كتبت بواسطة abeerbebo

انتى ايه رايك تيجى نطبع الكلام اللى احنا سمعناه ونروح بيه؟

انتى دفعتى فيها خلاص ولا لسة ولا هتعملى ايه

على فكرة انا اتصلت بواحدة اولادها هناك انهردة واعدت تضحك جامد من الكلام الى حكتيهولها بس قولتلها الكلام دا جاى من واحدة مش نعرفها دى واحدة صاحبتى قابلتها بالصدفة وهى بتوصل ابنها

قالتلى انا ابنى فيها من كىجى وهو دلؤتى فى 5 وماشوفتش بصراحة الكلام دا وخصوصا الحديدة دى وقعدت تضحك تانى بردو
قولتلها طب تفتكرى هى بتئول كدة من فراغ
ردت وقالت لا ومش شرط تكون بتكدب

بس ممكن تكون هى من الشخصية اللى بتهول مثلا فيه حاجة مش عاجبها فى المدرسة فكانت عايزة تهول فى الكلام لصاحبتك عشان تعرفها هى اد ايه متضايقة وممكن يكون حصل كلاش بينها وبين حد فى المدرسة او طلبت طلب اوفر وماحدش عملهولها مثلا فحبت تشتم فيها بزيادة كل حاجة ممكنة
بس انا عن نفسى وطبعا مصاحبة ناس تانية فى المدرسة الجروب بتاعنا ماشفش الحاجات دى خالص طبعا اكيد فيه حاجات مش بتعجبنا ممكن نتكلم فيها بس الادرة بصراحة بتسمعنا
وماسمعتش ان فيه ضرب وخصوصا بالحديدة(كانت عجباها اوى موضوع الحديدة دى)

بس فارتحت بردو شوية بس بردو طالعة فى دماغى انى اطبع الورق واروح بيه
ايه رايك

عبير كلام صاحبتك منطقى أوى
بس يا بنتى ايه التهور ده انتى هتودينا فى دهية كدة هيبقضوا علينا

[quote=mariam_552;8125602]

كتبت بواسطة أم جورى

هسألك بكرة المنهج اية واحدة اعرفها جارتها ولادها فيها

يا ريت بأة تعرفيلنا تفاصيل عن المدرسة

يعنى فى بوكليت شيتات الاكسنت فى الانجلش

كدة يعنى والمصروفات 5800 بالكتب ولا من غير
واليونيفورم الاصفر الفحلقى ده لسة موجود ولا اتغير

miama حبيبتى ممكن تقوليلى انتى دفعتى كام بالضبط فى بلوم يعنى ال60% دول طلعوا كام بالضبط
وتعرفى الفصول مكيفة ولا لا
ومعلش ممكن الوان اللبس المدرسى والرياضى اية وعبارة عن اية بالتفصيل

السلام عليكم
اتمني الانضمام لهذا المنتدي الرائع
ياريت اي معلومات عن مدرسة مصر للغات اول طريق الفيوم - الهرم
انا من سكان الهرم وعايزة مدرسة حلوة لبنتي kg1

السلام عليكم
اتمني الانضمام لهذا المنتدي الرائع
ياريت اي معلومات عن مدرسة مصر للغات اول طريق الفيوم - الهرم
انا من سكان الهرم وعايزة مدرسة حلوة لبنتي kg1

كتبت بواسطة UM GOUDY

السلام عليكم
اتمني الانضمام لهذا المنتدي الرائع
ياريت اي معلومات عن مدرسة مصر للغات اول طريق الفيوم - الهرم
انا من سكان الهرم وعايزة مدرسة حلوة لبنتي kg1

اهلا بيكى يا أم جودى معانا الفرق بينى وبينك ر ههههههههه

مدرسة مصر للغات ممتازة مش اللى هى مصروفاتها 9000

اخواتى راحوا النهاردة بلوم ونتيجة التفاصيل
المصاريف 8000 بس عاملين اوفر لاخر الشهر دة تخفيض 10%يعنى بقت 7300
اللبس 700
الكتب 700 شاملة الادوات
الباص من 2000 الى 2300 حسب المكان
فية صالة رياضية وملعب كرة قدم كبير ومنطقة مخصصة للكى جى فيها العاب ومراجيح وعربيات ومزروعة نجيلة
حجرة معينة للغة العربية وتعليم الحروف العربية
معمل كمبيوتر ورسم
طابور للكجى هيكون بعد ما يفطروا لوحدهم بعد طابور الكبار ما يخلص
معاهم مشرفات اثناء الفطار
الادوات والكتب هيفضلوا فى المدرسة والولد يرجع بالهوم ورك بس
الانشطة داخل المصاريف
بس لو حد يحب نشاط اضافى زى السباحة دة هيكون يوم السبت باشتراك لوحدة
معندهمش حمام سباحة بس بيودوا الولاد فى نادى برة
مواعيد الدراسة من 8 الى 2ونص
عدد الطلاب الكجى 11 الى 15
والمراحل الاكبر من 15 الى 20
الباص مكيف
بس نسيوا يسالو الفصول مكيفة ولا لا
الباص عبارة عن الميكروباص التيوتا جديد وشكلة حلو وفية 14 راكب والاطفال راكبين كويس وطبعا فية مشرفة
اللبس من المدرسة
فى الفصول فى مشرفة ومدرسة ودادة
الحمام 2مشرفة ودة لمراحل الكى جى
الحمامات والاحواض نظيفة وصغيرة وفيها مرايا صغيرة
فية تجويد وقران بجانب منهج الوزارة واحاديث
مدرسات مصريات بس متخصصات
اللغة التانية بعد الكى جى المانى او فرنساوى
امكان لوضع الكتب وادوات الطلاب فى كل فصل
الارض سيراميك ونظيفة
كل طفل دسك لوحدة
التعامل والمقابلة والتعاون كان كويس جدا ولطاف
وطبعا فى مسجد
دة اللى اخواتى حكولى علية النهاردة وكانوا خلاص هيدفعوا المصاريف بس المديرة المالية اللى انا كنت مكالماها من الامارات على اساس انى مش هنزل دلوقتى وعايزة اتاكد ان ابنى خلاص اتقبل فى المدرسة مكنتش موجودة واتصلوا بيا وقرروا يروحوا يدفعوا وهى موجودة احسن
اية رايكوا
بالنسبة لمدرسة ترست المدرسة شافوها من برة لان الوقت كان اتاخر بس قالولى شكلها لسة بتتوضب لان المبانى لسة فيها شغل ومش متشطبة
سالتهم عن شكل بلوم من برة قالولى هى تانى احلى شكل من برة من المدارس اللى حواليها الاولى الواحة وقالولى شافو مدرسات شكلهم اجانب فى مدرسة الواحة بس برضوا مدخلوهاش علشان كان الوقت خلاص

كنت عاوزة اسال حد يعرف حاجة عن مدرسة الواحة اللى فى الهرم

شكرا ليكي يا ام جوري علي الرد السريع
علي فكرة انا متبعاكوا من الجزء الرابع ولما لقيت الموضوع ابتدا يتصعب عليا في اختيار المدرسة قلت مش كفاية القراءة فقط لازم اكتب لكم انا كمان عن تجربتي في المدارس بس الصبح ان شاء الله عشان انا خلاص فصلت مش قادرة اتابع تاني دلوقتي
فعلا هيه المدرسة اللي مصروفتها 9000 عشان دي أقرب مدرسة لسكني
اتابعكوا بكرة باذن الله ودلوقتي تصبحوا علي خير يا اجمل أمهات

اللهم آميييييييييييييييييييييين
جزاك الله خيرا ام جوري على الدعاء الجميل ومبروك على الجزء السابع