السلام عليكم

الصراحه انا من سكان سموحه و عايزه اسال عن مدرسة زهران اللي في سموحه

و عن مستواها التعليمي حاليا سواء للبنات او الولاد لان عندي ولد وبنت

انا اعرف جارنا اتخرج منها وماشاء الله في كليه صيدله ومامته قالتلي ان اكتر من واحد من اوائل الجمهوريه متخرج من زهران و بتشكر فيها جدااااااا

ابنها خلص من سنتين

كمان في واحده تاني اعرفها ولادها ماشاء الله واحد هندسه و التاني طب

بس طبعا دول خلصوا من بدري يمكن 3 سنين

و طبعا زهران من اصعب المدارس في اسكندريه من حيث الشروط القبول

وانا هنقل ولادي من مدرسه تانيه لزهران وطبعا محتاجه واسطه عشان انقل ليها

و عشان مكلفش نفسي جمايل علي الفاضي ياريت اللي يعرف حاجه عنها

يقولي عن مستواها

من حيث التعليم

كثافه الفصل

و الاهتمام بالولاد

و ياريت اللي تعرف حد ولاده فيها يسأل وجزاه الله خير

معقول ولا حد يعرف

هاى راندا
ان شاء الله حد يدلك وينصحك بالخير ... انا اسمع ان قسم البنات احسن بكتيير من الاولاد
دى كل معلوماتى

كتبت بواسطة shaimaa 78

هاى راندا
ان شاء الله حد يدلك وينصحك بالخير ... انا اسمع ان قسم البنات احسن بكتيير من الاولاد
دى كل معلوماتى

ميرسي يا جميل علي الرد

انا عندي ولد وبنت

يعني القسمين مطلوبين بالنسبالي

تحياتي

هاى رندا انشاء الله ربنا يعملك الى فيه الخير يا حبيبتى وانا حسه بيكى لانى انا فى نفس حرتك بس للامانه انا بسمع انا مدارس زهران من المدارس الكويسه جدا وسمعت ان قسم البنات فيها احسن بكتير واللع واعلم

كتبت بواسطة rano__2004

هاى رندا انشاء الله ربنا يعملك الى فيه الخير يا حبيبتى وانا حسه بيكى لانى انا فى نفس حرتك بس للامانه انا بسمع انا مدارس زهران من المدارس الكويسه جدا وسمعت ان قسم البنات فيها احسن بكتير واللع واعلم

ميرسي يا جميل

كلك زوق

في انتظار الباقي

انا كمان نفسي انقل ابني لمدرسة زهران هو داخل junior 2
بس مش عارفة نظامهم ايه بالنسبة للنقل

هاى راندا
كل معلوماتى ان المدرسه جميله وكثافه التلاميذ قيها 30 وان الكحى والابتدائى حلو وبعد كده عادى لكن مدرسه البنات تتميز بالانضباط والاخلاق لكن الاولاد انسى وده مزعلنى جدا لان عندى ولد ونفسى انه يدخلها لكن المشكله السن وعلى فكره كل اللى سالتهم اجمعوا ان دايما مدارس البنات كويسه لكن الاولاد لالالالا
اسالك انا بقى
انتى كتبتى فى مدارس اسكندريه ان اولادك فى مدرسه سان فينسان القسم الانجليزى وشكرتى فيها ممكن اعرف هى بتاخد سن كام بالظيط ومصاريفها كام وياترى تبع التنسيق ولا التقديم فيها لوحده
وربنا يوفقنا جميعا للى فيه الخير للاولادنا

كتبت بواسطة ام ادهم وهنا

انا كمان نفسي انقل ابني لمدرسة زهران هو داخل junior 2
بس مش عارفة نظامهم ايه بالنسبة للنقل

اهلا ام ادهم

اللي اعرفه ان النقل صعب

يعني لازم واسطه

و الله اعلم

جربي و طمنيني

و انا كمان هجرب و اقولك بمشيئه الله

تحياتي

كتبت بواسطة hanaa2

هاى راندا
كل معلوماتى ان المدرسه جميله وكثافه التلاميذ قيها 30 وان الكحى والابتدائى حلو وبعد كده عادى لكن مدرسه البنات تتميز بالانضباط والاخلاق لكن الاولاد انسى وده مزعلنى جدا لان عندى ولد ونفسى انه يدخلها لكن المشكله السن وعلى فكره كل اللى سالتهم اجمعوا ان دايما مدارس البنات كويسه لكن الاولاد لالالالا
اسالك انا بقى
انتى كتبتى فى مدارس اسكندريه ان اولادك فى مدرسه سان فينسان القسم الانجليزى وشكرتى فيها ممكن اعرف هى بتاخد سن كام بالظيط ومصاريفها كام وياترى تبع التنسيق ولا التقديم فيها لوحده
وربنا يوفقنا جميعا للى فيه الخير للاولادنا

اهلا هناء

بالنسبه لزهران

انا لاقيت موقع المدرسه

وفعلا كثافه الفصل مش اكتر من 30 طالب

ودا لينك المدرسه

http://www.mohamedzahranschools.com
بالنسبه للانضباط معروف ان ده الطبيعي بالنسبه لمدارس الولاد

بس الولاد الله اعرفهم متخرجين من المدرسه

ماشاء الله عليهم

منتهى الادب و الاخلاق

و متنسيش ان البيت و المستوى الاجتماعي

اللي ولادك بيختلطوا بيه ليه تأثير كبير جداااا

/

بالنسبه لسان فنسان

المدرسه جنب مدريه الامن القديمه

بتاخد سن صغير

البلاي سكول يمكن 3 سنين

الكي جي 4 سنين

قسم الانجليزي من سنتين بس

الباص لسموحه السنه دي كان 900 جنيه

السنه اللي فاتت 2008 كان 700 جنيه

المصاريف 3500 شامله الكتب

الزي يمكن في حدود 300 جنيه

يعني الطفل تقريبا 5000 ج شامل كل حاجه

التعليم كويس بالنسبه ل كي جي

الاهتمام بالاطفال ممتاز

النشاطات و الترفيه و الحفلات ممتاز

المدرسه راهبات

عيبها بالنسبالي البعد عن البيت

ثانيا

المستويات الاجتماعيه مش عجباني

يعني اي حد معاه فلوس و يقدر يدفع يدخل المدرسه

عكس زهران

اولويه لاولاد الدكاتره و المهندسين و الظباط

ومش بتقبل اي حد

اكيد فهماني