باركَ اللهُ فِيكِ وجزاكِ اللهُ خَيراً
< إشرافَ المصليّات والأنشطَة >
ما شاء الله تبارك الرحمن
ربي يحفظكن من كل سوء ويجزيكن عن الاسلام والمسلمين خير الجزاء
الفكرة جدا رائعة بارك الله في جهودكن
احببت ان اشارككن في هذه الافكار كمعلمة تحفيظ
بالنسبة للدوام:
8:30-12صباحا طبعا
احد وثلاثاء وخميس
وكل وحدة حسب مجتمعها واللي بناسسبها
المواد التي نعطيها:
حفظ القران الكريم مع التفسير
السيرة و قصص و الحديث
طبع كل يوم 4حصص
البرنامج ببلش بطابور صباحي
لا تفكروا انو مثل نظام المدرسة ابدا الوضع مختلف تماما
ورح تشوفوا كيف
الطابور مدته نصف ساعة وبكون فيه:
وحدة من الطالبات بتقرا قران
وبعدها طالبة بتقرا حديث
وبعدين في شعار للمركز وهو شعار حماسي وبامكانكم تستفيدوا منه:
اللي بالاحمر بتحكيه المشرفة واللي بالاسود للطالبة:
بتقول المشرفة: بتقول الطالبة:
حسبي ربي جل الله
مافي قلبي غير الله
صلي وسلم يا الله
على محمد رسول الله
انا آمنا بالله
وصدقنا برسول الله
نرجو الجنة ندخلها
يوم الحشر ان شاء الله
يوم الحشر ان شاء الله
من انتن نحن الفتيات
من انتن جند الرحمن
من انتن اهل القران
دعوة لله
زعامة للرسول
دستورنا القران
بعدها في نشيد للمركز البنات برددوه.
وبعدها كلمة لوحدة من المعلمات بتحكي فيه عن شعار الاسبوع(رح احكيلكم عن قصة الشعارات بالتفصيل) ونصائح للحافظات
بعدها بكون مسابقة بسيطة للطالبات مشان يتنشطوا سواء بالبالونات
او اسئلة وغيرها
وبعدها بببلش الدوام
اول ساعتين للتسميع
اوحسب الوضع
بعدها استراحة لمدة ثلث ساعة
بكون فيه ساندويش وعصير للطالبات وممكن تجيبوا شيبس وبسكوت
للي بتحب تشتري
بعدها بكون حصة قصيرة عن واحد من المواد السابقة لمدة نصف ساعة
واحيانا بعد ما ننتهي بنعمل ساعة نشاط وهي منوعة وجدا رائعة للطالبات
لانها بتششجعهم انهم يجوا وبتحببهم في المركز
النشاط بشتمل مثلا:
بنعمل مع الطالبات حلويات بسيطة
اوسلطة تبولة.
واحيانا بنخليه مفتوح يعني بنجمع الطالبات في غرفة
واي مجموع بتحب تنشد او تمثل مسرحية او اي شي بتطلع قدام الطالبات
وبتقدم عرضها
ورح تتفاجئوا من البنات الكل متشجع ومتحمس وبدو يطلع
رح تشعري فعلا انو التفاعل كبير من البنات
ويمكن ما يكفي الوقت للكل
خليني ارجع للشعار
احنا دوامنا 4اسابيع
عملنا لكل اسبوع شعار
مثلا اول اسبوع عن الوضوء والصلاة واخترنا اله شعار
والثاني عن الحجاب
واللي بعده عن بر الوالدين
واللي بعده عن الاقصى
وكتبنا الشعار على لوحة وعلقناه
وببداية الاسبوع بتقوم وحدة من المعلمات بتحكي للبنات عن الشعار
وبتنصحهن وبتذكرهن بكيفية تطبيق الشعار في مجتمعنا ومع اهلنا
يوم الخميس وهو اخر يوم في دوام الاسبوع
بعد تسميع القران والاستراحة
بكون في نشاط وهذا النشاط ثابت في كل خميس
مو مثل الانشطة في الايام الاخرى لانو احيانا بنعمل انشطة واحيانا لا
اما يوم الخميس لابد من وجود نشاط
النشاط يجب انو يكون متعلق بشعار الاسبوع
من حيث الفقرات
وبندرب الطالبات اللي بدهم يشاركوا اما في نفس اليوم
او قبله بيوم
والتدريب على فكرة بكون كثير سهل وبيسط وما بوخذ معك 10دقائق
يعني مثلا:
في اسبوع الصلاة والطهارة
اول فقرة طبقنا(المعلمات طبعا) الوضوء والصلاة بالتفصيل امام الطالبات
وكان بعدها مسرحية عن الشيطان خنزب اذا بتعرفوها
وانا دربت الطالبات عليها في نفس اليوم ما اخذ معي 10دقائق
بعدها كان في اسئلة عن الفقرات السابقة واكيد جوائز
اما في اسبوع الحجاب
عملنا اولا عرض ازياءعرضنا فيه انواع مختلفة من حجاب البنات في هذي الايام
وشرحنا عن حجاب كل عارضة
وكنا نسال الطالبات هل حجابها شرعي ولماذا؟
بعدها مسرحية احنا الفناها
وبعدها قصيدة عن الحجاب
وهيك في كل اسبوع شعار
طبعا بنعطي جوائز خلال المركز الصيفي
على صاحبة الحفظ المتقن واكثر حفظ
ووضعنا الجوائز على رف مغلق بالزجاج
مشان كل البنات بشوفوه ويتشجعوا
وعملنا تيجان جمع تاج :-)
ياريت اقدر اورجيكم اياهم
وهذا التاج بكون لافضل حافظة
بنلسها اياه في نهاية الدوام وبتوخذه عالبيت
لتورجي امها وابوها
وبتجيبوه معها في المرة القادمة مشان نعطيه لحافظة اخرى
ربنا يوفقك الجميع
حاولت قدر الامكان انو اكتبلكم كل شي
وبتمنى انو اكون وفقت في هذا
ولا تنسوا يامعلمات ويا طالبات
انو اهم شي وهو الاول والاخر:
الاخلاص ثم الاخلاص ثم الاخلاص
وجزاكم الله خيرا
رد مع الاستدلال
طريقة سير الحلقة...
الروابط المفضلة