اولا السلام عليكم ورحمة الله وبركاته
أنا سندرلا من السعوديه

ثانيا احب اقولكم ان
الموضوع قد يهتم به البعض وقد يغفله الاخرون
اذا لم يكن لهم به صلة ..
و أنا أؤكد لك وراح اتكلم عني ونيابة عن كثير من زميلاتي ..

الكل يعرف طبعا ان اختبارات نهاية الفصل الدراسي الأول بعد اجازة عيد
الأضحى ..
(((( مدة الاختبارات اسبوع وثلاثة ايام فقـــــــــــــــط ..))))))

وحتى ثالث ثانوي اسبوع وثلاثة ايام ..!!!

يعني كل مادتين بيوم ..!!
برأيكم مافيه نوع من الاضطهاد
أيعقل ان يكون 13 مادة من بينها (( أدب بكمه الهائل واللي ما يصدق يطلع على المنهج ))
والجغرافيا وصفحاته التي لا تنتهي .. و ..و .. و
sid
وانا خصيت ثالث ثانوي لأننا نحتاج الى ((( نسبة )) وكيف نقدر نذاكر مادتين
بيوم ونجيب مجموع كويس ...حرام تضيع سنين دراستنا

لذا حبيت اني ارفع صوتي لعل وعسى احد يسمع لنا ويقدر يرفعه للمسؤؤلين
والله في عون العبد ما دام في عون اخيه ..

ويعدلون النظام لانه باقي عليه كثير ..

وانتم ايش رأيكم ما معنا حق ...؟

السلام عليكم ورحمة الله وبركاته ..
حياكِ الله عزيزتي سندرلا
عسى أن يصل صوتكِ للمسؤولين ويحققون لكم ما ترغبون
لكن يا أختي لماذا لا تقومون مثلاً بالاتصال بالوزارة وإيصال صوتكم مباشرة ؟
خاصة إذا رؤوا إلحاح في الموضوع فقد يعدلون عنه ..

لكن في كل الحالات أوصيكِ بالدراسة المبكرة أول بأول ..
لأنه مثل ما يقولون " إن ما طاعك الزمان .. طيعه "
الله يوفقك عزيزتي وتجيبين أعلى وأحلى العلامات ..

وفي المرفقات هدية مني لكِ ولجميع الطلاب والطالبات

اختي اذا خلو لك الاختبارات اسبوعين واجتهدتي انتي وغيرك والمفاجاء انك جبتي نسبه عاليه نتيجة الوقت المعطى لك وكل يوم مادة وخلصتي ثانوي وطبعا النسبه كانت عليه يعني نقول فوق ال86 واردتي التسجيل بالجامعه طبعا انا اقصد السنه الي فاتت كانت النسبه المطلوبه لدخول الجامعه منتظمه ولو كانت نسبتك 85و3/4 خمسه وثمانين ولوناقص عشر الواحد طيب ما يقبلون الا انتساب عاد الله اعلم هذي السنه يمكن 90 حقيقه اتكلم من واقع عموما جبتي نسبه وغيرك جاب نسبه من باقي يدخل انتساب ويدفع كل ترم 3000 يقولون بعد ترمين اذا جبتي معدل تحولين منتظمه كلام في كلام لما توصلين يقولون حسب الاولويه وبعدين 3000الاف طالبه انتساب ما ناخذ منهم الا 50 تخيلي والباقي يقعد يدفع غير المحاضرات تكون مضغوطه يعني في وقت قصير ومن 3 الى 10 باليل الي ياخذونه بنات الانتظام في ترم تاخذينه في 3 أسابيع فقط وعنك ما فهمتي منهج ولازم يخلص في خلال الفترة القصيره المحددة عشان كذا
يا اختي الفاضله انصحك لوجه الله ذاكري من بدري ولا تنتظرين احد يفزع لك كان شفنا الفزعه من قبلك ومعلومه من عندي اختي انا قدمت ثلاث برقيات للملك عبد الله حفظه الله ورعاه وجه الخيرعشان ادخل الجامعه انتظام لكن انا متاكدة ما وصلت له يعني في ناس تكتب يحفظ او حسب النظام لكن لو توصل له شخصيا لو حتى بس ياخذ فكره ما يقصر ابو متعب لكن نصيحه مني ذاكري واستغلي وقتك ولاتنتظرين احد يقولك اشري الاختبارات بس انتي تامرين انسي الموضوع
والله يديم لنا ولاة امورنا ويحفظهم من كل سوء قولو أمين يارب العالمين
والله يوفقك ويوفق كل ابناء وبنات المسلمين يارب