديين من بعدي ، عضوا عليها بالنواجذ ، وإياكم ومحدثات الأمور ، فإن كل محدثة بدعة ، وكل بدعةضلالة.وكان صلى الله عليه وسلم يقول في خطبته : " إن أصدق الحديث كتاب الله ، وخير الهدي هدي محمد، وشر الأمور محدثاتها"




فالله يكرمك إلتزم إنت بس بالكتاب والسنة



ده إنت لو عملت بس باللي جاء في الشرع ده إنت تبقي تمــــام أوي




خلص بس إنت الأول اللي جاء في الشرع


وبعدها أصلا مش هتلاقي وقت أصلا تفكر تخترع حاجة جديدة








طيب بعد ما عرفت المنهج لازم تحدد المنهج اللي هتعمله بتاعك



ياتري هتعمل إيه وإمتي وإزاي



وتلتزم بالمنهج ده وتحاسب نفسك عليه



مثلا الرسول عليه الصلاة والسلام كان بيصلي في اليوم أربعين ركعة



سبعة عشر الفرائض


واثني عشرة السنن الرواتب



وإحدي عشر قيام الليل ولو فاته حاجة من ده كله كان يقضيها


حتي ثبت إنه قضي سنة الظهر بعد العصر


فانت بقي تحدد انا طاقتي لغاية فين وأقدر أعمل إيه


وبعدها مش تتساهل ولا تفرط


بل بعدها تزود في الطاعات ومترجعش




الصحابة كانوا بيختموا كل إسبوع يعني كل يوم خمس أجزاء


تقدر تعمل كده يبقي إلتزم ومترجعش تفرط بعدها وإياك والإستسهال



فانت بقي حدد لنفسك


وقيس لنفسك في أجنحة المنهج الثلاثة


طلب العلم


والعبادة


والدعوة الي الله




خلي لنفسك منهج واضح


كم ركع هتصلي النهاردة


وكم يوم هتصوم في الإسبوع



وكمان وردك من الذكر


وكمان الدعوة وطلب العلم




وحاسب نفسك علي كل ده ومتسبش الأمور مبهمة كده



ومتنساش بفكرك المنهج معصوم ومش محتاج جديد متتعبش نفسك في التفكير



خليك متبع الرسول عليه الصلاة والسلام في كل حاجة


وإنت الفايز بإذن الله





وإنتظرونا في الزاد الخامس بإذن الله

متـــــــــــــــــابعة بشوق
والله كلام لا يقدر بثمن .. بوركتم خيرا

ماشاء الله موضوع رائع جعله الله في ميزان حسناتك
الله يجعلنا من المهديين والتابعين لسنة النبي صلى الله عليه وسلم
منتظرينك بشوق

اللهم آمين
تسعدني متابعتكن

الومضه الرابعه والاخيرة

وتــــــــــزودوا


ينفع الواحد يسافر من غير تزود

مش ينفع طبعا


الزاد ده مهم جدااا هيفيدك وإنت مسافر وهيساعدك للتغلب علي العقبات


اللي هتقابلك بإذن الله

قال عمربن عبد العزيز رضي الله عنه وارضاه



إن لكل سفر زاد لامحاله , فتزودوا من الدنيا للاخره , وكونوا كمن

عاين ما اعد الله _تعالي _ من ثوابه وعقابه ترغبون }وترهبون , ولا يطولن

عليكم الامد فتقسو قلوبكم وتنقادوا لعدوكم}



◘ابن الجوزي بيقول◘

عجباً لراحل مات وما تزود للرحلة,

ولمسافر ما اجمع للسفر رحله,



ولمنتقل الى قبره لم يتاهب للنقلة,

ولمفرط في امره لم يستشعر

عقله,



مّر الاقران على مدرجه,



وخيول الرحيل للباقين مسرجه

....
سار القوم الى القبور...




الى كم هذا التسويف؟!



البضاعه كلها بهرجة!



والطريق صعبة وعرة,





وستعرفون الخبر وقت الحشرجه




يلا بقي كفاية إنطلق

أيوة إطلق وكفاية تسويف ولجلجة بقي


يلا ألم يأن لك

لا بل آن

قولها من أعماق قلبك بلي قد آن

بلي يــــارب قد آن



طيب يا تري إيه الحاجات اللي هنتزود بيهافي إنطلاقتي دي


سبل التزودبتاعتنا هي


1_التوحيد والايمان


2_اليقين


3_التقوى


4_الإخلاص


5_الخبيئه


6_الصبر

فاما التوحيد والايمان


حلاوة الايمان دي بقي اعظم زاد في هذه الرحله , ومش هيشعر بحلاوة

الإيمان دي إلا الليليه نصيب من معرفة ربنا


يعني تبقي عارف ربنا وموحد في عبادتك

يعني واحد مش بيفكر في نعم ربنا ولا حاسس بفضل ربنا عليه إزاي يشعر بلذه الإيمان

لكن واحد مستشعر فضل ونعم ربنا علطول وخايف من ربنا وبيطيعه أكيد

بإذن الله قلبه هيبقي مليان إيمان





إنت عارف في بَعْضُ الشُّيُوخِ كان بيقول : لَقَدْ كُنْت فِي حَالٍ أَقُولُ فِيهَا : إنْ

كَانَ أَهْلُ الْجَنَّةِ فِي هَذِهِ الْحَالِ إنَّهُمْ لَفِي عَيْشٍ طَيِّبٍ .

وَقَالَ آخَرُ : لَتَمُرُّ عَلَى الْقَلْبِ أَوْقَاتٌ يَرْقُصُ فِيهَا طَرَبًا وَلَيْسَ فِي الدُّنْيَا نَعِيمٌ

يُشْبِهُ نَعِيمَ الآخِرَةِ إلا نَعِيمَ الإِيمَانِ وَالْمَعْرِفَة . انتهى كلامه رحمه الله .



يعني بجد لما تعرف ربنا حق المعرفة ويبقي قلبك مليان إيمان هتحس إنك في الجنة مش في الدنيا

هتبقي حاسس إنك بتطير حاسس إن روحك بتحلق في السماء


ومتنساش إن ربنا رحيم وكريم ومش هيبخل عليك لو إنت أقبلت بصدق عليه



2_اليقـين

اليقين ده زاد مهم جدااااااااااااااوهيريحك طول الرحلة


ليه لأنه بيحميك من قطاع الطرق علي قلبك والعقبات وإنت في الرحلة

فتبدأ بقي مصابيح اليقين تتقد في قلبك


وإلا هتضيع وسط العقبات دي


فلو اليقين ملئ قلبك القلب بتاعك هيمتلئ نور وإشراق ومحبة لله وخوف منه

وشكرا له ورضا به وتوكل عليه وإنابة لربنا


يااااااااه كل ده

اه والله قلبك هيكون فرحان جدااا وسعيد ومش هامه أي حاجة غير ربنا لأنه


عنده يقين كبير اليقين ده


فعلا عامل زي المصابيح اللي بتنورلك قلبك في الرحلة دي




3_التقـوي


نيجي بقي لحاجة مهمة وهي التقوي


لازم الواحد فينا عايش في الدنيا ومسافر في طريقه يتقي الله في السر والعلن

لأنها السبيل الاوحد للإخلاص... وهى طاعة الله بلزوم الامر والنهي

قال _سبحانه _ بسم الله الرحمن الرحيم :" وَتَزَوَّدُوا فَإِنَّ خَيْرَ الزَّادِ التَّقْوَىٰ وَاتَّقُونِ يَا أُولِي الْأَلْبَابِ "﴿البقرة: ١٩٧﴾

لأنك بكده بتثبت إنك بتحب ربنا بجد

طيب التقوي هية إيه

هي الخوف من الجليل ، والعمل بالتنزيل ، والقناعة بالقليل ، والإستعداد ليوم الرحيل )).


وكمان تمام التقوي إن


يتقي الله العبد حتى يتقيه من مثقال ذرة وحتى يترك بعض ما يرى أنه حلال

خشية أن يكون حراما يكون حجابا بينه وبين الحرام فإن الله قد بين للعباد

الذي يصيرهم إليه فقال : (فَمَنْ يَعْمَلْ مِثْقَالَ ذَرَّةٍ خَيْراً يَرَهُ(7)وَمَنْ يَعْمَلْ

مِثْقَالَ ذَرَّةٍ شَرّاً يَرَهُ) فلا! تحقرن شيئا من الخير أن تفعله ولا شيئا من الشر أن

تتقيه .

أي حاجة يشعر إنها ممكن تكون سبيل إنها تبعده عن ربنا يعني حاجة حلال

بس ممكن توقعه في الحرام يبعد عنها علي أد ما يقدر ويتقي ربنا في نفسه وربنا

هيعوضه كتتتتير



وخلي بالك

ضع نصب عينيك كلمة مهمة جدا انا بتعامل مع ربنا

الذي بيده مقاليد كل شئ

خد بالك من كل يعني كل حاجة بيد الله سبحانه وتعالي

ومتخافش من أي حاجة تانية

هترضيه هيرضيك

وده من فوايد زاد اليقين



4_الإخلاص


اما الاخلاص فنبأه عجيب وخطرة عظيم


وهو زادك الرابع الذي لايصلح هذا الطريق الا به


وهو اساس التزود ومنتهاه وحصر الوصول في المخلصين


قال سبحانه وتعالي_

>قال فبعزتك لاغوينهم اجمعين إلا عبادك منهم المخلصين >

ص 82_83


يعني سبحان الله الشيطان بيعترف إنه إلا المخلصين مش هيقدر يغويهم




5_ الخبيئه

إيه الخبيئه


الخبيئة عمل صالح مفيش حد يعرفه من البشر غير ربنا



ودي مفيدة جدا بتساعدك


في محطات الطريق ومطباته , كما توسل الذين اووا الي الغار



فالصخرة إنزاحت عنهم بخباياهم الصالحه


طيب زي إيه الخبيئة ممكن تكون


زي مثلا


صلاة الليل :

عن أبي هريرة رضي الله عنه أن رسول الله "صلى الله عليه وسلم" قال:

(ينزل ربنا تبارك وتعالى كل ليلة إلى سماء الدنيا حين يبقى ثلث الليل الآخر

فيقول:

من يدعوني فأستجيب له من يسألني فأعطيه من يستغفرني فأغفر له).

رواه البخاري ومالك ومسلم والترمذي وغيرهم

.

ـ عن بلال رضي الله عنه قال: قال رسول الله "صلى الله عليه وسلم":

(عليكم بقيام الليل ، فإنه دأب الصالحين قبلكم ,

وقربة إلى الله تعالى , ومنهاة عن الإثم ، وتكفير للسيئات ، ومطردة للداء عن

الجسد). أخرجه الترمذي.





يقول أحد السلف رحمه الله عنهم أن الواحد منهم كان يجعل بينه وبين ربه طاعة
لايطلع أحد عليها مهما كلفه من جهد :



· عن محمد بن إسحاق :

كان ناس من أهل المدينة يعيشون لا يدرون من أين كان معاشهم ،

فلما مات علي بن الحسين فقدوا ما كانوا يؤتون به في الليل

.

وعن ابن عائشة قال : سمعت أهل المدينة يقولون :

ما فقدنا صدقة السر حتى مات علي بن الحسين.00!!



قال ابن أبي عون: صام داوود بن أبي هند

أربعين سنة لا يعلم به أهله ،،

كان يحمل معه غذاءه فيتصدق به في الطريق ,, قال ابن الجوزي
:

فيظن أهل السوق أنه قد أكل في البيت ويظن أهله أنه قد أكل في السوق.00


و كان أحد التابعين رحمه الله يقوم الليل كله فيخفي ذلك ،

فإذا كان الصبح رفع صوته كأنه قام تلك الساعة.


ان أعمال السرالصالحة لا يثبت عليها إلا الصادقون و لا يستطيعها المنافقون

أبدًا،،

وهي أشد أعمال المرء على الشيطان، فهي زينة الخلوات بين العبد وبين ربه
,,

إنها عبادة في السر وطاعة في الخفاء، حيث لا يعلم بها أحد، غير الله سبحانه،

نسأل الله تعالى أن يجعل أعمالنا كلها صالحة وان يتقبلها منا خالصة لوجهه

الكريم

,,

6_الصبر

واخر زاد الصبر .... الصبر في الطريق


قال رسول الله صلي الله عليه واله وسلم


>الســــــــفـر قــطــعـة مــن الــعــذاب<


...فإذا كان بسفر الدنيا اللي بيسبب التعب والمشقة فمابالكم بقي بسفر


الاخره اللي فــــــــــــيه الشدة والمشقة والنصب !!!!



قال تعالي >لقد خلقنا الانسان في كبد <


البلد:4

طيب تعالوا نشوف قيل إيه في الصبر


ألا إن الصبر من الإيمان بمنزلة الرأس من الجسد ، فإذا قطع الرأس بار الجسم ، ثم

رفع صوته فقال: إنه لا إيمان لمن لا صبر له .


- قال الحسن: الصبر كنز من كنوز الخير، لا يعطيه الله إلا لعبد كريم عنده .


- قال عمر بن عبد العزيز: ما أنعم الله على عبد نعمة، فانتزعها منه، فعاضه

مكانها الصبر، إلا كان ما عوضه خيرا مما انتزعه .


- الصبر جواد لا يكبو وصارم لا ينبو وحصن حصين ودرع متين

وقال آخر

إذا ما أتاك الدهر يوماً بنكبة

فأفرغ لها صبراً ووسع لها صدرا

فإن تصاريف الزمان عجيبة

فيوماً ترى يسراً ويوماً ترى عسرا

-وقيل: فاذا تصبك مصيبة فاصبر لها عظمت مصيبة مبتل لا يصبر

-وأيضا:

ولرب ضائقة يضيق بها الفتى

وعند الله منها المخرج

ضاقت فلما استحكمت حلقاتها فرجت

وكنت احسب انها لا تفرج

-ومدحوه قائلين:

والصبر في النائبات صعب

لكن فوات الثواب أصعب

وخدبالك كل حاجة خير ليك لأن ربنا يعلمك الخير ليك في كل موضع لأنه

يعلم الغيب

عن أبي يحيى صهيب بن سنانٍ رضي الله عنه قال: قال رسول الله صلى الله

عليه وسلم: "عجباً لأمر المؤمن إن أمره كله له خيرٌ، وليس ذلك لأحدٍ إلا

للمؤمن: إن أصابته سراء شكر فكان خيراً له، وإن أصابته ضراء صبر فكان

خيراً له".

رواه مسلم.




إنتظرونا في المرة القادمة بإذن الله لمعرفة العقبات اللي هتقابلنا علي الطريق

جزاك الله خير

وأنت من أهل الجزاء
ترقبوا الحلقة القادمة