انا بنتي في سنة رابعة ابتدائي ...كل يوم ادعي على التعليم و الي عايزين يتعلموا و وزارة التعليم و وزير التعليم ..منهم لله جميعاً .....على المناهد التعقيد الي بيدرسوها للعيال .... مش فاهمة اية الغرض من كدة ..

عيال لسة ما تموش 10 سنين .... بياخدوا كمية معلومات .... غير طبيعية ..و كل المدرسين بيقولوا ان المنهج دة كاب نازل من سنة خامسة و سادسة ابتدائي ...

نفسي اعرف هما العيال فجاة بقت عباقرة ..علشان يدرسوا لهم منهج كبير كدة ..
يعني اية طفلة اول سنة تاخد علوم ..تدرس المجرات و دوران الشمس و القمر و الارض و المد و الجزر و اسبابة و السيول و الاعاصير و العواصف و اسبابها و كيفية الوقاية ....

اية بقى ..في اية ؟؟؟ حد يقول لي من المدرسين ,,؟؟ بنتي لسة تامة 9 سنين و بتاخد كل البلاوي دي الي جانب منهج رياضية عقد و منهج دراسات اعقد و اعقد ..
نفسي اعرف السبب

اية سبب التعقيد ... علشان نحول مثلا نظام امريكان ..و يلغوا مجانية التعليم ..ولا علشان يحدوا من اعداد الطلاب الي داخلين ثانوي ثم الجامعة ..مش عارفة السبب و يا ريت حد يرد عليا

صدقت اختي الاولاد ما ينفع ليهم غير السهل

وانا اصلا ما شفت مناهج الاولاد ولا اعرف مناهج مصر كيف ؟؟؟؟؟؟

الله يعينك عليهم

أهلين اختي
الله يوفق بنتك ويقويك على تدريس الاولاد وتربيتهم ..
انا مش من مصر ولا اعرف المناهج
بس على فكر هو الام يمكن تشوف المنهج صعب على اولادها
بس الاطفال يقدرون ياخذون ويتعلمون التعليم من الصغر كالنقش على الحجر ؟؟؟

الله يعينك أختي
أنا إبني الكبير في الصف الرابع منهج بريطاني
وبياخد التعقيدات اللي بتقولي عليها
فعلاً بياخد كم كبير من تعقيدات في المواد اللي قلتي عليها
ونفس الدروس بس باللغه الإنجليزيه
بدل ما كان بيطلع من الأوائل السنه اللي فاتت
السنه دي مستواه إتأخر جداً
قلبتي عليا المواجع ههههههههههه
الله المستعان

أنا اعتقد ان البلد لقت ان اعداد المثقفين كتروا وان كل شاب حاصل على مؤهل بينادى بأعلى صوته و يقول اتعلمنا واخدنا شهاداتنا و فين الشغل؟؟؟؟؟؟؟؟؟

فعملوا احصائيه و انتهوا فيها الى ان عدد الشباب اللى بيشتغل اى حاجه والسلام وبملاليم

قلوا خالص وان الكل بيجرى على الوظيفه الحكوميه لانهم معاهم شهادات طبعاااااااا

وكمان المهندسين والدكاتره و الضباط كتروا و برضه مفيش شغل !!!!!!!!!!!!!!!!!!!!!!!

فعملوا اجتماعات و مباحثات و انتهوا للحل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

قالوا

احنا نقتل الاولاد وهم لسه فى مهدهم نكتروا المناهج و نصعبوها و ناخد من الكليات و ندى الابتدائى وبكده الاباء هايشحتوا علشان الدروس الخصوصيه وبرضه مش هاينجحوا

وبكده نضرب عصفورين بحجر لغينا التعليم و قللنا المتعلمين و برضه ممنعناش حد وهم اللى قرروا


وربنا يستر على اولادنا و اولاد المسلمين

(و يشتت اولاد الكفره و -------)

الله يسهل عليهم يارب ،،
ويجعل أولاد وبنات المسلمين في ثقافة عالية،
ويصلحوا بها الأمة الإسلامية، ويرفعوا راسها ..

تحياتي
vip.comvip.

^.^

اااااااااااااههههههههههههه............
جيتى على الجرح....أنا أولادى لسه صغيرين(ربنا يستر عليهم) لكن أنا فى وسط الأحداث بسبب انى science teacher لسنة رابعة!!!!!!!!!!!!!!!!!!!!
و فعلاً منهج رابعه نازل بالحرف من خامسة و سادسة!!! لأ و كمان حتة من أولى اعدادى
والله احنا يا مدرسين صعبان علينا التلاميذ جداً لكن ما باليد حيلة.....بنعمل أقصى ما فى وسعنا من شرح و فهم و تبسيط الموضوع على أد ما نقدر....لكن فعلاً مش سنهم خالص.....
لأ و لسه....الترم التانى حاجه زى الفل!!!!!!!!!
بجد ربنا يكون فى عون التلاميذ و أهاليهم.....
و ربنا على الظالم و المفترى

تيوليب ابنك فى مدرسه ايه اصل انا بنتى فى تانيه برضه بريطانى بس حاسه ان الموضوع مش اسهل و لا حاجه من منهج الناشونال زى ما كنت متخيله و انا كمان بنتى كانت كويسه فى مدرسه اللغات بس المستوى الحقيقى بان لما حولت لبريتش انا خلاص مش عارفه اعمل ايه ياريت تقوليلى النظام عندكم ايه كمان اكتشفت ان ما فيش اعمال سنه كله معتمد على اخر امتحان فى مايو ربنا يستر .

على رايك يا ام مريم هو بقى الاميركان اللى شغال دلوقتى نكع دم قلبنا علشان نرتاح هو ده النظام الجديد و بعد كده يخشوا جامعات خاصه لان طبعا هو ده اللى عايزينه دلوقتى بجد الواحد تعب اوى .

و بنتى عندها مشكله فى الاملاء فى كل المواد انجليزى-عربى -المانى مش عارفه اعمل ايه ياريت حد يفدنى احفظها الحاجه مافيش بعدها تنسى كله و يبدا العك ادينى بحاول معاها ادعولى

ازيك يا ايمو,
ربنا يعينك و يوفق بنوتك
بصى,أنا بأشوف ان أحسن حاجه لاجادة الاملاء هى اجادة ال phonetics و مخارج الحروف....يعنى لو الطفل عارف كل حرف بيتنطق ازاى,هايقدر يكتب أى كلمة عن طريق تحويل كل صوت الى حرف
حاولى تمرنى بنتك على الحكاية دى,لو مش بياخدوها فى المدرسة
أنا بأعمل كده مع ابنى kg 2 لاقياها جايبة نتيجة كويسة