شكرا على ردك
انا على فكره ساكنه عند مدرسه زهران بس صعبان على انى استناها لانها بتاخد فوق ال 5 سنين وانا ابنى ساعه التنسيق السنه الجايه حيكون 4 و9 شهور وشايفه ان ده كويس قوى مش معقول استنى لما يبقى عمره 5 و9 شهور
وبعدين ازاى زهران بتاخد الاوليه لاولاد المهندسين والدكاتره والظباط هى مش الاوليه للسن حسب التنسيق ولا ايه
وعلى العموم الحمد لله انا مهندسه لو ده يشفع انهم ياخدو ابنى سن صغير

كتبت بواسطة hanaa2

شكرا على ردك
انا على فكره ساكنه عند مدرسه زهران بس صعبان على انى استناها لانها بتاخد فوق ال 5 سنين وانا ابنى ساعه التنسيق السنه الجايه حيكون 4 و9 شهور وشايفه ان ده كويس قوى مش معقول استنى لما يبقى عمره 5 و9 شهور
وبعدين ازاى زهران بتاخد الاوليه لاولاد المهندسين والدكاتره والظباط هى مش الاوليه للسن حسب التنسيق ولا ايه
وعلى العموم الحمد لله انا مهندسه لو ده يشفع انهم ياخدو ابنى سن صغير

احسن حاجه انك قريبه من المدرسه

عشان اختصار الوقت

يعني احنا جيران لاني قريبه برضو من المدرسه

بالنسبه للسن

انا الصراحه في رأيي

ان كل ما كبر الطفل بيكون استيعابه اكتر

خاصه انو بيدرس لغه تانيه

و هتلاقي ان كل المدارس الممتازه

بتاخد سن عالي

بالنسبه للاولويه في المستوي الاجتماعي

انا لما كنت بقدم لابني الملف في زهران

سألوني والده بيشتغل ايه قلت ظابط

راحت واحده منهم اخدت الملف و كلمت المسؤله عن الملفات

و اديتها ملفي و كتب عليه مهنه الاب ظابط و حطيته مع شويه ملفات علي جنب

و انا واقفه كان في ناس بتقدم

سألوا عن مهنه الاب

قالت رجل اعمال

قالت يعني ايه رجل اعمال

شهادته ايه يعني

المهم اخدت ملفها و حطته مع باقي الملفات

و دا اللي حصل قدامي

بس ابني مقبلش لانه كان خمس سنين

مع اني كنت جايبه واسطه تقيله

علي فكره يا هناء

انتى تزعلي لو كل الولاد سنهم صغير و ابنك هو اللي كبير

انما طالما الكل في سن واحد

ايه المشكله

ايوه ده فى زهران لكن فيه مدارس تانيه بتاخد سن 3 ونص كجى وان يعنى حيكون فيه اولاد فى نفس سنه وسابقينه ب سنتين فى الدراسه مش ده يكون ظلم له
الموضوع ده محيرنى جدا جدا تفتكرى تستاهل يعنى ان الواحد يستناها ساعتها حيكون 5 و9 شهور يعنى يدخل اولى ابتدائى عنده 8 سنين الا شهرين
انا محتاره ومش عارفه اعمل ايه

كتبت بواسطة hanaa2

ايوه ده فى زهران لكن فيه مدارس تانيه بتاخد سن 3 ونص كجى وان يعنى حيكون فيه اولاد فى نفس سنه وسابقينه ب سنتين فى الدراسه مش ده يكون ظلم له
الموضوع ده محيرنى جدا جدا تفتكرى تستاهل يعنى ان الواحد يستناها ساعتها حيكون 5 و9 شهور يعنى يدخل اولى ابتدائى عنده 8 سنين الا شهرين
انا محتاره ومش عارفه اعمل ايه

شوفي الموضوع محتاج تفكير طبعا

بس المشكله اننا في سموحه

و اي مدرسه بعيده عن سموحه هتكون مشكله في المواصلات

انا لمست ده بنفسي

انا عن نفسي مش مشكله بالنسبالي السن خالص

بالعكس انا في رأيي كل ما يكبر يكون احسن

و قدرته علي الاستيعاب احسن

وزي ما قلتلك حطي عامل الوقت في اعتبارك

لان يا حرام الولاد بيجوا هلكانين و في كي جي2 بياخدوا واجبات كتير

و مفيش وقت

انا احيانا كنت بضطر اكتبلهم الواجب لانهم مش قادرين

و هما معذورين

صاحيين الساعه 6 الصبح و راجعين 4 العصر

في حاجه تانيه

انا مش بفضل المدارس المختلطه

ودا من اسباب اني عايزه اغير المدرسه

انا كتير بسمع عن مهازل بتحصل في الاعدادي و الثانوي بين الولاد والبنات

خصوصا في مدارس الانترناشيونال

لان مفيهاش رقابه و مفيش اهتمام بالناحيه الاخلاقيه

و الولاد في فتره المراهقه صعب تسيطري عليهم

ودي مرحله طبيعيه لازم كلنا نمر بيها

للرررررررررررفع

هناء انتى شجعتينى انى اقدم لبنتى فى مدرسه زهران مدام الاولويه لابناء الضباط معانى مشكلتى الوحيده هى المسافه لانى ساكنه بالعصافره

راندا
يا ترى فيه مدارس تانيه فرنسيه فتحت قسم انجليزى كويسه تعرفيها
انا بصراحه خايفه قوى استنى زهران واضيع سنتين على ابنى وفى النهايه الاقيها مدرسه زى كل المدارس
وسؤال اخير ما علش هى مدرسه اولادك كثافه الكلاس كام وبعدين انا اللى اعرفه ان مواعيد الكجى بتكون من 9 الى 1ونص فى كل المدارس ازاى المدرسه دى مواعيدها كده ولا هى بتطبق نظام اليوم الكامل

هاي رانو

يا بنتي انتي ساكنه في العصافره ازاي

عايزه تودي ابنك مدرسه في سموحه

احسبي هيصحى الساعه كام و يرجع البيت كام

انتي متخيله المسافه و الزحمه

فكري فيها قبل ما تاخدي قرار

علي فكره برضو

right]

اعملي حسابك برضو بالنسبه لزهران ان

لو شروط السن و المستوي الاجتماعي متوفرين

لو واحد تاني غير ابنك سكنه اقرب هيكون اولويه

يعني لو طفل ساكن في سموحه او رشدي

او حتى فيكتوريا

ومطبقه عليه الشروط هيكون ليه اولويه في الدخول

عن طفل ساكن في العصافره

فأعملي حسابك علي مدارس تانيه غير زهران

بدل ما تتحدفي في التنسيق في مدرسه وحشه

لان انتي في التنسيق بتكتبي المدارس اللي تبع ادارتك

و سموحه اداره شرق

و العصافره اداره المنتزه

يعني غالبا مش هيقبل ابنك بنسبه 90%

لانه تبع اداره مختلفه اصلا

الا اذا سكنتي في سموحه

اهو تنورينا

[/RIGHT]

كتبت بواسطة hanaa2

راندا
يا ترى فيه مدارس تانيه فرنسيه فتحت قسم انجليزى كويسه تعرفيها
انا بصراحه خايفه قوى استنى زهران واضيع سنتين على ابنى وفى النهايه الاقيها مدرسه زى كل المدارس
وسؤال اخير ما علش هى مدرسه اولادك كثافه الكلاس كام وبعدين انا اللى اعرفه ان مواعيد الكجى بتكون من 9 الى 1ونص فى كل المدارس ازاى المدرسه دى مواعيدها كده ولا هى بتطبق نظام اليوم الكامل

اهلا هناء
لا معرفش غير المدرسه دي
بصي انا اصلا عامله الموضوع عشان اسأل عن مستوي زهران حاليا يعني مقدرش اقولك كويسه ولا وحشه
بس المدرسه جنب بيتي
ثانيا انتي ساكنه فين ???
الافضل انك تحاولي تستقربي مدرسه لبيتك
مين اللي قال ان الكجي مواعيده من 9 في
[right]كل المدارس

المدارس مواعيدها ثابته بالنسبه لكل المراحل

بس في بعض مدارس بتخلي الكجي بدري شويه

زي سان مارك بتطلع الكجي الساعه واحده

بس بيرحوا عادي في ميعاد المدرسه

عموما ابقي اسألي قبل التقديم علي المواعيد

يمكن في مدارس مواعيدها من 9 الصبح

مرسه ولادي كثافتها تقريبا 25 او اقل
بس هي اول السنه كانت 47 في الفصل
و لما اشتكينا قسموا الولاد فصلين