انا بنتى على فكرة خلصت kg2 بس المدرسة اللى هى فيها دلوقتى(المنار اللغات - الكوم الاخضر) مش عجبانى خالص ولا عجباها هى كمان وعشان كدة بفكر انقلها مدرسة تانية بس بفكر فى التجريبى وكمان اخوها الصغير هيدخل kg1 السنة دى وطبعا لازم يدخلو مدرسة واحدة منعا للشحططة والبهدلة صحيح انا معايا عربية لكن الطريق صعب وقت دخول وخروج المدارس ,,
انا ساكنة فى الطوابق -فيصل لو حد يعرف مدارس تجريبية ياريت يقولى عليها

شكرا ايمو وشكرا لbent mesrانا فعلا سالت في منار هاوس بس مجرد ردهم في التليفون دايقني لانها استغربت اني باقول السلام عليكم وفالت لي احنا امريكان هنا والمصاريف 15000مش 5000مش عارفه فيه خلط امور تقريبا وكمان النولدج برنامجها الucmasواخلاقنا وتحفيظ القران والتجويد والرياضه...الخ والخصم طبعا كلها مشجعه بس افلح ان صدق والله المستعان

اما بالنسبه للتجريبي والله فكرت جامد بس الخوف لو العدد في الفصل كان 60 والكلام ده صعب قوي لان المدرسه مهما كانت مميزه مش هتطيق الاولاد ومش هتاخد بالها منهم لكن لو العدد صغير واللغه ممتازه دي 1تبقي حاخه هايله والله انا مش هرتاح غير لما ابني استقر بقي والمشكله كمان ان ابني مرتبط بياا قوي
ربنا يستر

بنت مصر انا بنتى فى مدرسه الفيوتشرزفى المعادى .

http://services.moe.gov.eg/privat/dawlia.html
ادخلوا هنا مفيد قوي وادعوا لي لو استفدتم ولو ما استفدتوش؟؟ههه

يا جماعة أنا جوزي مصمم يدخل الأولاد "مدرسة غرياني"

مفيش أي حد يعرف أي معلومة عن مستوى التعليمي والتربية والانضباط وخصوصا اللغات فيها؟

أنا قلقانة جدا خاصة إني بتكلم معاهم في البيت عادة بالEnglish
وخايفة جدا اللي عملته ده كله يضيع.


مروة...

حبيبتى انا بنتى فى غريانى وبنقلها مدرسة تانية عشان اللغة فى غريانى مش مطمنانى على البنت مستواها قل فيها وهى فى kg1 وكمان مافيهاش انشطة للبنت زى اى مدرسة محترمة غير كدة انهم خلو مصاريفها 6000 غير الباص فقلت زيادة بزيادة انقلها احسن

كتبت بواسطة soly

السلام عليكم موضوع هايل جدا و شكرا لصاحبة الموضوع و ردودكم مفيدة جدا بارك الله لكم
انا قدمت لابنى فى مدرسة علوى و بيراميدز بالمريوطيه هو هيدخل kg1 ايه رايكم ببيراميدز من زمان اسمع انها ممتازة و مستوى الطلبة بابتدائى و اعدادى بيطلعوا شاطرين جدا بس هى ابعد بالنسبه لى من علوى
بيراميدز مقابلتهم رائعة المدرسة من جوه تحفة و المصاريف5000 الاف غير الباص المدرسة كلها متجددة بالكامل فالمبانى و الفصول تحفة و كمان مقابلتهم حلوة جدا
علوى مقابلتهم لنا كانت سيئة جدا اول حاجة قعدونا قدام التليفزيون علشان نتفرج على المدرسة و طلبنا نتفرج لايف قالوا ممنوع طيب امتى نقدر نجى قالوا بعد دفع المصارف هل هذا معقول ادفع المصاريف من غير ما اعرف شكل المدرسة ايه و بصراحة انا و زوجى خفنا من طريقتهم دى لانه ابنى اول مرة يروح مدارس

قبل كده وديته حضانه 5 او6 مرات و حاولت محاولات كثيرة لكنه رفضها تماما و كان يبعيط جامد جدا و لانه مرتبط بى لانه ما لوش اخوات لسه فمن ساعتها ما راحش اى حاجة

انا بافضل علوى لقربها منى لكن برضه خايفه انهم لا يسمحوا لى فى الاول اعرفه على الاطفال او اقعد معاه شويه يومين 3 بالكثير و خايفة يشددوا كده لانهم عايشين الدور شويه هههههههه

ايه رايكم بيراميدز ام علوى

انا اساسا مترجمة eng فمعنديش مشكله باللغة الحمد لله بس باهتم طبعا انه يطلع مستواه كويس لانى انا نفسى كنت فى مدرسةلغات و ده طبعا اثر على قوى لانه بابتدائى كانوا مهتمين بينا

و لا رد من اى واحدة منكم المفروض طيب نفيد بعض زعلت و الله كثيررررررررررررررررررررررررررر

بصراحة الموضوع قوى جدا و أرجو إنه يكمل لغاية ما يبقى مرجع لكل اللى عنده مشكلة إختيار المدرسة
أنا عندى إستفسار عن مدرسة Millennium school لإن أنا بالفعل ابنى قبل فيها.
لو سمحتوا اللى ممكن يفيدنى عنها له جزيل الشكر.
و كمان مدرسة البشاير اللى فى المعادى الجديدة حد ممكن يفيدنى عنها ولا لأ

كتبت بواسطة soly

و لا رد من اى واحدة منكم المفروض طيب نفيد بعض زعلت و الله كثيررررررررررررررررررررررررررر

ما تزعليش اكيد مفيش حد عنده معلومه تفيدك والله الكل حاسس ببعضه لاننا بنتكلم عن اغلي ما عندنا بس استني لحد ما ييجي رد والله المستعان الحقيقه ما حدش بيتاخر (علي فكره انا مثلا ما عرفش الاثنين ومحتاره جدا ) بس صلي استخاره ورتنا يدلك للي فيه الخير

كتبت بواسطة feshara

بصراحة الموضوع قوى جدا و أرجو إنه يكمل لغاية ما يبقى مرجع لكل اللى عنده مشكلة إختيار المدرسة
أنا عندى إستفسار عن مدرسة Millennium school لإن أنا بالفعل ابنى قبل فيها.
لو سمحتوا اللى ممكن يفيدنى عنها له جزيل الشكر.
و كمان مدرسة البشاير اللى فى المعادى الجديدة حد ممكن يفيدنى عنها ولا لأ

ربنا يوفقك انا كل يوم لازم ادخل اشوف اخر الاخبار ولما الاقي اي جديد او اي رد برتاح لاني بحس بالمشاركه

Soly حبيبتى ماتزعليش اليومين دول امتحانات فبعرف بليل ادخل اكتب بعد ما يناموا الاولاد

بالنسبه لسؤالك بيراميدز اقوى تعليميا من علوى بس شغلهم كتير لو ده مش مشكله بالنسبه ليكى بس ياسسوا كويس يعنى شيتات كتير و شغل كتير فى البيت

انا كان ليا واحده صاحبتى كانوا اولادها فى علوى و حولت مدرسه جديده بيشكروا فيها اسمها Diamond علشان علوى قالتلى غاليه على الفاضى عموما لو عايزانى اسالهالك بالتفصيل انا تحت امرك