ممنوع المشاهده من الثانويه عشان الاحباط بسس كده
والمجاميع اللى تشرف واللى ما تشرفش
والواد تامر ابنك جاب كام يختى
والنبى يام احمد بيلعب طول السنة ده كويس انه نجح وعدا
كويسين الخمسة وخمسين فى المية
وكلام زى ده كتير
ولسه بأه التنسيق وعجائبه الألكترونى منه وغير الألكترونى
والواد ميدو اللى جاب 101% ومش عارف يدخل طب أل يعنى لو دخل طب هيفلح
ولو فلح هيشتغل
يبقى يقابلنى
من الآخر
الثانوية العامية دى مش جايبة همها
وجع بطن طول السنة ومن قبل الدراسة بييجى شهرين
على ايه ده كله؟
على نظام التعليم اللى زى الفل ويخلى مخ الطالب بعد التعليم انضف من الصينى بعد غسيله؟
وللا على فرص العمل الللى مالية البلد ومش لاقية حد يشتغل؟
وللا الحرية اللى لا يتمتع بها الا المتعلمين والديمقراطية اللى بيبرطعوا فى نعيمها لمجرد انهم متعلمين؟
لالالالالالالالالالالالالالالا
نسيت انه بلاش سياسة عشان المنتدى ميتقفلش واللى هيروح فيها واحد بس
طبعا عارفينه
المهم لازم نشكل فرق للمساندة النفسية لضحايا الثانوية العامة
واهالى الضحايا كمان
ومعلش يا طلبة الثانوية
هو كاااااااااااااااس والكل لازم يشرب منه
وكلنا لها وما دايم الا وجه الله
واحب ابارك لأى حد نجح وأى حد ما نجحش
الروابط المفضلة