السلام عليكم

واشكركم ع الدخول

انا متخرجه العام يعني في 1428ه

وانا اموت في شي اسمه شغل باليد خاصه التغليف والهدايه والسلات

وجلست هالسنه باليت عشان اهلي راحوا مع اخوي ل خارج الرياض يدرس سنه

واكيد رحت معهم ولا سجلت وما شاء الله تقديري ممتاز في الثانويه الحمدلله

وعشان اذا جينا للرياض ان شاء الله عادي اسجل في كليه الاقتصاد قسم اداره منزل

ويااخوات سمعت انه فيه شي اسمه قــــــــــــــــــــــــــــــــــــــدرات

والله من سمعهت الخبر بغيت انهبل

كيف انا معهم واذا معهم يعني مو داخله قسم اداره منزل ولا اقتصاد وراح كل شي علي

لان القدرات تسوي بلاوي ؟؟؟؟

تكفون ساعدوني انا كيف انمي موهبني ؟؟

لاني جالسه سنوات اتنظر تخرجي عشان اسجل في كليه الاقتصاد

وقالت لي وحده كليه الاقتصاد حطوا بطاقات للطالبات

وامي حالفه مادرس ولا ادخل اكليه اذا فيها بطاقات اذا فيها صوره

تكفون انا وش اسوي

تراني انتظركم بااحر من الججمر

أختي الحبيبة توكلي على العلي القدير القادر على فعل كل شئ
أماخوفك من القدرات فلا أعلم السبب مادام إنك نجحت بتقدير ممتاز ثقي بنفسك وراجعي دروسك ويوجد كتاب يباع يوجد به نموذج للأسئلة القدرات
أما مشكلة الصور روحي إستديو التصوير الخاص بالنساء (إللي يصورون العرائس وما إلى ذلك )
أم البطاقه فحافظي عليها كحفظك لإسمك ولا تظهريها إلا عند الحاجة
والله يحفظك إنت ووالدتك وجميع أمهات وبنات المسلمين وجعل لك مستقبلا زاهرا

يانجوم كيف اروح لاستديو التصوير واهلي رافضوا اني اطلع بطاقه

والمشكله اخف القسم اللي ابيه ( اداره منزل ) مايقبلون الا نسب معينه في القدرات

والله انا تعب ابي ادرس يارب تسهلها علي

وادخل الكليه ومايشملني النظام يارب

شوفي اختي ومن يتقي الله يجعل له مخرجا لاتيأسي واحمدي الله انكم في العاصمة الرياض يعني كل شي متوفر اسالي عن الكلية التقنية للبنات كلية حديثة وتهتم بالعمل الحرفي و انا سامعة كمان ان الدفعة الاولي للخريجات المتفوقات راح يعينوهم معيدات بالكلية
لاتستسلمي وابحثي في النت بنفسك عن الكليات وشروطها ولوائحها وتوكلي على الله وتذكري ان طاعة الله وبر الوالدين من اهم اسباب التوفيق في الدارين.......

معاك كل الحق أختي بوصلة

الله يعطيك الف عافيه يارب

ويخليك والله ريحتني عسى يارب ماتصير هالكليه بعد تبي قدرات

الله يسهلها يارب والله محتاجه مره مره

اختي العزيزه الخير فيما يختاره الله والله الموفق