كتبت بواسطة سمسمة المسمسمة

الف شكر حبيبتى هو دة الرقم اللى معايا وردوا بس مقلوش ولا معلومة مفيدة
معلش لو صحبتك تعرف مصاريف المدرسة السنة دى كام لكى جى 1 كام وهل ال7 تلاف انشات بيخدوها تانى بعد ما يسيب المدرسة ولا لا والف شكر

انا كلمتها و هي حتسأل بكرة ان شاء الله على المصاريف و للأسف ال 7 آلاف دي غير مسترده
هما بيكملو المبنى الجديد بتاعهم
لولا شكر على واجب

المنتدي اللي عملتيه رائع بس للاسف كل ما اعمل مشاركه مش بتوصل معرفش ليه
هبعت اللينك لكل صحابي علي الفيس بوك وغيره يمكن ربنا يسهل ونستفيد من التجارب والخبرات

مبروك علي الجزء الرابع انا ابني في سيتي المهندسين كمستوي تاخد 6ونص بس احسن حاجه معامله الاهل والاهتمام بالملاحظات وهما فعلا بيحاولو يكونوا احسن وربنا مع الجميع

واللهى فعلا الاسعار دى ناااااار

خلينا نتكلم عن الاسعار المعقولة شوية

السلام عليكم
لية محدش بيرد عليا
اية رايكم في دريم انتيرناشونال الي جوه دريم لاند و بيفيرلي هيلز سكول

مبارك عليكم الجزء الجديد وربنا يوفقكم لما فيه الخير لأولادكم ..

كتبت بواسطة drmero

مبرووووووك الجزء الجديد يا احلي امهات
وربنا يوفقنا كل وحده في المدرسه اللي تناسب طموحها وامكانيتها يارب
فيه ظاهره لما بدخل الملف ده بحس بيها وانا نفسي نصححها
مش معقول مفيش مدرسه كويسه اقل من 10 و 15 الف جنيه
طيب واللي عندهم اتنين وتلاته بيعملوا ايه ؟؟؟؟
وكل الاطباء والمهندسين وغيرها من الكليات الممتازة
كانوا خارجين من مدارس حكومه وبالكتير اوي اوي تجريبي وفي غايه الادب والاخلاق والتربيه
اللي انا موافقه عليه
ان المدارس من الفئه دي بيكون فيها اهتمام بالانشطه ومعامله لطيييييفه للطفل وشويه تظافه واهتمام باللغات
بس ده مش معناه ان باقي المدارس العكس
ومش عاوزين نرمي كل حاجه علي المدرسه وننس دور الاهل وهوه مهم جداااااااا
عاوزين نعمل في الجزء ده حاجه جديده بحيث اننا نخدم كل الناس
عاوزين نقسم الملف لمناطق

ونمسك كل منطقه

ونشوف افضل مدرسه تجريبي وافضل مدرسه خاصه
والمدارس بمختلف المستويات
وطبعا نتكلم عن الايجابيات قبل السلبيات
لان السلبيات احنا اللي بنخلقها او بمعني اصح
اطفالنا لو مش عليهم رقابه واهتمام منننا هيبقي المدرسه فيها سلبيات كتير حتي لو بندفعله 30 الف كل سنه
ياريت يا امهات نبدا الملف ده بوجهة نظر جديده
علشان الكل يستفيد
وفي الاخر كل وحده بتختار حسب الطريق الي هيا راسماه لابنها او بنتها
وياريت بردوه بلاش نتناقش في موضوع راهبات او رهبان هنا
عاوزين نناقشه يبقي في الملتقي الديني
لكن هنا عاوزين نجمع اكبر قدر من المعلومات عن المدارس اللي موجوده في كل منطقه

أؤيدك تماما..

وأتمنى أن نتعاون في عمل ملف متكامل نضع فيه نتائج الأجزاء السابقة ويكون متجدد بالمعلومات الجديدة..
إذا بتقدروا تجمعوا المعلومات وتصنفوها وترسلوها لي أول بأول وأنا سأقوم بوضعها في موضوع جديد ونجعله مغلق ومثبت في الركن لكي يستفيد منه الجميع..

وبارك الله فيكم..

فكرة رائعة غدوو ..


لاتحرمن أنفسكن من أجر استفادة الغير من بعدكن ياغالياات ..

وفق الله أبنائكن لكل خير ..

mrstamer واللة يا حبيبتى انا عارفة ان الاراء عن المدارس مش متفقة خالص دة انا حتى استغربت لما لقيت صحبتى دى بتشكر فى المدرسة هى ولادها فى اولى ابتدائى بس احنا هنروح بعيد لية مودرن سكول اللى مش عجبانى خالص فى امهات غيرى مبسوطين منها جدا جدا ويقولو المهم مستوى التعليم كويس ومش مهم اى حاجة تانى هى فى الاخر وجهات نظر لكن انا عن نفسى مثلا بعد اللى سمعتة عن بى كرنك منكم مستحيل افكر فيها مودرن سكول ارحم

drmero اقتراحك تحفة ويا ريت يتنفذ

لو سمحتم عايزة اعرف رايكم فى مدرسة الرواد للغات والقاهرة للغات فى مدينة نصر المنطقة التاسعة والمصاريف ارجوكم ردوا عليا