مبرووووووك الجزء الجديد يا احلي امهات
وربنا يوفقنا كل وحده في المدرسه اللي تناسب طموحها وامكانيتها يارب
فيه ظاهره لما بدخل الملف ده بحس بيها وانا نفسي نصححها
مش معقول مفيش مدرسه كويسه اقل من 10 و 15 الف جنيه
طيب واللي عندهم اتنين وتلاته بيعملوا ايه ؟؟؟؟
وكل الاطباء والمهندسين وغيرها من الكليات الممتازة
كانوا خارجين من مدارس حكومه وبالكتير اوي اوي تجريبي وفي غايه الادب والاخلاق والتربيه
اللي انا موافقه عليه
ان المدارس من الفئه دي بيكون فيها اهتمام بالانشطه ومعامله لطيييييفه للطفل وشويه تظافه واهتمام باللغات
بس ده مش معناه ان باقي المدارس العكس
ومش عاوزين نرمي كل حاجه علي المدرسه وننس دور الاهل وهوه مهم جداااااااا
عاوزين نعمل في الجزء ده حاجه جديده بحيث اننا نخدم كل الناس
عاوزين نقسم الملف لمناطق

ونمسك كل منطقه

ونشوف افضل مدرسه تجريبي وافضل مدرسه خاصه
والمدارس بمختلف المستويات
وطبعا نتكلم عن الايجابيات قبل السلبيات
لان السلبيات احنا اللي بنخلقها او بمعني اصح
اطفالنا لو مش عليهم رقابه واهتمام منننا هيبقي المدرسه فيها سلبيات كتير حتي لو بندفعله 30 الف كل سنه
ياريت يا امهات نبدا الملف ده بوجهة نظر جديده
علشان الكل يستفيد
وفي الاخر كل وحده بتختار حسب الطريق الي هيا راسماه لابنها او بنتها
وياريت بردوه بلاش نتناقش في موضوع راهبات او رهبان هنا
عاوزين نناقشه يبقي في الملتقي الديني
لكن هنا عاوزين نجمع اكبر قدر من المعلومات عن المدارس اللي موجوده في كل منطقه

yomizo
بالدقي في مدرسة اسمها Dar El Tarbiah School
رقم 30 ش أمين الرافعي- الدقي
لو في حد في البنات يعرفها ياريت يقولنا عليها

drmero معاكي حق في كلامك وانا اؤيدك
في حاجة كمان الموضوع عايز يتنظم يعني كل منطقة يوضع تحتها المدارس الخاصة بها والردود الخاصة بها لان الموضوع بقي سايح علي بعضه مش معقول كل ما حد عايز يدور علي مدرسة معينة في منطقة محددة يقرا كل الكلام ده
انا بتوه لما باجي ادور علي رد بخصوص مدرسة او اجيب عنوان ...كله دخل في بعضه

انا عاوزة مدارس لغات بس عشن الاسعار دى كده في الشااااطح اوى

لو سمحتم انا جديدة فى الموقع وانا فى السعودية ونازلة شهر5 وساكنة فى مدينة نصر وجنب البيت فى مدرسة الرواد والقاهرة حد يعرف مستواهم ومصاريفهم كام انا اولادى حيكونوا فى الصف الخامس والصف الثانى الاعدادى ارجو الرد سريعا واشكركم

كتبت بواسطة drmero

مبرووووووك الجزء الجديد يا احلي امهات
وربنا يوفقنا كل وحده في المدرسه اللي تناسب طموحها وامكانيتها يارب
فيه ظاهره لما بدخل الملف ده بحس بيها وانا نفسي نصححها
مش معقول مفيش مدرسه كويسه اقل من 10 و 15 الف جنيه
طيب واللي عندهم اتنين وتلاته بيعملوا ايه ؟؟؟؟
وكل الاطباء والمهندسين وغيرها من الكليات الممتازة
كانوا خارجين من مدارس حكومه وبالكتير اوي اوي تجريبي وفي غايه الادب والاخلاق والتربيه
اللي انا موافقه عليه
ان المدارس من الفئه دي بيكون فيها اهتمام بالانشطه ومعامله لطيييييفه للطفل وشويه تظافه واهتمام باللغات
بس ده مش معناه ان باقي المدارس العكس
ومش عاوزين نرمي كل حاجه علي المدرسه وننس دور الاهل وهوه مهم جداااااااا
عاوزين نعمل في الجزء ده حاجه جديده بحيث اننا نخدم كل الناس
عاوزين نقسم الملف لمناطق

ونمسك كل منطقه

ونشوف افضل مدرسه تجريبي وافضل مدرسه خاصه
والمدارس بمختلف المستويات
وطبعا نتكلم عن الايجابيات قبل السلبيات
لان السلبيات احنا اللي بنخلقها او بمعني اصح
اطفالنا لو مش عليهم رقابه واهتمام منننا هيبقي المدرسه فيها سلبيات كتير حتي لو بندفعله 30 الف كل سنه
ياريت يا امهات نبدا الملف ده بوجهة نظر جديده
علشان الكل يستفيد
وفي الاخر كل وحده بتختار حسب الطريق الي هيا راسماه لابنها او بنتها
وياريت بردوه بلاش نتناقش في موضوع راهبات او رهبان هنا
عاوزين نناقشه يبقي في الملتقي الديني
لكن هنا عاوزين نجمع اكبر قدر من المعلومات عن المدارس اللي موجوده في كل منطقه

الاخت العزيزة اؤيدك في اننا محتاجين لتنظيم المحتوى اللى كلنا ساهمنا في عرضه ..

الاخت العزيزة possy26
انا اللي قلت و باقول ان بي كرنك زفتتتتتتتتتتتتت
لو الام اللى شكرتك لك فيها ابنها او بنتها في حضانة يبقى لها حق هم كانوا معانا في kg منتهى الاهتمام بالاطفال وحفلات ورحلات و لكن مع الاحتفاظ بمدأ الارهاب لازم الطفل يترعب من المديرة او من عدم المرواح لاهله لان ده الشائع هناك ان يقولوا للطفل مش هانروحك لماما!! بس انا كنت باطمن ابني وفهمته ان ده طالما ما حصلش ولا مرة يبقى مستحيل يحصل.
المهم كل اللى اعرفهم اولادهم في اولى ابتدائي كانوا زملاء ابني منهارين ومستنيين بفارغ الصبر التحويلات. والله على ما اقول شهيد. كفاية احساسي اللى لا يمكن انساه اني خايفة ابعت ابني المدرسة. لانهم كانوا بيضحكوا زمايله عليه علشان يدمروا لي نفسيته !!! حسبي الله ونعم الوكيل والحمد لله انه يسر لي النقل بعد بداية العام الدراسي الحالي .

الف مبروك على الجزء الرابع
drmeroاخيراا" انا معاكى جدا جدا
من بدرى بقولكم اتكلموا شوية على مستوى المصاريف الى اقل ربنا يسهل ويكون فيه اهتمام
من كل المشاركين
yomizo
بصى ياستى انا بالظبط زيك ساكنة فى الرماية وعاوزة اقدم لابنى هيكون ان شاء الله فى شهر 10 4 و 3 شهور
المهم انتى سنكم حلو لان فيه مدارس كتير بتاخد من 3.6
عندك * جينيس المصاريف حوالى 4000 للحضانة فى اول طريق كرداسة بعد كوكى بارك علطول
*حفر الباطن " الاكاديمية البريطانية " اسمع عنها انها كويسة جدا ب 3200 طريق البطران من شارع النفق سهلة الوصول وانا عجبانى قوى بس لسه مش مقررة لانى كمان هاحول لاخوه الكبير فى سنة 2 فلسه طبعا هابص تانى
فيه كمان *ويزنس دى ناحية جينيس ونفس مستوى المصاريف تقريبا
* سقارة ناس تقول حلوة وناس تقول لا مش عارفة بالظبط حوالى 3000 المصاريف
*الاورمان اكاديمى فى المريوطية ناس بتقول حلوة مش متاكده مصاريفها حوالى 3500
* رويال هاوس دى بيقولوا عنها ممتازة فى سقارة
* الملكة * علوى بيشكروا فيهم برضه قوى بس دول المصاريف فى حدود 5500
*كل المصاريف بالكتب بس
المهم لو رحتى انتى او اى حد بليييز قولوا ايه الاخبار
اه على فكرة انا سامعة ان التقديم اول ابريل يعنى محتاجين نستقر سريعاً
وان شاء الله ربنا يوفقنا جميعا لخير ومصلحة ولادنا
معلش طولت ويارب حد يستفيد ونشوف ردود تساعدنا ان شاء الله

نا الملكه قريبه منى اوى

وكلمت بلوم دلوقتى عرفت منهم مصريفهم 8000 والباص 2000 وعرض عاملينه لحد قبل شهر مايو انه ياخد 10% خصم لاخر حياته فيها على كل المصاريف وبتتجفع بقسطين 60% الاول وعلى شهر 12 ال %40 الباقيين
وسن التقديم فيها 3ونص في اول اكتوبر
للكي جي

وكلمت واحده تانيه اسمها ال عثمان الخاصه في لغات وفيها عربي
سن التقيدم برده 3 ونص في اول امتوبر
ومصاريفها للكي جي عربي 2200 وللغات 3200
والباص بيبدا من 1000

ايجبت دريم طلعت بعيد اوى في طريق المنيب ولو كوبري المنيب وقف البت هتوصلى بعد بكره
مع انها برده شكلها ظريف
بس لسه مكلمتش ح تانى
اه وكلمت سانت جوزيف الراهبات في الزمالك بس لاقيتهم بياخدوا من سن 4 ونص في اول اكتوبر
والعروبه كمان بياخدوا من 4 سنين بالظبط في اول اكتوبر وللاسف ببنتى هتبقى فاضلها 24 يوم وتتم الاربع في اول اكتوبر :S

السلام عليكم يا أحلى أمهات مبروووووووك على الجزء الرابع و ربنل يجعله في ميزان حسناتكم
سمسمة المسمسة دي نمرة سوبر جلوبل و آسفه على التأخيير 33851033