اللى ابنتها او ابنها فى مدرسة لغات تدخل وتقولى اعمل ايه

السلام عليكم ورحمة الله وبركاته

ياريت يا جماعة اللى بنته او ابنه فى مدرسة لغات يدخل هنا
الموضوع اصله ان بنتى دخله kg2والحمد لله لحد دلوقتى كنت ماشية معاها كويس فى المذاكرة بس لانى مش اد كده فى اللغة الانجليزية وخصوصا ان منهج المدرسة بريطانى فا مش عارفة حعمل معاها ايه بعد كده وهل لو اخذت دورات فى اللغة الانجليزية حقدر انى اذاكر معاها واتبعها ولا ايه لانى خايفة ومش عارفة اعمل ايه وبعدين انا رافضة موضوع ان حد يذاكر لها يعنى مدرسة لانى لازم اكون عارفة مستواها ومتابعها ياريت تفدونى وتقولولى اعمل ايه وخصوصا ان عندى بيبى عنده سنة ومش عارفة لما ابدا الدورات اعمل معاه ايه

اه والله حسيت بيكي ونا عندي نفس المشكل تقريبا لني بعد مكنت بدور على مدرسة حكومية تجريبي فرنسي ملقتهاش ولقيت وحدة بعيدة عني في المعادي وناس باقو بقولولي وديها انجليزي وخلصي لكن انا انجليزي عندي صعيف شوية ومن جواية خوف يعلم بيه ربنا لكن لما يكون عندك كمان بيبي يبقا ربنا يكون في عونك انا بقول انك تجيبي مدرس وتحولي تقعدي معاهم في الوقت الي بدرسو اعملي نفسك مبتفهميش بس صم بكم متدخليش في حاجة كانك مش موجودة بس خليك جنبهم ومنها تستفيدي انتي كمان وتشوفي ايه الي بيحصل ومستوا ابنك وتقدري بعد محضرت الدرس تعيدي مداكرتو مع ابنك خليكي على هاد الحال لحد ما لبيبي يكبر شوية بس المدرسين ضروري منهم ويارب نلاقي اي عضوة لها اقتراح يحل المشكل ده وفي عضوات كتيرات في المنتدى مشاء الله عليهم مش هيبخلو عليكي بالرد

للأخت جنة منسى
أنصحك أن تأخذى دورات مستمرة فى الجامعة الأمريكية ولكنها ليلية بدون توقف وحاولى ان تجدى احد من الأقارب او الأصحاب يحضر ليجلس مع أولادك أو تجدولى اوقاتكم حيث يتواجد زوجك مع الأولاد وقت الدورة أو تجدى أحد من تعرفية فى أحتياج للمال
فيوفر لكى هذة الخدمة بفلوس واللى تعرفية احسن
ولكن لو ألتحقت بالمعهد البريطانى ففى مواعيد صباحيةواكيد فى حضانات قريبة منك ادفعى بها باليوم
ولكن المشكلة ستظهر فى العلوم والرياضيات وأنت لم توضحى هو كل النظام برتش ولا المستوى الرفيع فقط فلو كنت نظام مصرى فالمشكلة حلها انك تشترى كتب خارجية عربى وتفهمى منها اما أذا كان النظام أنجليزى فالعلوم والرياضيات سهلة والمدرسات حيفهموة متقلقيش
المهم يكون عندك وقت للمذاكرة والدورات
وربنا يوفقك

يوجد فى المعادى ليسية المعادى ومصروفاتها 3000 على قسطين
واحسن مدارس الليسية فى القاهرة هى ليسية الزمالك ولكنها 0تأخذ دونشن
2000 جنية وأحسن من الدروس

كتبت بواسطة mas20001

يوجد فى المعادى ليسية المعادى ومصروفاتها 3000 على قسطين
واحسن مدارس الليسية فى القاهرة هى ليسية الزمالك ولكنها 0تأخذ دونشن
2000 جنية وأحسن من الدروس

المشكل وما فيه اني انا سكنة في الزيتون و كنت بددور على تجريبي فرنسي لني مضطرة على كدة لني انا مبشتغلش و دخلنا في الشهر 3000 جنيه بس عشان كدة ابوها مش راضي يدخلها المدارس الخاصة لما قلتلو اني في مدرسة نوتردام في الزيتون ومصارفها 2200 في السنة قالي ماشي بس متنسيش اني في وسط السنة بقولو تبرعات ورحلات وحفلات واجتماعات وحجات من كدة وكمان كل سنة مصروف المدرسة بزيد وكدا انا حترت مش عرفة اعمل ايه انا فكرت اني ادخلها ابتدائي بس خاص لغات وبعدين اشوف موضوع الاعدادي ده احولها تجريبي والله انا حترت وحسة نفسي وحدي في الموال ده لي درجة بعد اعيط من كتر الخنقة دي

أختي جنة منسي و الجميع
السلام عليكم و رحمة الله و بركاته

سأخبرك عن الطريقة التي تعلمت بها
والدي لم يكونا بارعين في اللغة التي أدرسها بالمدرسة و بالتالي كانت المتابعة بالنسبة لهما صعبة جدا
لكني و لله الحمد لم اشعر بأي مشكلة أثناء دراستي لأني اعتدت الاعتماد على نفسي في المذاكرة
و جزاهم الله كل خير والدي أن عوداني ذلك
و الحمد لله تفوقت في اللغة و كان ترتيبي فيها الأولى في نهاية الدراسة "بعد دراسة 10 سنوات"
لذلك لا تقلقي

عوديها أن تحكي لك ما تعلمته و ستنطقه لك بالنطق الذي تتعلمه في المدرسة و اسأليها يوميا ماذا أخذت و اتركيها تتم واجباتها بمفردها و كل مهمتك تكون المراجعة
و اقرئي دروسها لتفهميها و لكن لا تشعريها بأنك مرافقة لها في المذاكرة
اتركيها تحفظ و تذاكر ثم قومي لها بالمراجعة و التسميع
هكذا ستعتمد بشكل كبير إن شاء الله على ما يقال لها في الفصل
الطفل الذي يذاكر له أبواه هو من يحتاج بشكل أكبر إلى الدروس
تابعي معها في المدرسة و اعرفي أحوالها و أهم شيء تحافظي على تواصلها بمعلماتها و علاقتها الطيبة بهم ليسهل ذلك عليها التركيز في الفصل ... لأن الطفل يتلقى بسهولة ممن يحب

و كذلك احيطيها بعلوم دينها لتكن لها حفظا إن شاء الله
حفظك الله و ذريتك و كل الأخوات

السلام عليكم
فى مدرسة فى منطقتى اسمها التوفيقية الخاصة بالزيتون
كويسة اووى وفيها جزء خاص للغات جديد كويس جداً