السلام عليكم ورحمة الله وبركاته \

اخواتى فى منتدايا الحبيب الى قلبي


عايزة استشيركم فى حاجة مهمة جدا وطبعا بأخص بالكلام الاخوات المغتربات فى السعودية زى واللى عندهم اولاد فى المدارس .......... نظام التعليم فى مصر أفضل ولا هنا فى السعودية ؟؟؟ يعنى لو عايزة أبدأ مع ابنى الدراسة ادخله هنا ولا فى مصر ؟؟؟ ولو هنا يبقى اى نظام يعنى المدارس الاهلية ولا العالمية ولا ايه بالظبط ؟؟؟؟؟؟؟
مع العلم ان مقدرتنا 5 الاف فى السنة فقط يعنى هل ممكن الاقى تعليم كويس بالسعر ده هنا فى السعودية ولا أحترم نفسي وارجع بلدى أحسن ؟؟؟

انا حيرانة جداااااااااااا وخايفة اخد قرار يطلع غلط ويأثر على مستقبل ابنى وأكون انا السبب ؟؟؟ ارجوكم واللى مرت بتجربة تقدر تفيدنى بيها لا تبخل عليا بالنصيحة ربنا يجازيكم خير

السـلام عليكم ورحمة الله وبركاته

أختي الحبيبة : أم يوسف

والله كان بودي أفيدك واظفر بالدعوة الجميلة دي

لكن أنا بالقاهرة وحتى نسيت نظام التعليم هنا ماشي إزاي

ولكن لكِ عندي نصيحة هامـة ..

" خيركم من تعلم القرآن وعلمه "

احرصي في البداية أن يكون قلب طفلك وعاء للقرآن الكريم ..

وبعدها العلم الدنيوي ربنا ييسرله الخير وينفع به وينصر به الإسلام والمسلمين ..

اختى أشرقت .....ز

انا متشكرة على ردك ومتشكرة اكتر على نصيحتك الغالية ... وانافعلا ناوية باذن الله تعالى انتقى المدرسة اللى بتركز على الناحية الاسلامية ولكن فى الاول عايزة استقر فين بالظبط هنا ولا فى مصر

طيب يا جماعة مشكورين على اهتمامكم وربنا يهدينى للصواب

شوفي يا ستي انا رأيي ان التعليم في اي حتة في العالم احسن من مصر لأن التعليم في مصر صعب و معقد على الفاضي يعني بدون لزمة دا اولا و ثانيا ان ابنك و انت تفضلوا مع والدة أحسن ما تنزلي و تسيبيه ليكي و لأبنك و لوالدة - في حالة اذا حتنزلوا كلكم يبقى حرام عليكم اقعدوااحسنلكم و احسن لمستقبل الولد -
نيجي لتعليم في السعودية انا معنديش عنه معلومات بس المهم يدخل مدرسة لغات عشان يبقى زي ولاد مصر بس مش اكتر
و ربنا يهديكي للصواب و اعملي استخارة و ان شاء الله البنات يفيدوكي اكتر و ربنا يباركلك فيه

السلام عليكم ورحمة الله وبركاته
اختي الغاليه ام يوسف
انا مع الاخت اشرقت نصيحتها عين العقل والتوفيق بيد الله وهنا عندنا مدارس تحفيظ ممتازة جدا
وفي مدارس اهليه ايضا حريصة جدا على الطالب والطالبة هنا بالسعودية انا خبرة اداريه بالرياض
ولا تنسين الاستخارة قبل كل شئ

بصى حبيبتى احسن تدخلى ابنك مدرسة انترناشونال فى السعودية لان مدارس الحكومة هناكمناهجها ضعيفة جدا هنا المناهج اصعب كتير ولو حبيتى تنزيلى لاى سبب ابنك هيتعب اوى وربنا يوفقك

اخواتى الحبيبات ... مشكورة على نصايحكم الغالية

بس انا كده اتلغبطت شوية يعنى المدارس الأهلية فى السعودية هى فعلا كويسة ومناهجهم عربى ولا انجليزى ...... وبصراحة ما أكثر المدارس الانترناشيونال هنا ومناهجها كتيررررر ومختلف فأيهم الافضل والأحسن؟؟؟